बॉलिवूडचा खिलाडी म्हणजेच अभिनेता अक्षय कुमारचा आगामी चित्रपट 'रामसेतू' गेल्या बऱ्याच काळापासून चर्चेत आहे. अयोध्येत मुहूर्त शूट केल्यानंतर शेवटी अक्षय कुमारने रामसेतू चित्रपटाच्या शूटिंगला सुरूवात केली आहे. दरम्यान चित्रपटातील अक्षय कुमारचा फर्स्ट लूक समोर आला आहे. रामसेतू चित्रपटात अक्षय कुमार आर्कियोलॉजिस्टच्या भूमिकेत दिसणार आहे. या चित्रपटातील अक्षय कुमारचा लूक आतापर्यंतच्या चित्रपटांपेक्षा खूप वेगळा आहे. या लूकबद्दल त्याने चाहत्यांना आपले मत विचारले आहे.
अक्षय कुमारने चित्रपटातील त्याचा लूक शेअर करत लिहिले की, माझा आतापर्यंतच्या सर्वात महत्त्वाच्या चित्रपटातील एक आणि चित्रपटाच्या शूटिंगला सुरूवात झाली आहे. रामसेतूच्या शूटिंगला सुरूवाक. एका पुरातत्वशास्त्रज्ञाची भूमिका साकारते आहे. लूकबद्दल तुमचे मत जाणून घ्यायचे आहे. हे नेहमीच माझ्यासाठी महत्त्वाचे आहे.
अभिषेक शर्मा दिग्दर्शित या चित्रपटात भारतीय संस्कृती आणि ऐतिहासिका वारसांशी निगडीत कथा पहायला मिळणार आहे.