'इंडियन आयडॉल' या लोकप्रिय रिअॅलिटी शो गाजवणारा गायक पवनदीप राजनचा (pawandeep rajan) भीषण अपघातात झाला आहे. पवनदीपचे हॉस्पिटलमधून व्हिडीओ समोर आले आहेत. यात पवनदीप बेडवर झोपला असून त्याच्यावर डॉक्टरांकडून उपचार सुरु असल्याचं दिसतंय. अहमदाबादमध्ये कारच्या भीषण अपघातात पवनदीप गंभीर जखमी झाल्याची प्राथमिक माहिती समोर येत आहे. पवनदीपच्या चाहत्यांना या बातमीमुळे जबर धक्का बसला असून तो बरा व्हावा यासाठी सर्वजण प्रार्थना करत आहेत.
पवनदीपचा अपघात नेमका कसा आणि कधी झाला याविषयी निश्चित माहिती उपलब्ध नाही. पवनदीपच्या गाडीचं यात चांगलंच नुकसान झालंय. पवनदीप हॉस्पिटलमध्ये बेडवर आडवा पडून कोणाशीतरी बोलत असल्याचा दिसतोय. पवनने 'इंडियन आयडॉल'च्या १२ व्या सीझनचं विजेतेपद पटकावलं होतं. तो मूळचा उत्तराखंडचा आहे. 'इंडियन आयडॉल' शिवाय The Voice India season 1 हा शो सुद्धा पवनने जिंकला होता.