Investment Tips : भारतीय शेअर बाजारात सध्या जागतिक कारणांमुळे चढ-उतार पाहायला मिळत असले, तरी दीर्घकालीन गुंतवणुकीसाठी काही निवडक शेअर्समध्ये मोठी संधी निर्माण झाली आहे. आयटी, संरक्षण आणि खनिकर्म क्षेत्रातील पाच कंपन्यांच्या भविष्यातील कामगिरीवर तज्ज्ञांनी सकारात्मक कौल दिला आहे. या कंपन्यांच्या 'टारगेट प्राईस'सह सविस्तर विश्लेषण समजून घ्या.
१. कोफोर्ज - 'एन्कोरा'च्या खरेदीने आयटी क्षेत्रात मोठी झेप
टारगेट प्राईस : २,५०० रुपये
कोफोर्जने 'एन्कोरा' या अमेरिकन कंपनीचे २.३५ अब्ज डॉलर्सला १००% अधिग्रहण करण्याची घोषणा केली आहे. या व्यवहारामुळे कोफोर्जच्या महसुलात २६% वाढ अपेक्षित आहे. विशेषतः हेल्थकेअर आणि हाय-टेक क्षेत्रात कंपनीचा विस्तार होईल. २०२६-२८ दरम्यान कंपनीचा नफा (PAT) ३३% दराने वाढण्याची शक्यता आहे.
२. भारत डायनॅमिक्स - संरक्षण क्षेत्रातील 'आकाश' भरारी
टारगेट प्राईस : २,००० रुपये
दुसऱ्या तिमाहीत कंपनीच्या महसुलात १११% आणि नफ्यात ७६% ची दणदणीत वाढ झाली आहे. आकाश मिसाईल्स, अस्त्र आणि अँटी-टँक गाईडेड मिसाईल्समुळे कंपनीकडे २३५ अब्ज रुपयांची 'ऑर्डर बुक' तयार आहे. निर्यातीचे २५% उद्दिष्ट आणि आत्मनिर्भर भारत मोहिमेमुळे या शेअरमध्ये २०२८ पर्यंत ५१% वाढीची (PAT CAGR) अपेक्षा आहे.
३. एस्ट्रा मायक्रोवेव्ह - रडार तंत्रज्ञानातील दिग्गज
टारगेट प्राईस : १,१०० रुपये
ही कंपनी आता केवळ सुटे भाग न बनवता पूर्ण 'सिस्टम सोल्यूशन्स' देणारी कंपनी बनली आहे. 'उत्तम रडार' आणि नौदलाच्या ऑर्डर्समुळे कंपनीकडे २२ अब्ज रुपयांच्या ऑर्डर्स आहेत. डिफेन्स इलेक्ट्रॉनिक्स क्षेत्रातील वाढती मागणी पाहता, हा शेअर दीर्घकाळासाठी एक उत्तम संधी ठरू शकतो.
४. मिडवेस्ट - ग्रॅनाइटनंतर आता 'सेमीकंडक्टर' क्षेत्रावर लक्ष
टारगेट प्राईस : २,००० रुपये
'ब्लॅक गॅलेक्सी' ग्रॅनाइट निर्यातीत ६४% मार्केट शेअर असलेली ही कंपनी आता 'हाय-प्युरिटी क्वार्ट्ज' आणि मिनरल सँड्स क्षेत्रात विस्तार करत आहे. याचा वापर सौर ऊर्जा आणि सेमीकंडक्टरमध्ये होतो. २०२८ पर्यंत कंपनीचे ग्रॅनाइटवर असलेले अवलंबित्व ९८% वरून ५०% पर्यंत खाली येईल आणि नफा ५६% दराने वाढेल असा अंदाज आहे.
५. श्रीराम फायनान्स - जागतिक भागीदारीचा फायदा
टारगेट प्राईस : १,१०० रुपये
जपानच्या 'MUFG' बँकेने २०% हिस्सा खरेदी केल्यामुळे कंपनीची भांडवली ताकद वाढली आहे. मान्सूनचा चांगला पाऊस आणि महागाई कमी झाल्यामुळे वाहन कर्ज आणि एमएसएमई कर्जांच्या मागणीत वाढ होईल. शिस्तबद्ध जोखीम व्यवस्थापनामुळे कंपनीचा परतावा ३.८% पर्यंत जाण्याची शक्यता आहे.
कंपनी निहाय अपेक्षित वाढ
| कंपनी | क्षेत्र | अपेक्षित नफा वाढ | मुख्य वैशिष्ट्य |
| कोफोर्ज | आयटी सेवा | ३३% | मोठे अधिग्रहण (Encora) |
| भारत डायनॅमिक्स | संरक्षण क्षेत्र | ५१% | २३५ अब्जची ऑर्डर बुक |
| एस्ट्रा मायक्रोवेव्ह | इलेक्ट्रॉनिक्स | २३% | प्रगत रडार प्रणाली |
| मिडवेस्ट | खनिज | ५६% | सेमीकंडक्टर कच्चा माल |
| श्रीराम फायनान्स | एनबीएफसी | २५% | MUFG सोबत धोरणात्मक भागीदारी |
वाचा - दीड लाख पगार अन् राहण्या-खाण्याची सोय! रशियात भारतीयांसाठी मोठी संधी, असे मिळवा वर्क परमिट
(डिस्क्लेमर: शेअर बाजारातीलगुंतवणूक जोखमीच्या अधीन आहे. कृपया गुंतवणूक करण्यापूर्वी आपल्या आर्थिक सल्लागाराचा सल्ला घ्या.)