उल्हासनगरात मतदानाचा निचांक, पहिल्या दोन तासात केवळ १.९८ टक्केच मतदान

Ulhasnagar Municipal Corporation Election Voting: उल्हासनगर महानगरपालिका सार्वत्रिक निवडणुकीसाठी मतदारांमध्ये निरुत्साह दिसून आला. पहिल्या दोन तासात अवघे १.९८  टक्के मतदान झाले. 

- सदानंद नाईक
उल्हासनगर - महापालिका सार्वत्रिक निवडणुकीसाठी मतदारांमध्ये प्रचंड उत्साह दिसून आला. सकाळी कॅम्प नं-५ सावित्रीबाई फुले शाळेतील मतदान केंद्रात एक ईव्हीएम मशीन बंद पडल्याने, नागरिकांना एक तास रांगेत तात्काळत उभे राहावे लागले. मतदार यादीतील त्रुटीमुळे नागरिकांना मनस्तापला सामोरे जावे लागले असून पहिल्या दोन तासात अवघे १.९८  टक्के मतदान झाले. 

उल्हासनगर महापालिकेच्या २० प्रभागांमधून ७८ नगरसेवक निवडून जाणार आहेत. गुरुवारी सकाळी साडेसात वाजता मतदानाला सुरुवात झाली. सकाळी मॉर्निंगवॉकला जाणाऱ्या अनेकांनी मतदान केंद्र गाठले. मात्र मतदार यादीतील त्रुटी, मतदान केंद्रात नाव नसणे, नावा समोर दुसराच फोटो असणे, बीएलओ कर्मचारी जागेवर नसणे आदि प्रकार उघड झाले. कॅम्प नं-५, प्रेमनगर टेकडी भागातील सावित्रीबाई फुले शाळा मतदार केंद्रासह अन्य चार ठिकाणी ईव्हीएम मशीन मध्ये तांत्रिक त्रुटी आढळून आल्या तर काही ठिकाणी मशीन यंत्रणा बंद पडली. त्यामुळे नागरिकांना मतदानासाठी तात्काळत रांगेत उभे राहावे लागले. भाजपचे जिल्हाध्यक्ष राजेश वधारिया यांनी मतदार यादीतील त्रुटी व घोळाबाबत नाराजी व्यक्त केली. पहिल्या दोन तासात अवघ्या १.९८ टक्के मतदानाची नोंद झाली.