भारतीय संघाने पाकिस्तान, नेदरलॅंड्स, बांगलादेश आणि झिम्बाब्वे यांचा पराभव करून उपांत्य फेरी गाठली आहे. मात्र बांगलादेशविरूद्धच्या सामन्यात पावसाने भारताचा बचाव केला होता. कारण बांगलादेशचा सलामीवीर लिटन दास आक्रमक खेळी करून भारताची डोकेदुखी वाढवत होता. याचाच दाखला देत आकाश चोप्राने चिंता व्यक्त केली आहे. लिटन दासविरूद्ध भारतीय गोलंदाज ज्याप्रकारे संघर्ष करत होते, असेच काही जोस बटलरविरूद्ध पाहायला मिळण्याची शक्यता आहे असे चोप्राने म्हटले.
