रात्री झोपण्यापूर्वी त्वचेची काळजी घेतली तर त्याचा परिणाम सकाळी ताजेतवाने, मऊ आणि नैसर्गिक चमकदार त्वचेच्या रूपात दिसतो. दिवसभर धूळ, प्रदूषण आणि उन्हामुळे त्वचा थकलेली असते, त्यामुळे रात्री लावता येईल असा सौम्य आणि सुरक्षित घरगुती फेसपॅक खूप उपयोगी ठरतो. (Apply 3 masks to your face while sleeping at night, in the morning your skin will look beautiful, soft and radiant.)मात्र रात्री लावून झोपण्यासाठी वापरायचा म्हणजे तो फेसपॅक हलका, त्वचेला त्रास न देणारा आणि नॉन-इरिटेटिंग असणे अत्यंत गरजेचे आहे. तो जड होत गेला आणि घट्ट बसला तर झोपे खराब होईल.
असा एक सोपा आणि प्रभावी फेसपॅक म्हणजे अलोवेरा जेल आणि गुलाब पाण्याचा हलका लेप. ताजं अलोवेरा जेल घेऊन त्यात थोडं गुलाब पाणी मिसळावं आणि स्वच्छ चेहर्यावर हलक्या हाताने लावावं. हा लेप त्वचेला थंडावा देतो, दिवसभराची जळजळ कमी करतो आणि त्वचा हायड्रेट ठेवतो. तो खूप हलका असल्यामुळे रात्रभर ठेवला तरी त्वचेला त्रास होत नाही.
दुसरा पर्याय म्हणजे दुधाची साय आणि थोडासा मध यांचा फेसपॅक. कोरड्या त्वचेसाठी हा विशेष फायदेशीर आहे. साय त्वचेला मऊपणा देते आणि मध त्वचा हायड्रेट ठेवतो. हा लेप खूप जाड न लावता हलक्या थरात लावला तर रात्रभर ठेवता येतो.
तिसरा उपाय म्हणजे काकडीचा रस आणि अलोवेरा. काकडी थंड प्रकृतीची असल्यामुळे ती त्वचेची जळजळ कमी करते आणि फ्रेशनेस देते. यामध्ये अलोवेरा मिसळल्यास त्वचेला अतिरिक्त पोषण मिळते. हा लेपही हलका असल्यामुळे झोपताना लावणे सुरक्षित ठरते.
पण येथे एक गोष्ट लक्षात ठेवणे खूप महत्त्वाचे आहे, रात्री लावायचे फेसपॅक नेहमी सौम्य असावेत. लिंबू, बेकिंग सोडा, हळद असे पदार्थ किंवा कोणतेही तीव्र घटक रात्री लावून ठेवणे टाळावे, कारण त्यामुळे त्वचेला जळजळ किंवा रॅश येऊ शकतात. तसेच कोणताही नवीन उपाय वापरण्यापूर्वी छोट्या भागावर चाचणी करणे आवश्यक आहे. प्रत्येकाची त्वचा वेगळी असल्यामुळे एकाच उपायाचा परिणाम वेगळा असू शकतो. योग्य आणि हलके घरगुती फेसपॅक निवडून नियमित वापर केल्यास त्वचा नक्कीच चांगली राहते.