Share Market : भारतीय शेअर बाजारात सध्या हेलकावे खात आहे. कधी वर तर कधी घसरत आहे. गुरुवारी, २४ जुलै २०२५ रोजी सेन्सेक्स आणि निफ्टी घसरणीसह बंद झाले. गुंतवणूकदारांनी मोठ्या प्रमाणात विक्री केल्यामुळे मिडकॅप आणि स्मॉलकॅप समभागांमध्येही दबाव दिसून आला. विशेषतः आयटी, एफएमसीजी आणि रिअल्टी क्षेत्रातील समभागांना मोठा फटका बसला. तेल आणि वायू आणि ऊर्जा समभागांवरही विक्रीचा दबाव कायम राहिला. मात्र, या घसरणीतही सार्वजनिक क्षेत्रातील बँका आणि औषध निर्देशांक वधारले, ज्यामुळे काही प्रमाणात बाजाराला आधार मिळाला. गुरुवारी, रुपया डॉलरच्या तुलनेत १६ पैशांनी कमकुवत होऊन ८५.६३ वर बंद झाला.
बाजार कोणत्या पातळीवर बंद झाला?
आयटी शेअर्समध्ये मोठ्या दबावानंतर बाजार दिवसाच्या नीचांकी पातळीवर बंद झाला. निफ्टी २५,०६० च्या आधार पातळीजवळ बंद झाला. निफ्टी बँकही लाल रंगात बंद झाली. परंतु, इतर निर्देशांकांच्या तुलनेत तिची कामगिरी बरी होती, कारण तिला सरकारी बँकांकडून पाठिंबा मिळाला.
गुरुवारी पूर्ण दिवसाच्या कामकाजानंतर
- सेन्सेक्स ५४२ अंकांच्या घसरणीसह ८२,१८४ वर बंद झाला.
- निफ्टी १५८ अंकांनी घसरून २५,०६२ वर बंद झाला.
- निफ्टी बँक आज १४४ अंकांनी घसरून ५७,०६६.०५ वर बंद झाला.
- त्याच वेळी, निफ्टी मिडकॅप निर्देशांक ३४६ अंकांच्या घसरणीसह ५८,९६१ वर बंद झाला.
आज कोणत्या शेअर्समध्ये तेजी आणि कोणत्या शेअर्समध्ये घसरण?
तेजीमध्ये असलेले प्रमुख शेअर्स
- CERC (Central Electricity Regulatory Commission) कडून मार्केट कपलिंग ऑर्डर आल्यानंतर IEX (Indian Energy Exchange) जवळजवळ ३०% ने वधारला.
- पहिल्या तिमाहीच्या निकालांनंतर आज इन्फोसिस १.४% ने वाढीसह बंद झाला.
- इटरनल या शेअरमध्ये सतत वाढ दिसून येत आहे. आज ४% वाढीसह निफ्टीच्या सर्वात वेगवान स्टॉकच्या यादीत या स्टॉकचा समावेश झाला.
- अमेरिका-ईयू व्यापार कराराच्या शक्यतेनंतर टाटा मोटर्स आणि संवर्धन मदरसन यांचे शेअर्स आज वधारले.
- कॅनरा बँक आणि इंडियन बँकेने पहिल्या तिमाहीतील चांगले निकाल नोंदवले, त्यानंतर निफ्टी पीएसयू बँक १% वाढीसह बंद झाला.
- चांगल्या निकालांनंतर फोर्स मोटर्सचा शेअर १३% वधारला.
- इम्पीरियल ब्लू खरेदी करण्याच्या कराराची घोषणा केल्यानंतर टिळकनगर इंडस्ट्रीजचा शेअर ४% वधारला.
घसरणीमध्ये असलेले प्रमुख शेअर्स
- मिश्र उत्पन्नाच्या अंदाजानंतर पर्सिस्टंट सिस्टम्स आणि कॉफोर्ज यांच्या शेअर्सवर ७-९% चा दबाव राहिला.
- आज निफ्टीवरील नेस्लेचा शेअर सर्वात कमकुवत होता. अपेक्षेपेक्षा कमकुवत निकालांनंतर हा शेअर ५% घसरणीसह बंद झाला.
- आर्थिक वर्ष २६ साठी मार्जिन आणि व्हॉल्यूम आउटलुक कमी केल्यानंतर महानगर गॅसचा शेअर ४% ने घसरला.
- अपेक्षेप्रमाणे, निकालांनंतर एसीसी कंपनीच्या शेअरमध्ये घट झाली आणि तो ३% ने घसरून बंद झाला.
- आज पेटीएममध्येही तेजी दिसून आली होती, पण तो शेअर आज ३% ने घसरून बंद झाला.
आजचा दिवस शेअर बाजारासाठी खास नव्हता, पण काही क्षेत्रांनी चांगली कामगिरी केली. पुढील आठवड्यात बाजार कसा प्रतिसाद देतो हे पाहणे महत्त्वाचे ठरेल.