रितेश बोलत असताना रुचिताने तोंड फिरवलं; भाऊ चांगलाच भडकला, म्हणाला- "तुम्हाला जागा नाही..."

या आठवड्यात रुचिताने दीपाली सय्यदला उद्देशून थुंकण्याचा अभिनय केला. त्यामुळे सदस्य चांगलेच चिडलेले दिसले. याच मुद्द्याला धरुन रितेशने आज रुचिताची चांगलीच शाळा घेतली.

'बिग बॉस मराठी ६' मध्ये आज भाऊचा धक्का पार पडणार आहे. यात रितेश देशमुख या आठवड्याभरात घरातील सदस्यांनी जी चांगली - वाईट कामं केली त्यावर खडे बोल सुनावणार आहे. हा आठवडा रुचिताने गाजवला. परंतु या आठवड्यात रुचिताने दीपाली सय्यदला उद्देशून थुंकण्याचा अभिनय केला. त्यामुळे सदस्य चांगलेच चिडलेले दिसले. याच मुद्द्याला धरुन रितेशने आज रुचिताची चांगलीच शाळा घेतली.

कलर्स मराठीने सोशल मीडियावर भाऊचा धक्क्याचा प्रोमो शेअर केलाय. या प्रोमोत रितेशने रुचिताला चांगलंच सुनावलं. तो म्हणतो, ''रुचिता दीपाली यांच्याकडे बघून तुम्ही काय केलंत आ थूsss थुंकलात!''. अशातच रुचिता रितेशला मध्येच तोडते. त्यावर रितेश चांगलाच भडकतो आणि म्हणतो, ''मी बोलतोय. तुम्ही जे वागलात ते महाराष्ट्राच्या कुठल्याच आईला आवडलं नसेल.''

रितेशचं बोलणं सुरु असतानाच रुचिता तोंड फिरवून वेगळेच हावभाव करतो. हे पाहून रितेशचा पारा चढतो. तो तिला म्हणतो, ''ओ ओ,  तुम्हाला जर असे हे एक्सप्रेशन्स करायचे असतील ना, तर आज भाऊच्या धक्क्यावर तुम्हाला जागा नाही. अप अँड गो!'', आता पुढे काय होणार हे आजच्या भागात बघायला मिळेल. एकूणच रुचिताला रितेशभाऊ आज चांगलंच फैलावर घेणार आहे. याशिवाय नॉमिनेट असलेल्या सदस्यांपैकी या आठवड्यात कोण घराबाहेर जाईल, याचीही सर्वांना उत्सुकता आहे.