2019 Maharashtra Election News, Results, Winners | महाराष्ट्र विधान सभा निकाल २०१९ | Maharashtra Assembly Election 2019 Live Updates & State Wise Results | विधान सभा निवडणूक 2019 बातम्या

मुंबई : माजी मंत्री व भाजपच्या नेत्या पंकजा मुंडे यांनी रविवारी केलेली फेसबुक पोस्ट आणि सोमवारी ट्विटर अकाउंटवरून काढलेला भाजपचा उल्लेख व त्यांनतर शिवसेनेचे नेते संजय राऊत यांनी अनेक भाजप नेते सेनेत प्रवेश करण्याचे वक्तव्य करून त्यात घातलेले खतपाणी. यामुळे पंकजा मुंडे पक्ष सोडून शिवसेनेत प्रवेश करणार या तर्कवितर्कांना उधाण आले होते. मात्र ट्विटरवरून भाजप हा शब्द हटला असला तरी पंकजा यांच्या फेसबुक पेजवर कमळ दिसलं आहे.राज्यातील सत्ता गमावल्यानंतर भाजपामधील अंतर्गत संघर्ष उफाळून आला आहे. विधानसभा निवडणुकीत एकनाथ खडसेंसह अनेक वरिष्ठ नेत्यांची तिकीटं कापण्यात आली होती. पंकजा मुंडेंना बीडच्या परळीमधून उमेदवारी देण्यात आली. मात्र त्यांना निवडणुकीत पराभव पत्करावा लागला. या पराभवानंतर त्या सक्रिय राजकारणापासून काहीशा दूर गेल्या आहेत. त्यांनी ट्विटरवरुन भाजपा नावाचा उल्लेखदेखील काढून टाकला आहे. त्यामुळे पंकजा मुंडे भाजपा सोडणार अशीही चर्चा सुरु होती.मात्र पंकजा मुंडे भाजप सोडणार का ? या प्रश्नांना आता पूर्णविराम मिळाला आहे. कारण जरी ट्विटरवरून भाजप हा शब्द हटला असला तरी पंकजा यांच्या फेसबुकवर कमळ दिसलं आहे. भारताचे पहिले राष्ट्रपती भारतरत्न डॉ. राजेंद्र प्रसाद यांच्या जयंतीनिमित्त त्यांनी आपल्या फेसबुक पेजवरून एक पोस्ट शेयर केली आहे. या पोस्टमध्ये असलेल्या फोटोवर कमळाचं चिन्ह डाव्या कोपऱ्यात दिसत आहे. या कमळ्याचं चिन्हावरून तरी आता पंकजा मुंडे पक्ष सोडून जाणार नाही, यावर शिक्कामोर्तब झाला असंच म्हणावं लागेल.तर पंकजा मुंडे या भाजपाच्या नेत्या होत्या, आजही आहेत अन् उद्याही असतील, असे म्हणत पंकजा मुंडेंच्या शिवसेना प्रवेशाचे वृत्त चंद्रकांत पाटील यांनी फेटाळून लावले होते. भाजपाच्या आजच्या स्थितीमध्ये गोपीनाथ मुंडेंचं मोठं योगदान आहे. पंकजा मुंडे या गोपीनाथ मुडेंनी उभारलेल्या भाजपाच्या कार्यकर्त्या, नेत्या आहेत. त्यामुळे, भाजपा सोडून इतर कुठल्याही पक्षासोबत त्या जाणार नसल्याचं पाटील यांनी आधीच स्पष्ट केलं आहे.

Assembly Election 2019

News Maharashtra

महाराष्ट्र :एकनाथ खडसे आणि तावडेंची खलबतं, बंडखोरीवर म्हणतात...

राज्यात महाविकास आघाडीची सत्ता आल्यानंतर भाजपांतर्गत नेतृत्वाविषयी असलेली नाराजी समोर येऊ लागली आहे. ...

धुळे :कुणाल पाटील यांच्या मंत्रिपदासाठी हालचाली; प्रदेशाध्यक्षांची अनुकूलता असल्याची चर्चा

आमदार कुणाल पाटील समर्थक व पदाधिकारी आनंदोत्सवाच्या तयारीला लागले असल्याचे पाहायला मिळत आहे. ...

महाराष्ट्र :शरद पवारांच्या अनुभवाचा फायदा घ्यायचाच होता, तर पाच वर्षं का थांबले?- संजय राऊत

गेल्या काही दिवसांपासून संजय राऊत हे राजकारणाच्या केंद्रस्थानी आहेत. ...

नंदूरबार :maharashtra government: पाडवींच्या मंत्रिपदासाठी जोरदार 'फिल्डिंग'

सांगली :प्रभारी पालकत्वापासून सांगली जिल्ह्याची सुटका

पुन्हा एकदा जिल्ह्यातील नेत्यांकडे पालकमंत्रीपद येणार असून, जयंत पाटील यांच्याकडे ही जबाबदारी असणार आहे. ...

महाराष्ट्र :'...अन्यथा महाविकासआघाडी सरकार 5 वर्ष टिकणार नाही'

महाराष्ट्र :सन्मानजनक प्रस्ताव आल्यास राज्याचं कृषीमंत्री स्वीकारेल: राजू शेट्टी

महाराष्ट्र :अखेर पंकजा मुंडेंच्या फेसबुक पेजवर कमळ दिसलं; पक्षांतराच्या चर्चेला पूर्णविराम

ट्विटरवरून भाजप हा शब्द हटला असला तरी पंकजा यांच्या फेसबुकवर कमळ दिसलं आहे. ...