Join us
Daily Top 2 Weekly Top 5

भाग्यश्री आणि कतरीना कैफला आवडते हिवाळ्यातील खास फळ! दररोज न चुकता खातात - फळं एक फायदे अनेक...

By लोकमत न्यूज नेटवर्क | Updated: November 29, 2025 11:50 IST

winter fruit amarphal benefits : bhagyashree & katrina kaif tips winter superfruit amarphal persimmon benefits improve skin heart health : कतरीना कैफ आणि भाग्यश्रीने हिवाळ्यात आवर्जून खाण्याचा सल्ला दिलेल्या 'अमरफळा 'चे आरोग्यदायी फायदे पाहा...

हिवाळा ऋतू म्हणजे सिझनल फळं, भाज्या आणि आरोग्याला पोषक असे वेगवेगळे पदार्थ खाण्याचा सर्वोत्तम काळ. आपण पहातोच की, थंडीच्या दिवसात बाजारांत वेगवेगळ्या प्रकारच्या ताज्या भाज्या आणि फळं मोठ्या प्रमाणावर विकायला ठेवलेली असतात. या ऋतूत मिळणारी अनेक फळं शरीराला ऊब देतात, रोगप्रतिकारक शक्ती वाढवतात आणि त्वचा-केसांची गुणवत्ता सुधारतात. बॉलिवूड अभिनेत्री भाग्यश्री आणि कतरिना कैफ या दोघी आपला फिटनेस आणि डाएट याकडे नेहमीच खूप काटेकोरपणे लक्ष देतात. डाएट असो वा स्किनकेअर, दोघी नेहमीच नैसर्गिक गोष्टींच्या वापराला प्राधान्य देतात.(bhagyashree & katrina kaif tips winter superfruit amarphal persimmon benefits improve skin heart health).

सध्या हिवाळ्याच्या दिवसांत मिळणाऱ्या एका खास आणि अत्यंत पौष्टिक फळाबद्दल दोघींनी विशेष माहिती दिली आहे. नुकतेच त्यांनी त्यांच्या इंस्टाग्रामवरुन खास हिवाळ्यात मिळणारे 'अमरफळं' आवडत असल्याचे सांगितले आहे. हे फळ फक्त चवीलाच नाही, तर ते आरोग्य आणि सौंदर्य टिकवण्यासाठी देखील तितकेच आरोग्यदायी आणि फायदेशीर असते. या फळामध्ये असलेली जीवनसत्त्वे आणि अँटिऑक्सिडंट्स थंडीच्या दिवसांत त्वचेला आणि रोगप्रतिकारशक्तीला  एक नवी ताकद देतात. कतरीना कैफ आणि भाग्यश्रीने हिवाळ्यात (winter fruit amarphal benefits) आवर्जून खाण्याचा सल्ला दिलेल्या या 'अमरफळा 'चे आरोग्यदायी फायदे कोणते आहेत ते पाहूयात. 

हिवाळ्यात मिळणारे अमरफळ खाण्याचे फायदे... 

१. हृदयाचे आरोग्य ठेवते ठणठणीत :- अमरफळामध्ये अँटिऑक्सिडंट्स आणि पोटॅशियम भरपूर प्रमाणात असते, जे हृदयाचे आरोग्य वाढवण्यास मदत करते. हे फळ खाल्ल्याने हृदयाच्या आरोग्यात सुधारणा होते, रक्तदाब कमी होतो आणि खराब कोलेस्ट्रॉलचे प्रमाण कमी होते. यामुळे हृदयविकाराचा धोका कमी होतो यासोबतच रोज एक फळ खाऊन हृदयाचे आरोग्य ठणठणीत ठेवू शकता. 

