"...तर त्यांनी माझेही तिथेच तुकडे केले असते", अशोक सराफ यांच्यावर ओढवलेला जीवघेणा प्रसंग, नानांनी वाचवलेले प्राण

1 / 10

मराठीतील सुपरस्टार अशोक सराफ 'अशी ही जमवाजमवी' सिनेमातून प्रेक्षकांच्या भेटीला येत आहेत. या सिनेमाच्या निमित्ताने ते अनेक ठिकाणी मुलाखती देत आहेत.

2 / 10

नुकत्याच दिलेल्या एका मुलाखतीत अशोक सराफ यांनी त्यांच्यासोबत ‘हमीदाबाईची कोठी’ या नाटकाच्या प्रयोगावेळी घडलेला धक्कादायक प्रसंग सांगतिला.

3 / 10

एका मिलमध्ये या नाटकाचा प्रयोग आयोजित केला होता. तिथे स्टेज नसल्याने एका चौथऱ्यावर सेट लावण्यात आला होता.

4 / 10

कोठीवरच्या बायका नेहमी खाली बसतात. त्यामुळे हे संपूर्ण नाटक स्टेजवर बसूनच करायचं होतं. पण, रंगमंच नसल्याने मागच्या प्रेक्षकांना ते दिसतच नव्हतं.

5 / 10

त्यामुळे प्रेक्षकांनी गोंधळ करायला सुरुवात केली. परिस्थिती लक्षात येताच नाटक थांबवून पडदा टाकण्यात आला.

6 / 10

तुम्ही उभं राहून नाटक का करत नाही? असं त्यांचं म्हणणं होतं. पण, कोठीवरचं नाटक उभं राहून करणं शक्य नव्हतं.

7 / 10

त्यानंतर चिडलेल्या प्रेक्षकांनी खुर्च्या मोडल्या, ट्युबलाइट्स फोडल्या...ड्रायव्हर झोपला होता, त्याला बाहेर काढून मारलं, असं अशोक सराफ यांनी लोकसत्ताला दिलेल्या मुलाखतीत सांगितलं.

8 / 10

लोकांचा हा गोंधळ पाहून नाना अशोक सराफ यांना घेऊन बाहेर पडले. कारण, त्यांना माहीत होतं लोक आधी येऊन अशोक सराफ यांना धरतील.

9 / 10

'सगळीकडे काळोख आणि त्यात चिखल. त्यातून पळत पळत येत आम्ही रस्त्यावर एक रिक्षा थांबवली. नानाने रिक्षावाल्याला माझ्या बाजूला बसवलं आणि स्वत: रिक्षा चालवत मला रेस्टहाऊसला सोडलं'.

10 / 10

'मला सोडून नाना बाकीच्या लोकांना आणायला गेला. तोपर्यंत थिएटर फोडून सगळ्या लोकांनी वाट लावली होती. मी लोकांच्या हातात सापडलो असतो तर माझेही तुकडे केले असते.”