स्टार कपल वरुण तेज (Varun Tej) आणि लावण्या त्रिपाठी (Lavanya Tripathi) यांनी त्यांच्या बाळाच्या नामकरण समारंभातून काही सुंदर फोटो आणि एक खास व्हिडिओ शेअर करून चाहत्यांना सुखद धक्का दिला आहे. हे जोडपं मुलाचं नाव काय ठेवणार, याची सर्वांना उत्सुकता होती. अखेर त्यांनी आपल्या मुलाचं बारसं केलं असून एक खास नाव ठेवलंयवरुण आणि लावण्याने मुलाचं नाव काय ठेवलं? वरुण आणि लावण्याने आपल्या मुलाचं नाव 'वायुव' (Vaayuv) असं ठेवलं आहे. पवनपुत्र हनुमान यांच्या नावावरुन वायुव हे नाव ठेवण्यात आलं आहे. आज विजयादशमीच्या (Dussehra) शुभ मुहूर्तावर वरुण तेज आणि लावण्या यांनी त्यांच्या मुलाचं नामकरण केलं. त्यांनी सोशल मीडियावर एक व्हिडिओ आणि दोन सुंदर फोटो शेअर करून आपल्या मुलाचं नाव 'वायुव तेज कोनिडेला' असल्याचं जाहीर केलं.
लावण्या आणि वरुण यांनी शेअर केलेल्या या व्हिडिओची सुरुवात हनुमानजींच्या प्रतिमेने आणि हनुमान चालिसाच्या काही ओळींनी होते. त्यानंतर व्हिडिओमध्ये बाळाच्या नावाच्या निवडीबद्दल सांगितलं आहे: "एक नाव जे शक्ती, भक्ती, साहस आणि आध्यात्मिक तेजाचे प्रतीक आहे. भगवान हनुमानाला स्मरुन, आम्ही मुलाचा म्हणजेच 'वायुव तेज कोनिडेला' म्हणून परिचय करून देत आहोत."
शेअर केलेल्या फोटोंमध्ये वरुण आणि लावण्या आपल्या मुलावर प्रेम करताना दिसत आहेत. नामकरण समारंभात लावण्याने सोनेरी-नारंगी रंगाची साडी परिधान केली होती, तर वरुण तेज कुर्त्यामध्ये दिसला. वरुण तेज आणि लावण्या त्रिपाठी यांनी १ नोव्हेंबर २०२३ रोजी इटलीमध्ये विवाह केला होता आणि गेल्या महिन्यात १० सप्टेंबर रोजी त्यांच्या मुलाचा जन्म झाला. 'मिस्टर' या तेलुगू चित्रपटाच्या सेटवर त्यांची भेट झाली आणि पाच वर्षांहून अधिक काळ हे दोघे रिलेशनशीपमध्ये होते.
Web Summary : Varun Tej and Lavanya Tripathi revealed their son's name, Vaayuv Tej Konidela, on Dussehra. Inspired by Hanuman, the couple shared photos and a video from the naming ceremony, showcasing their love for their child. They married in Italy on November 1, 2023.
Web Summary : वरुण तेज और लावण्या त्रिपाठी ने दशहरा पर अपने बेटे का नाम वायुव तेज कोनिडेला रखा। हनुमान से प्रेरित होकर, जोड़े ने नामकरण समारोह से तस्वीरें और एक वीडियो साझा किया, जिसमें अपने बच्चे के लिए उनका प्यार दिखाई दे रहा है। उन्होंने 1 नवंबर, 2023 को इटली में शादी की।