२. पचनक्रियेचे कार्य सुरळीत ठेवते :- अमर फळ फायबरचा एक उत्कृष्ट स्रोत आहे. या हिवाळ्यात मिळणाऱ्या अमर फळामध्ये अंदाजे ६ ग्रॅम फायबर असते. पुरेशा प्रमाणांत फायबर मिळाल्यास पचन कार्य सुरळीत आणि निरोगी राखण्यास मदत मिळते आणि बद्धकोष्ठता टाळण्यास मदत करते. फायबरच्या मदतीने शुगर स्पाइक म्हणजेच रक्तातील साखर अचानक वाढणे रोखण्यास आणि रक्तातील साखरेची पातळी नियंत्रित ठेवण्यास फायदेशीर ठरते. 

लग्न महिन्याभरावर आलं, पण ढेरी कमीच होत नाही? ७ टिप्स - लग्नाच्या प्रत्येक आऊटफिट्समध्ये दिसाल सुंदर...

३. डोळ्यांची दृष्टी चांगली रहाते :- अमरफळ डोळ्यांची दृष्टी वाढविण्यात देखील मदत करते. या फळामध्ये जीवनसत्त्व अ (Vitamin A) पुरेशा प्रमाणात असते जे डोळ्यांच्या आरोग्यासोबतच त्वचा आणि रोगप्रतिकारशक्तीसाठी देखील महत्त्वपूर्ण असते. ल्युटीन आणि झियाझॅन्थिन यांसारख्या अँटिऑक्सिडंट गुणांमुळे हे फळ डोळ्यांची दृष्टी वाढवते आणि डोळ्यांशी संबंधित समस्यांपासून वाचवते. 

४. रोगप्रतिकारशक्ती मजबूत करते :- अमर फळामध्ये असलेले व्हिटॅमिन 'सी' (Vitamin C) रोगप्रतिकारशक्ती (Immunity) मजबूत करते आणि हिवाळ्यात होणाऱ्या लहान - सहान आजारांपासून बचाव करण्यास मदत करते. फळांमध्ये व्हिटॅमिन 'सी' (Vitamin C) भरपूर प्रमाणात असल्याने हे जीवनसत्त्व सर्दी, खोकला आणि इन्फेक्शनचा धोका कमी करून रोगप्रतिकारशक्ती मजबूत करते.

दूधापेक्षा दुप्पट कॅल्शियम देणारे ५ शाकाहारी पदार्थ! प्रोटीन - कॅल्शियम मिळेल भरपूर - साठी उलटली तरी राहाल फिट... 

५. त्वचेला मिळते नैसर्गिक चमक :- थंडीमुळे त्वचा कोरडी आणि निस्तेज होते. 'अमर फळां'मध्ये असलेले अँटिऑक्सिडंट्स त्वचेचे संरक्षण करून त्वचेवर नैसर्गिक ग्लो आणण्यास फायदेशीर ठरतात. यामुळे त्वचेचे आरोग्य सुधारते, त्वचेचा कोरडेपणा कमी होतो आणि नैसर्गिक चमक टिकून राहते.

६. शरीराला मिळते इन्स्टंट एनर्जी :- या फळांमध्ये नैसर्गिक शर्करा आणि आवश्यक पोषक घटक असतात, जे हिवाळ्यातील सुस्ती आणि थकवा दूर करून शरीराला इन्स्टंट एनर्जी मिळवून देतात आणि दिवसभर उत्साही ठेवतात.

७. वजन नियंत्रणात ठेवण्यास मदत करते :- कमी कॅलरीज आणि फायबरचे प्रमाण जास्त असल्याने, हे फळ खाल्ल्यानंतर पोट भरल्यासारखे वाटते. यामुळे भूक कमी लागते आणि वजन नियंत्रणात ठेवण्यास मदत मिळते.

English
हिंदी सारांश
Web Title : Bhagyashree and Katrina Kaif's favorite winter fruit: Persimmon benefits!

Web Summary : Bhagyashree and Katrina Kaif enjoy persimmon, a winter fruit packed with antioxidants and vitamins. It boosts immunity, improves heart health, aids digestion, enhances vision, provides energy, promotes glowing skin and helps in weight management.
टॅग्स : आरोग्यभाग्यश्रीकतरिना कैफफळेहिवाळ्यातला आहारहेल्थ टिप्सफिटनेस टिप्स