नातं माणुसकीचं! हिंदू महिलेने मुस्लिम व्यक्तीला केलं हृदय दान; यशस्वीपणे पार पडली अवघड शस्त्रक्रिया

By ऑनलाइन लोकमत | Published: September 28, 2021 07:23 PM2021-09-28T19:23:57+5:302021-09-28T19:33:23+5:30

ग्लोबल हॉस्पिटलचे लीड हार्ट ट्रांसप्लांट आणि सिनियर सीव्हीटीएस सर्जन डॉ. प्रवीण कुलकर्णी यांनी यशस्वीरीत्या शस्त्रक्रिया केली. 

heart transplant surgery in global hospital mumbai | नातं माणुसकीचं! हिंदू महिलेने मुस्लिम व्यक्तीला केलं हृदय दान; यशस्वीपणे पार पडली अवघड शस्त्रक्रिया

नातं माणुसकीचं! हिंदू महिलेने मुस्लिम व्यक्तीला केलं हृदय दान; यशस्वीपणे पार पडली अवघड शस्त्रक्रिया

Next

मुंबई - मुंबईतील परळ येथे असलेल्या ग्लोबल हॉस्पिटलने लेफ्ट वेंट्रिक्यूलर डिसफंक्शनसह डायलेटेड कार्डिओ मायोपॅथी असलेल्या एका कॉम्प्लिकेटेड केसमध्ये अनोख्या प्रकारच्या एडव्हान्स्ड इम्युनोडायग्नोस्टिक्स टेक्निकचा वापर करून हृदय प्रत्यारोपण शस्त्रक्रिया यशस्वीपणे पूर्ण केली. ३१ वर्षीय फरीद फणसोपकर हे LV (लेफ्ट वेंट्रिक्युलर) डिसफंक्शनसह DCM (डायलेटेड कार्डिओ मायोपॅथी) ने ग्रस्त होते. त्यांच्यावर ग्लोबल हॉस्पिटल, परळ येथे यशस्वी शस्त्रक्रिया करण्यात आली आहे. एका ४१ वर्षीय हिंदू महिलेने मुस्लिम व्यक्तीला हृदय दिलं आहे. ग्लोबल हॉस्पिटलचे लीड हार्ट ट्रांसप्लांट आणि सिनियर सीव्हीटीएस सर्जन डॉ. प्रवीण कुलकर्णी यांनी यशस्वीरीत्या शस्त्रक्रिया केली. 

डॉ. प्रवीण कुलकर्णी यांनी “एक तरुण दाता, कमी इस्केमिया वेळ (दाताचा हृदय थांबण्यापासून प्राप्तकर्त्याचा हृदय सुरू होण्यापर्यंतचा काळ), एडव्हान्स्ड HLA व फ्लो सायटोमेट्री क्रॉस मॅचेस आणि चांगली नर्सिंग काळजीमुळे उत्कृष्ट क्लिनिकल परिणाम दिसून आले. फरीदची शस्त्रक्रियेनंतरची रिकव्हरी चांगल्या मल्टि-डिसिप्लिनरी टीमच्या प्रयत्नांमुळे खूप सुरळीत झाली. इम्युनोसप्रेशन आहारापासून द्रव संतुलन, अँटीबायोटिक्स आणि इतर प्रोटोकॉल पर्यंत, मी खूप आनंदी आहे कारण जर यापैकी एकाकडे दुर्लक्ष झाले तर यापैकी काही रूग्णांवर प्रतिकूल परिणाम होऊ शकतात” असं म्हटलं आहे. 


.
कंसल्टेंट ट्रांसप्लांट फिझिशियन डॉ श्रुति तापियावाला यांनी “फरीदच्या केसमध्ये पूर्व-प्रत्यारोपण आणि प्रत्यारोपण होईपर्यंत तीन महिन्याची अँटीबॉडी स्क्रिनिंग आणि अँटीबॉडी आयडेंटिफिकेशन करण्यात आली. आम्ही पाहिले की प्रत्यारोपणापूर्वी त्यांच्या रक्तात HLA अँटीबॉडीज होती ज्यामुळे त्यांचा नकार होण्याचा धोका वाढेल. त्यामुळे जेव्हा अवयव देण्यात आले तेव्हा त्यांची उपस्थिती ओळखण्यासाठी फ्लोसायटोमेट्री क्रॉसमॅच केले गेले” असं म्हटलं आहे. ग्लोबल हॉस्पिटलचे मुख्य कार्यकारी अधिकारी डॉ. विवेक तलौलीकर म्हणाले, “ग्लोबल हॉस्पिटल, परळ, मुंबई हे पश्चिम भारतातील मल्टी ऑर्गन ट्रांसप्लांटमध्ये अग्रेसर राहिले आहे. प्रत्यारोपणाच्या क्षेत्रात आमच्या श्रेयाला अनेक पहिले-वहिले जुडण्यासहीत आम्ही ट्रांसप्लांट इम्युनोलॉजीमध्ये पुन्हा एकदा आघाडीवर आहोत याचा आम्हाला आनंद आहे. मला खात्री आहे की येत्या काळात सर्व मल्टी ऑर्गन ट्रांसप्लांटसाठी हे मानक असेल.”

फरीदची आई जेहरुनिसा यांनी “जीवनाचा रक्षणकर्ता सर्वशक्तिमान आहे परंतु डॉ. प्रवीण कुलकर्णी आणि ग्लोबल हॉस्पिटल, परळ येथील संपूर्ण टीम हे माझ्या मुलासाठी सर्वशक्तिमानाचा हात होते. आज फरीदची जवळजवळ ३ वर्षांपासून बिघडत चाललेली तब्येत चांगली झालेली पाहून मला खूप बरं वाटत आहे. मी दाता कुटुंबाचे अत्यंत आभार मानते कारण त्यांच्याशिवाय हे कधीच शक्य नव्हते. मी सर्वांना अवयव दानाला प्रोत्साहन देण्याची विनंती करते जे अनेकांना नवीन जीवन देईल आणि तुमच्या प्रिय व्यक्तीला अनेक जीवनात जिवंत ठेवेल” असं म्हटलं आहे.   
 

Web Title: heart transplant surgery in global hospital mumbai

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app