Top 10 Market Cap Companies : गेल्या आठवड्यात भारतीय शेअर बाजारात मोठी उलथापालथ झाली, ज्याचा फटका देशातील काही बड्या कंपन्यांना बसला. टॉप १० मार्केट कॅप कंपन्यांपैकी ६ कंपन्यांचे बाजार भांडवल एकत्रितपणे तब्बल २.२२ लाख कोटी रुपयांनी घसरले. या घसरणीचा सर्वाधिक परिणाम रिलायन्स इंडस्ट्रीजला सहन करावा लागला. आठवड्याच्या शेवटच्या दिवशी, बीएसई सेन्सेक्स २९४.६४ अंकांनी (०.३६ टक्के) घसरले.
या कंपन्यांना बसला मोठा फटका
या आठवड्यात ज्या कंपन्यांच्या मार्केट कॅपमध्ये मोठी घट झाली, त्यात रिलायन्स इंडस्ट्रीज, टाटा कन्सल्टन्सी सर्व्हिसेस, इन्फोसिस, बजाज फायनान्स, हिंदुस्तान युनिलिव्हर आणि भारतीय जीवन विमा महामंडळ यांचा समावेश आहे. त्यांच्या बाजार भांडवलात एकत्रितपणे २,२२,१९३.१७ कोटी रुपयांची घट झाली.
देशातील सर्वात मोठ्या कंपन्यांपैकी एक असलेल्या रिलायन्स इंडस्ट्रीजचे मार्केट कॅप १,१४,६८७.७ कोटींनी घसरून १८,८३,८५५.५२ कोटी रुपयांवर आले. रिलायन्स इंडस्ट्रीजला सर्वाधिक नुकसान झाले.
- इन्फोसिसचे बाजार भांडवल २९,४७४.५६ कोटींनी घसरून ६,२९,६२१.५६ कोटी रुपये झाले.
- भारतीय जीवन विमा महामंडळाचे (LIC) बाजार भांडवल २३,०८६.२४ कोटींनी घसरून ५,६०,७४२.६७ कोटी रुपये झाले.
- त्याचप्रमाणे, टाटा कन्सल्टन्सी सर्व्हिसेस (TCS) चे मार्केट कॅप २०,०८०.३९ कोटींनी घसरून ११,३४,०३५.२६ कोटी रुपयांवर** आले.
- बजाज फायनान्सचे मार्केट कॅप १७,५२४.३ कोटींनी घसरून ५,६७,७६८.५३ कोटी रुपयांवर आले.
- हिंदुस्तान युनिलिव्हर लिमिटेडचे मार्केट कॅप १७,३३९.९८ कोटींनी घसरून ५,६७,४४९.७९ कोटी रुपयांवर आले.
या कंपन्यांना फायदा झाला
या घसरणीच्या वातावरणातही काही कंपन्यांनी मात्र चांगली कामगिरी करत आपल्या मार्केट कॅपमध्ये वाढ नोंदवली. यात एचडीएफसी बँक, भारती एअरटेल, आयसीआयसीआय बँक आणि स्टेट बँक ऑफ इंडिया यांचा समावेश आहे.
- एचडीएफसी बँकेचे मार्केट कॅप ३७,१६१.५३ कोटींनी वाढून १५,३८,०७८.९५ कोटी रुपये झाले.
- आयसीआयसीआय बँकेचे मार्केट कॅप ३५,८१४.४१ कोटींनी वाढून १०,५३,८२३.१४ कोटी रुपये झाले.
- भारती एअरटेलचे मार्केट कॅप २०,८४१.२ कोटींनी वाढून ११,०४,८३९.९३ कोटी रुपयांवर पोहोचले.
- त्याचप्रमाणे, स्टेट बँक ऑफ इंडियाचे मार्केट कॅप ९,६८५.३४ कोटींनी वाढून ७,४४,४४९.३१ कोटी रुपये झाले.
सध्या टॉप १० कंपन्यांमध्ये, रिलायन्स इंडस्ट्रीज ही सर्वाधिक मार्केट कॅप असलेली कंपनी आहे. त्यानंतर एचडीएफसी बँक, टीसीएस, भारती एअरटेल, आयसीआयसीआय बँक, स्टेट बँक ऑफ इंडिया, इन्फोसिस, एलआयसी, बजाज फायनान्स आणि हिंदुस्तान युनिलिव्हर यांचा क्रमांक लागतो.