बॉक्स ऑफिसवर सध्या विविध प्रकारच्या चित्रपटांची चलती आहे. धनुष आणि क्रिती सेनन यांची भूमिका असलेला 'तेरे इश्क में' या रोमँटिक चित्रपटाने चांगली कमाई केल्यानंतर रिलीज झाल्यानंतर पहिल्या सोमवारी मात्र चित्रपटाने किती कमाई केली? जाणून घ्या.
sacnilk च्या मते, 'तेरे इश्क में'ने रविवारी १९ कोटी रुपयांची कमाई केली होती, पण सोमवारी हा आकडा घसरून केवळ ८.२५ कोटी रुपयांवर आला. तरीही, पहिल्या चार दिवसांत या चित्रपटाने एकूण ६०.२५ कोटी रुपयांचा टप्पा पार केला आहे.
दुसरीकडे, विजय वर्मा आणि फातिमा सना शेख यांचा 'गुस्ताख इश्क' हा चित्रपट बॉक्स ऑफिसवर पहिल्या दिवसापासूनच कमाईच्या बाबतीत संघर्ष करत आहे. केवळ ५० लाख रुपयांच्या ओपनिंगनंतर, या चित्रपटाची सोमवारी कमाई अत्यंत निराशाजनक राहिली. 'गुस्ताख इश्क'ला सोमवारी केवळ ६ लाख रुपयेच कमवता आले, ज्यामुळे चार दिवसांत या चित्रपटाचे एकूण कलेक्शन केवळ १.३६ कोटी रुपयांपर्यंत पोहोचले आहे.
या बॉलिवूड चित्रपटांच्या स्पर्धेत, अमेरिकन ॲनिमेटेड चित्रपट 'जूटोपिया २' चांगला टिकाव धरून आहे. 'गुस्ताख इश्क' पेक्षा सरस कामगिरी करत, 'जूटोपिया २' ने सोमवारी ६७ लाख रुपयांची कमाई केली, ज्यामुळे चार दिवसांतील त्याचा एकूण गल्ला ९.१२ कोटी रुपयांवर गेला आहे.
फरहान अख्तरचा देशभक्तीवर आधारित चित्रपट '१२० बहादूर' सध्या त्याच्या दुसऱ्या आठवड्यात आहे. प्रदर्शनाच्या ११ व्या दिवशी, म्हणजेच दुसऱ्या सोमवारी, या चित्रपटाने केवळ १६ लाख रुपये कमावले. यासह, '१२० बहादूर'चे आजपर्यंतचे एकूण कलेक्शन १७.०६ कोटी रुपये झाले आहे. एकूणच, वीकेंडच्या उत्साहानंतर सर्वच चित्रपटांच्या कमाईत सोमवारपासून घट झाली असल्याचं दिसत आहे.
Web Summary : Dhanush and Kriti Sanon's 'Tere Ishq Mein' saw a significant drop on Monday, earning ₹8.25 crore after a ₹19 crore Sunday. 'Gustakh Ishq' struggled, while 'Zootopia 2' outperformed it. '120 Bahadoor' also saw a decline.
Web Summary : धनुष और कृति सेनन की 'तेरे इश्क में' की कमाई सोमवार को काफी गिरी, रविवार को ₹19 करोड़ के बाद ₹8.25 करोड़ कमाए। 'गुस्ताख इश्क' संघर्ष कर रही है, जबकि 'ज़ूटोपिया 2' ने बेहतर प्रदर्शन किया। '120 बहादुर' की कमाई भी घटी।