हार्दिक पांड्या म्हणाला, भारतीय संघाचा कर्णधार म्हणून ऐकण्याची मला आता सवय झाली आहे. माझा पाय मुरगळला होता, परंतु मी ठिक आहे. मी हसतोय म्हणजे सर्वकाही व्यवस्थित आहे, हेच समजा. आम्ही कदाचित हा सामना गमावला असता आणि ते ठिकही होते. युवा खेळाडूंनी या सामन्यात पुनरागमन करून दिले. शिवम मावीला आयपीएलमध्ये गोलंदाजी करताना मी पाहिले आहे आणि आज त्याला मी तशीच कामगिरी कर असे सांगितले. तू जास्त धावा दिल्यास तरी मी तुझ्या पाठिशी उभा आहे, असा विश्वास मी त्याला दिला. मला भारतीय संघाला आव्हानात्मक परिस्थितीत टाकायचे होते, कारण मोठ्या सामन्यांसाठी हा अनुभव उपयोगी येणार आहे.
