अर्थसंकल्प २०२५ मराठी बातम्या | Budget 2025, Latest News & Live Updates in Marathi | Marathi News (ताज्या मराठी बातम्या) at Lokmat.com

नवी दिल्ली - केंद्रीय अर्थमंत्री निर्मला सीतारामन यांनी आज देशाचा अर्थसंकल्प सादर केला. मात्र अर्थमंत्री सकाळी ११ वाजता लोकसभा सभागृहात पोहचल्या. त्यानंतर बजेट सादर करणार त्याआधीच विरोधकांकडून गोंधळाला सुरूवात झाली. विरोधकांनी केंद्र सरकारविरोधात घोषणाबाजी सुरू केली त्यामुळे काही काळ गोंधळ उडाला. विरोधकांच्या या गदारोळात सपाचे अध्यक्ष अखिलेश यादव हेदेखील सहभागी होते. अखिलेश यांच्या वर्तवणुकीमुळे लोकसभा अध्यक्ष ओम बिर्ला चांगलेच संतापले. लोकसभा अध्यक्ष ओम बिर्ला यांनी अखिलेश यादव यांना अर्थसंकल्प परंपरेची आठवण करून कधीही बजेटच्या वेळी अशाप्रकारे गोंधळ झाला नाही. तुम्ही जे करताय ते योग्य नाही. अखिलेशजी, मी तुम्हाला संधी देतो, परंतु अशाप्रकारे गोंधळ करू नका असं सांगितले. निर्मला सीतारामन बजेट भाषणासाठी तयार होत्या, परंतु विरोधकांना बजेटपूर्वी काही मुद्द्यांवर चर्चा हवी होती. मात्र सभागृहात बोलू न दिल्याने विरोधकांनी गोंधळ घातला. सभागृहात जाण्याआधी अखिलेश यादव काय म्हणाले होते?अर्थमंत्री निर्मला सीतारामन आज देशाचा अर्थसंकल्प सादर करणार होत्या. संपूर्ण देशाचे लक्ष आजच्या बजेटकडे लागले होते. परंतु संसदेत सभागृहात जाण्यापूर्वी अखिलेश यादव यांनी स्पष्ट सांगितले की, सभागृहात आम्ही महाकुंभमध्ये झालेल्या चेंगराचेंगरीचा मुद्दा उचलून धरणार आहोत, त्यामुळे अर्थमंत्र्यांनी भाषणाला सुरुवात करताच विरोधकांकडून या मुद्द्यांवरून घोषणाबाजी सुरू झाली. त्यात लोकसभेत गोंधळ झाला. त्यामुळे लोकसभा अध्यक्ष ओम बिर्ला यांनी विरोधकांना तुम्ही जे करताय ते योग्य नाही, तुम्हाला बोलण्याची संधी दिली जाईल परंतु बजेट भाषणात व्यत्यय आणू नका असं सांगत खाली बसण्यास सांगितले. मात्र तरीही गोंधळ थांबला नाही. दरम्यान, या गोंधळात अखिलेश यादव यांच्या नेतृत्वात विरोधकांनी बजेटवर बहिष्कार टाकला. विरोधी खासदारांनी सभागृहातून वॉक आऊट केले. त्यावेळी तृणमूल काँग्रेसचे खासदार त्यांच्या जागेवरच बसले होते. बजेट भाषणाला सुरुवात झाली. त्यानंतर काही वेळाने विरोधी बाकांवरील खासदार पुन्हा सभागृहात आले आणि शांतपणे बजेट ऐकत होते.

Budget 2025 - अर्थसंकल्प २०२५FOLLOW

Budget 2025, Latest Marathi News

राष्ट्रीय :Budget 2025: केंद्र सरकारच्या अर्थसंकल्पातून ज्येष्ठ नागरिकांना काय मिळालं? वाचा

मागील बजेटमध्ये ज्येष्ठ नागरिकांसाठी बचत योजनेतील डिपॉझिट मर्यादा वाढवली होती. ...

ऑटो :नव्या जुन्या सर्वांसाठी...! ईलेक्ट्रीक वाहनेच नाही मोबाईलही स्वस्त होणार; बॅटरीच्या किंमती कमी होणार

लोकमत शेती :नाशिक जिल्ह्यात एकाच क्षेत्रावर दोनदा पीकविमा उतरवल्याचा प्रकार, वाचा सविस्तर

Pik Vima Yojana : नाशिक जिल्ह्यात पीकविमा योजनेत (Pik Vima Yojana) झालेल्या गैरप्रकारात अनेक नवनवीन बाबी समोर आल्या आहेत. ...

व्यापार :मध्यमवर्गीयांना 'लक्ष्मी'चा आशीर्वाद! १२ लाख रुपयांपर्यंतचं उत्पन्न करमुक्त

Budget 2025 Income Tax Slab: केंद्रीय मंत्री निर्मला सीतारमण यांनी टॅक्स संदर्भात मोठा निर्णय घेतला आहे. ...

व्यापार :काय स्वस्त, काय महाग? मोदी सरकारने बजेटमधून सर्वसामान्यांना काय दिलं?

व्यापार :वैद्यकीयच्या १०००० जागा वाढविणार, शिक्षण क्षेत्रात AI चा वापर; अर्थमंंत्र्यांच्या मोठ्या घोषणा

राष्ट्रीय :बजेट भाषणापूर्वी लोकसभा अध्यक्ष ओम बिर्ला संतापले; अखिलेश यादवांना चांगलेच सुनावले