बिग बॉसच्या तेराव्या सीझनमध्ये सिद्धार्थ शुक्ला व रश्मी देसाई यांच्यामध्ये गेल्या काही दिवसांपासून वादविवाद पहायला मिळत आहेत. ते दोघे एकमेकांनी कमी बोलत आहेत. जास्त तर ते एकमेकांशी भांडताना पहायला मिळत आहेत. रविवारी विकेंड वॉर एपिसोडमध्ये एक टास्क झाला. त्यात रश्मी व सिद्धार्थ यांच्यामध्ये पॉवर कार्डला घेऊन कांटे की टक्कर पहायला मिळाली.
या टास्कमध्ये सिद्धार्थ व रश्मी दोघांना घरातल्यांच्या समान पाठिंबा मिळाल्याचं पहायला मिळालं. त्यानंतर सलमान खानने क्वीन देवोलीना भट्टाचार्जीला दोघांपैकी एकाची निवड करायला सांगितली. देवोलीनाने तिची मैत्रीण रश्मी देसाईची निवड केली. त्यामुळे रश्मी देसाई पॉवर कार्ड जिंकली. टास्क संपल्यावर सलमान खानने घोषणा केली की सिद्धार्थ शुक्ला बिग बॉस आदेश देईपर्यंत रश्मीचा नोकर बनून राहणार आहे.
तिसऱ्या आठवड्यात कोणता स्पर्धक बाहेर पडेल, हे पाहणे कमालीचे ठरेल.