पत्नीच्या नावे 'या' योजनेत १ लाख रुपये जमा करा, २ वर्षांनंतर तुम्हाला किती रिटर्न मिळेल? पटापट पाहा डिटेल्स

Post Office Invetment: नियमित गुंतवणुकीमुळे तुम्हाला दीर्घकाळात चांगला परतावा सहज मिळू शकतो. सध्या बाजारात गुंतवणुकीचे अनेक पर्याय उपलब्ध आहेत, पण त्यामध्ये काही प्रमाणात जोखीमही आहे. दरम्यान, सरकारी योजना, बाँड, बँक ठेव योजना इत्यादींसारख्या गुंतवणुकी हमीपूर्वक परतावा देतात आणि त्या कमी जोखमीच्या मानल्या जातात.

साधारणपणे, जेव्हा आपण बँक ठेव योजनांचा विचार करतो, तेव्हा आपल्या मनात सर्वात आधी मुदत ठेव योजनांचा (Fixed Deposit - FD) विचार येतो. सध्या बँका एफडी योजनांवर चांगले व्याज दर देत आहेत. त्याचप्रमाणे, ज्येष्ठ नागरिकांसाठी असलेल्या एफडी योजनांवर सर्वसामान्य नागरिकांपेक्षा जास्त व्याजदर असतो. तुम्हाला हवं असल्यास, तुम्ही तुमच्या कुटुंबातील कोणत्याही ज्येष्ठ व्यक्तीच्या नावावरही एफडी करू शकता.

१९२९ मध्ये बनवलेलं हे क्रीम, आजही घराघरात होतो वापर; कोलकाताच्या या व्यक्तीनं उभी केली १६० कोटींची कंपनी

एफडी लोकप्रिय पर्याय

एफडी सध्या एक अत्यंत लोकप्रिय गुंतवणुकीचा पर्याय मानला जात आहे. फिक्स्ड डिपॉझिटवरील व्याजदर प्रत्येक बँकेत वेगवेगळे असतात. तुम्ही पोस्ट ऑफिसमध्येही एफडी (ज्याला टाईम डिपॉझिट म्हणतात) करू शकता. भारतीय रिझर्व्ह बँकेनं रेपो दरात कपात केल्यापासून, देशभरातील बँकांनी त्यांच्या फिक्स्ड डिपॉझिटच्या व्याजदरांमध्ये कपात केली आहे. मात्र, पोस्ट ऑफिस अजूनही आपल्या ग्राहकांना एफडीवर पूर्वीप्रमाणेच उच्च व्याजदर देत आहे. रेपो दरातील कपातीचा पोस्ट ऑफिसच्या फिक्स्ड डिपॉझिट योजनांच्या व्याजदरांवर अद्याप कोणताही परिणाम झालेला नाही. अशा परिस्थितीत, जर एखाद्या व्यक्तीने आपल्या पत्नीच्या नावावर १ लाख रुपयांची एफडी उघडली, तर त्याला २४ महिन्यांनंतर किती रक्कम मिळेल, हे आता पाहूया.

पोस्ट ऑफिस टाईम डिपॉझिट (TD) योजना

तुम्ही पोस्ट ऑफिसमध्ये १ ते ५ वर्षांच्या कालावधीसाठी एफडी खातं उघडू शकता. यांना टाईम डिपॉझिट असंही म्हणतात. टीडी एका निश्चित कालावधीसाठी हमीपूर्वक निश्चित उत्पन्न प्रदान करतात. पोस्ट ऑफिस आपल्या ग्राहकांना १ वर्ष, २ वर्ष, ३ वर्ष आणि ५ वर्षांसाठी टीडी खाते उघडण्याचा पर्याय देते. पोस्ट ऑफिस १ वर्षाच्या टीडीवर ६.९ टक्के, २ वर्षांच्या टीडीवर ७.० टक्के, ३ वर्षांच्या टीडीवर ७.१ टक्के आणि ५ वर्षांच्या टीडीवर ७.५ टक्के व्याजदर देते. पोस्ट ऑफिस टीडी खात्यात किमान जमा रक्कम १,००० रुपये आहे आणि यासाठी कोणतीही कमाल मर्यादा नाही.

१,००,००० रुपये जमा केल्यास किती मिळतील?

पोस्ट ऑफिसच्या योजना सर्व ग्राहकांना समान परतावा देतात, मग ते पुरुष असोत, महिला असोत किंवा ज्येष्ठ नागरिक असोत. पोस्ट ऑफिसच्या टीडी योजनेत सर्व ग्राहकांना समान व्याजदर मिळतो.

जर एखाद्या व्यक्तीने आपल्या पत्नीच्या नावावर पोस्ट ऑफिसमध्ये २४ महिन्यांसाठी (२ वर्षांसाठी) टीडीमध्ये १,००,००० रुपये गुंतवले, तर मॅच्युरिटीनंतर एकूण १,१४,८८८ रुपये मिळतील. यामध्ये १४,८८८ रुपये केवळ व्याजाच्या स्वरूपात मिळतील. ही योजना कोणत्याही जोखमीशिवाय हमीपूर्वक निश्चित व्याजदर देते.