हरप्रीत ब्रार - पंजाब किंग्सच्या या फिरकी गोलंदाजानं आयपीएल २०२१मधील पहिल्याच सामन्यात विराट कोहली, ग्लेन मॅक्सवेल व एबी डिव्हिलियर्स यांना ७ चेंडूंत माघारी पाठवून धुरळाच उडवला. आयपीएलमध्ये येण्यापूर्वी हरप्रीतनं ७ वर्ष स्थानिक क्रिकेटमध्ये बिग सिक्स हिटर असं नाव कमावलं. आयपीएलसाठी तो सतत ट्रायलही देत होता, परंतु निवड होत नसल्यानं तो हताश झाला होता. ३ वर्षांपूर्वी त्यानं जवळपास क्रिकेट सोडून कुटुंबीयांसोबत कॅनडात शिफ्ट होण्याचा निर्णय घेतला होता. पण, पंजाबनं त्याची निवड केली अन् तो भारतात थांबला.
