Join us
Daily Top 2Weekly Top 5

थाटात पार पडला प्राजक्ता गायकवाडचा घाणा-बांगड्या भरण्याचा कार्यक्रम, अभिनेत्रीच्या आकर्षक साडीची चर्चा

By ऑनलाइन लोकमत | Updated: November 29, 2025 09:04 IST

येसूबाईंची भूमिका साकारणारी सुप्रसिद्ध अभिनेत्री प्राजक्ता गायकवाडच्या लग्नविधींना सुरुवात झाली आहे. बघा व्हिडीओ

प्राजक्ता गायकवाड ही मनोरंजन विश्वातील लोकप्रिय अभिनेत्री. प्राजक्ता गायकवाडला आपण विविध सिनेमा, मालिकांमधून अभिनय करताना पाहिलंय. प्राजक्ता गायकवाड लवकरच लग्नबंधनात अडकणार आहे. त्यामुळे तिच्या सर्व चाहत्यांना अभिनेत्रीच्या लग्नाची उत्सुकता लागली आहे. अशातच प्राजक्ताच्या घरी लग्नविधींना सुरुवात झाली आहे. प्राजक्ता गायकवाडने तिच्या नातेवाईकांसोबत घाणा आणि बांगड्या भरण्याचा कार्यक्रम केला आहे.

प्राजक्ताच्या लग्नविधींना सुरुवातप्राजक्ताने सोशल मीडियावर व्हिडीओ शेअर केला आहे. यात प्राजक्ता लाल साडीत खूप सुंदर दिसत आहे. प्राजक्ताने साडीवर जे मॅचिंग ब्लाऊज परिधान केलंय त्यावर सगळ्यांचं लक्ष वेधलं. घाणा-बांगड्या भरण्याच्या कार्यक्रमसाठी प्राजक्ताने हे खास ब्लाऊज परिधान केलं होतं. प्राजक्ताने यावेळी आईसोबत सुंदर फोटोशूट केलं. याशिवाय प्राजक्ताचे नातेवाईक आणि तिच्या मित्र-मैत्रिणी या खास कार्यक्रमाला उपस्थित होत्या. आकर्षक सजावट करुन पारंपरिक पद्धतीने प्राजक्ता गायकवाडचा घाणा-बांगड्या भरण्याचा कार्यक्रम पार पडला.

प्राजक्ता गायकवाडचा लग्न कधी?

अभिनेत्री प्राजक्ता गायकवाड आणि शंभूराज खुटवड यांच्या लग्नाची पत्रिका नुकतीच समोर आली आहे. येत्या २ डिसेंबर २०२५ रोजी दुपारी १२.२४ वाजता हा लग्नसोहळा संपन्न होणार आहे. अभिनेत्रीची लग्नपत्रिका पाहून कलाविश्वातील सेलिब्रिटी आणि तिच्या चाहत्यांनी लाईक्स, कमेंट्सच्या माध्यमातून शुभेच्छांचा वर्षाव केला आहे. ७ ऑगस्टच्या दिवशी प्राजक्ताचा साखरपुडा मोठ्या थाटात पार पडला होता. आता प्राजक्ताच्या लग्नाची सर्वांना उत्सुकता आहे.

English
हिंदी सारांश
Web Title : Prajakta Gaikwad's 'Ghana-Bangda' Ceremony: Actress's Attractive Saree Creates Buzz

Web Summary : Prajakta Gaikwad's pre-wedding rituals began with the 'Ghana-Bangda' ceremony. The actress looked stunning in a red saree, with her blouse design grabbing attention. The event was attended by family and friends, marking the start of her wedding celebrations set for December 2nd, 2025.
टॅग्स :प्राजक्ता गायकवाडटेलिव्हिजनमराठी अभिनेताटिव्ही कलाकारलग्न