Summer Recipe: उन्हाळ्यात थकवा जाणवतोय? एनर्जी टिकवण्यासाठी रोज खा 'हा' पौष्टिक लाडू!

Summer Recipe: उन्हाळ्यात रोज फक्त 'हा' १ पौष्टिक लाडू खा आणि डोकेदुखी, केस गळती आणि थकवा दूर पळवा, वाचा झटपट होणारी ही रेसिपी. 

उन्हाळ्यात उष्णतेमुळे लवकर थकवा जाणवणे, केस गळणे किंवा हाडांमध्ये जडपणा येणे अशा समस्या सामान्य आहेत. अशा वेळी शरीराला थंडावा देणारे आणि शक्ती देणारे पदार्थ खाणे आवश्यक असते. आज आपण अशा एका 'मॅजिकल' लाडूची रेसिपी पाहणार आहोत, जो चवीला तर उत्तम आहेच, पण आरोग्यासाठी वरदान ठरेल.

उन्हाळ्यात शरीरातील ऊर्जा लवकर संपते. अशा वेळी मुगाची डाळ आणि भोपळ्याच्या बियांचा हा लाडू तुम्हाला दिवसभर ताजेतवाने ठेवण्यास मदत करेल.

आवश्यक साहित्य (Ingredients):

१ वाटी मुगाची डाळ (थंडावा देणारी आणि पचायला हलकी)

अर्धी वाटी पिठीसाखर किंवा अर्धी वाटी पाण्यात वितळवून घेतलेला गूळ 

१ चमचा वेलची पावडर (सुगंध आणि पचनासाठी)

२ चमचे भोपळ्याच्या बिया (Pumpkin Seeds - ओमेगा-३ आणि झिंकचा स्त्रोत)

३ चमचे साजूक तूप (हाडांच्या मजबुतीसाठी)

लाडू बनवण्याची सोपी कृती 

डाळ भाजून घेणे: प्रथम मुगाची डाळ स्वच्छ पुसून घ्या. मंद आचेवर डाळ सोनेरी रंग येईपर्यंत आणि छान खमंग वास सुटेपर्यंत कोरडीच भाजून घ्या.

पावडर करणे: भाजलेली डाळ पूर्णपणे थंड झाल्यावर मिक्सरमध्ये फिरवून त्याचे बारीक पीठ (पावडर) तयार करा. हे पीठ एकदा गाळणीने गाळून घेतल्यास लाडू टाळ्याला चिकटत नाहीत.

बिया भाजणे: त्याच कढईत भोपळ्याच्या बिया १-२ मिनिटे हलक्या गरम करून घ्या, ज्यामुळे त्या कुरकुरीत होतील.

मिश्रण तयार करणे: एका परातीत मुगाच्या डाळीचे पीठ, पिठीसाखर (गूळ वापरत असल्यास गूळ वितळलेल्या पाण्यात मिश्रण घाला) वेलची पावडर आणि भाजलेल्या भोपळ्याच्या बिया एकत्र करा.

तूप घालणे: आता ३ चमचे साजूक तूप कोमट करून मिश्रणात घाला. सर्व साहित्य हाताने व्यवस्थित एकजीव करून घ्या.

लाडू वळणे: मिश्रणाचे छोटे छोटे लाडू वळून घ्या. जर मिश्रण कोरडे वाटत असेल, तर अर्धा चमचा तूप वाढवू शकता.

या लाडूचे आरोग्यासाठी फायदे:

केस गळतीवर नियंत्रण: भोपळ्याच्या बियांमध्ये झिंक आणि मुगाच्या डाळीत प्रोटीन असते, जे केसांच्या मुळांना मजबुती देते.

हाडांचे दुखणे: साजूक तूप सांध्यांच्या वंगणाचे काम करते, ज्यामुळे हाडांचे कट-कट वाजणे किंवा दुखणे कमी होते.

डोकेदुखी आणि थकवा: मुगाची डाळ शरीरातील पित्त कमी करते, ज्यामुळे उन्हाळ्यातील डोकेदुखीपासून आराम मिळतो.

ऊर्जेचा साठा: यात असलेल्या 'गुड फॅट्स'मुळे दिवसभर काम करण्याचा उत्साह टिकून राहतो. पाहा व्हिडिओ -