Gondiya Assembly Election , Gondiya Vidhan Sabha Election Results - Latest Marathi News | Gondiya Assembly Election Result | गोंदिया विधानसभा निवडणूक निकाल , ताज्या मराठी बातम्या | Maharashtra Election Results, Live Updates & Counting

लोकमत न्यूज नेटवर्क गोंदिया : विधानसभा निवडणुकीसाठी गेल्या १३ दिवसांपासून सुरू असणारी रणधुमाळी आता सरण्याच्या मार्गावर आहे. २० नोव्हेंबरला मतदान होणार असल्याने त्याच्या ४८ तासांपूर्वी म्हणजे सोमवारी (दि. १८) सायंकाळी ६ वाजता प्रचारतोफा थंडावणार आहे. यामुळे गेल्या १३ दिवसांपासून चारही मतदारसंघांत सकाळपासून ऐकू येणारे गाणे व भोंग्यांचा आवाज बंद पडणार आहे.जाहीर प्रचार बंद होत असल्याने आता सर्वच उमेदवार व प्रमुख पक्षांचा मतदारांच्या प्रत्यक्ष गाठीभेटीवर भर असणार आहे. विधानसभा निवडणुकीसाठी उमेदवारी अर्ज मागे घेण्याची प्रक्रिया ४ नोव्हेंबरला पार पडल्यानंतर चित्र स्पष्ट होऊन जिल्ह्यातील गोंदिया , अर्जुनी मोरगाव, तिरोडा व आमगाव या चारही मतदारसंघांत ५ नोव्हेंबरपासून जाहीर प्रचाराला सुरुवात झाली होती. सर्वच प्रमुख पक्षांच्या उमेदवारांनी गेल्या १३ दिवसांत पक्षाच्या दिग्गज नेत्यांचा प्रचारसभा घेऊन मतदारांचे मतपरिवर्तन करण्याचा प्रयत्न केला. उमेदवारांनी मतदारांपर्यंत पोहोचण्यासाठी मन वळविण्यासाठी नवीन तंत्रज्ञानाचा अवलंब केला. निवडणूक प्रचारामुळे सकाळपासूनच गाणी आणि लक्ष असू द्याचे भोंगे वाजत होते. हे चित्र जिल्ह्यातील चारही मतदारसंघांत कायम होते. पण, सोमवारी सायंकाळी ६ वाजतानंतर जाहीर प्रचार करता येणार नसल्याने आता प्रचाराचे भोंगे शांत होणार आहे, निवडणूक रिंगणातील ६४ उमेदवार आणि त्यांच्या पदाधिकारी कार्यकर्त्यांचा भर थेट मतदारांच्या गाठीभेटीवर असणार आहे. व्हाइस कॉलवरून मतांचा जोगवाकमी कालावधीत अधिक मतदारांपर्यंत पोहचता यावे, यासाठी सर्वच प्रमुख पक्षांच्या उमेदवारांनी आधुनिक तंत्रज्ञानाचा अवलंब करीत व्हॉइस कॉलवरून मतदारांना मतांचा जोगवा मागण्यास सुरुवात केली आहे. रविवारी सायंकाळपासूनच उमेद- वारांच्या व्हाइस कॉलने मतदारांचे मोबाइल खणखणले. प्रचाराचा सुपर मंडे आज, शक्तिप्रदर्शनाचे नियोजन सोमवारी सायंकाळी ६ वाजता जाहीर प्रचार बंद होणार आहे. त्यामुळे सर्वच प्रमुख पक्षांच्या उमेदवारांनी पदयात्रा, रॅली काढून जोरदार शक्तिप्रदर्शन करून मतदारांवर अखेरची छाप पाहण्याचे नियोजन केले आहे. महाविकास व महायुतीच्या उमेदवारांनी आपापल्या मतदारसंघात बाइक रॅलीचे आयोजन केले आहे, तर तिरोडा आणि सडक अर्जुनी येथे महायुतीच्या उमेदवारांच्या प्रचारार्थ केंद्रीय रस्ते वाहतूक मंत्री नितीन गडकरी यांची प्रचारसभा होणार आहे. आता मतांचे समीकरण जुळविण्यावर भर२० नोव्हेंबरला चारही मतदारसंघांत मतदानाची प्रक्रिया पार पडणार आहे. त्यामुळे सोमवार आणि मंगळवार हे दोन्ही दिवस महत्त्वपूर्ण आहे, त्यामुळे या दोन दिवसांत मतदारांचे मतपरिवर्तन करून त्यांना आपल्याकडे वळविण्यासाठी विविध फंडे वापरून समीकरण जुळविण्यावर प्रमुख उमेदवार आणि त्यांच्या पक्षाच्या नेत्यांचा भर असणार आहे.

News Gondiya

गोंदिया :दगडातून देव साकारणारा समाज उपेक्षित; हातातली कला भूक भागवण्यास असक्षम

Gondia : शासन योजनेचा लाभ नाही ...

गोंदिया :शहरीपेक्षा ग्रामीण भागात मतदान जास्त; पारडे कुणाचे जड होणार?

गोंदिया विधानसभा मतदारसंघ : मतदानाचा टक्का वाढल्याने कही खुशी, कही गम ...

लोकमत शेती :Youth Milk Business : गोंदियाच्या तरुणांनी शेती, दुग्ध व्यवसायातून गावातच घडवलं करिअर, वाचा सविस्तर

गोंदिया :विदर्भात गोंदियाच सर्वात 'थंड'; थंडीचा जोर वाढू लागला

Gondia : किमान तापमान १३.२ अंशांवर ...

गोंदिया :न्यायालयाने बोलावलंय, दुर्लक्ष करू नका, अन्यथा होईल तुरुंगवारी

पोलिस राबविताहेत वॉरंट अभियान: गुन्हेगारी प्रवृत्तीच्या लोकांवर वचक ठेवण्यासाठी पाऊल ...

गोंदिया :तुमचे नाव कोणत्या मतदान केंद्रावर आहे कळणार एका कॉलवर

Gondia : प्रजित नायर लोकसभेतील चुकीची विधानसभेत पुनरावृत्ती नाही ...

गोंदिया :तरुणाईला हवे चांगले शिक्षण, रोजगार तर वयोवृद्धांना रस्ते, आरोग्य सुविधा

गोंदिया :आज निवडणुकीच्या प्रचारतोफा थंडावणार; जाहीर प्रचार बंद

Gondia : आता प्रत्यक्ष गाठीभेटीवर भर, नेते व उमेदवारांचे बंदव्दार मंथन झाले सुरु ...