लोकप्रिय मालिकेचा अभिनेता अडकणार लग्नबंधनात! थाटात पार पडला मेहंदी सोहळा, होणारी पत्नी आहे सौंदर्यवती

लग्नघटिका समीप आली! मालिकाविश्वातील लोकप्रिय अभिनेता लवकरच बांधणार लग्नगाठ, कोण आहे होणारी पत्नी?

Siddharth Khirid Wedding: 'फ्रेशर्स',' मुलगी झाली हो', 'राणी मी होणार' यांसारख्या मालिकांमधून घराघरात लोकप्रिय झालेला अभिनेता म्हणजे सिद्धार्थ खिरीड. आपल्या सहज सुंदर अभिनयाने सिद्धार्थने प्रेक्षकांच्या मनात हक्काचं स्थान निर्माण केलं आहे.  सध्या अभिनेता त्याच्या वैयक्तिक आयुष्यामुळे चर्चेत आला आहे. अगदी काही महिन्यांपूर्वीच सिद्धार्थने सोशल मीडियावर आपल्या प्रेमाची  कबुली दिली होती, इतकंच नाही तर गर्लफ्रेंडला गोव्याच्या समुद्रकिनारी फिल्मी स्टाईलने प्रपोज केलं होतं. यानंतर सिद्धार्थ कधी लग्न करणार याची उत्सुकता प्रत्येकाच्या मनात होती. अखेर आता याची लग्नघटिका समीप आली आहे. 

दरम्यान, येत्या काही दिवसांत मराठी कलाविश्वातील बरेच कलाकार  हे लग्नबंधनात अडकणार आहेत. कालच   अशोक.मा. मा फेम अभिनेत्री रसिका वाखारकरने शुभांकपर उंब्रानी यांचा लग्नसोहळा पार पडला. त्यानंतर यापाठोपाठ आता सिद्धार्थ खिरीडच्या घरी लग्नाची लगबग सुरु झाली आहे. सिद्धार्थची होणाऱ्या पत्नीचं नाव डॉ. मैथिली भोसेकर आहे.नुकताच सिद्धार्थ-मैथिलीचा मेहंदी सोहळा पार पडला आहे. सोशल मीडियावर अभिनेत्याने त्यांच्या मेहंदी सोहळ्याचे सुंदर क्षण चाहत्यांसोबत शेअर केले आहेत. 

मैथिलीच्या हातावर आता सिद्धार्थच्या नावाची मेहंदी सजली आहे. मैथिली कॅनडात राहते. शिवाय मिस इंटरनॅशनल वर्ल्ड पेटिट-२०२२-२३ चा खिताब तिने पटकवला आहे. गेल्या दोन वर्षांपासून हे दोघे एकमेकांना ओळखतात. सिद्धार्थ आणि मैथिलीचा  मेहंदी सोहळा मोठ्या थाटात पार पडला आहे. अगदी काल-परवाच सिद्धार्थने सोशल मीडियावर हटके पोस्ट शेअर करत तो विवाहबंधनात अडकणार असल्याचं जाहिर केलं होतं. आता प्री-वेडिंग फोटोशूट,मेहंदी सोहळा पार पडल्यावर लवकरच तो लग्नबंधनात अडकणार आहे. 

दरम्यान, सिद्धार्थ खिरिडच्या कामाबद्दल बोलायचं झालं तर, सध्या तो स्टार प्रवाह वाहिनीवरील मुरांबा मालिकेत काम करताना दिसतो आहे.