Share Market Holiday: उद्या श्री रामनवमीच्या दिवशी शेअर बाजाराचं कामकाज सुरू राहणार की बंद? जाणून घ्या

Stock Market Holidays:जाणून घ्या उद्या शेअर बाजारातील कामकाज सुरू राहणार की बंद. या महिन्यात कोण-कोणत्या दिवशी होणार नाही कामकाज.

Stock Market Holidays: शेअर बाजारातील चढ-उतारांच्या दरम्यान गुंतवणूकदारांना थोडा दिलासा मिळणार आहे. गुरुवार, २६ मार्च २०२६ रोजी श्री रामनवमी निमित्त भारतीय शेअर बाजार बंद राहतील. नॅशनल स्टॉक एक्सचेंज (NSE) च्या सुट्ट्यांच्या कॅलेंडरनुसार, या दिवशी इक्विटी, डेरिव्हेटिव्ह आणि करन्सी सेगमेंटमध्ये कोणताही व्यवहार होणार नाही. बाजारातील ट्रेडिंग आता शुक्रवार, २७ मार्च रोजी पुन्हा सुरू होईल.

काय आहे तपशील?

यावेळी गुंतवणूकदारांसाठी विशेष बाब म्हणजे बाजार सलग दोन दिवस बंद राहणार आहेत. २६ मार्चच्या सुट्टीनंतर, २८ मार्चला शनिवार आणि २९ मार्चला रविवार असल्याने साप्ताहिक सुट्टी असेल. म्हणजेच, शुक्रवारी एक दिवस ट्रेडिंग झाल्यानंतर पुन्हा दोन दिवसांचा ब्रेक मिळेल. मात्र, कमोडिटी मार्केटमध्ये अंशतः व्यवहार सुरू राहतील. माहितीनुसार, कमोडिटी डेरिव्हेटिव्ह्ज सेगमेंटमध्ये सकाळचं सत्र बंद राहील, परंतु संध्याकाळच्या सत्रात ट्रेडिंग पुन्हा सुरू होईल.

लग्न असो की वाढदिवस; आता कॅश विसरा! गिफ्ट करू शकता म्युच्युअल फंड कार्ड,  सेबीचा प्रस्ताव; किती असेल लिमिट?

३१ मार्च २०२६ रोजी देखील सुट्टी

मार्च महिन्यातील ही शेवटची मोठी सुट्टी नाही. यानंतर ३१ मार्च २०२६ रोजी महावीर जयंती निमित्त देखील शेअर बाजार बंद राहतील. म्हणजेच महिन्याच्या शेवटीही गुंतवणूकदारांना एक दिवसाचा ट्रेडिंग ब्रेक मिळेल. संपूर्ण २०२६ वर्षाचा विचार केला तर, NSE कॅलेंडरनुसार एकूण १६ दिवस बाजार बंद राहणार आहेत. यामध्ये प्रजासत्ताक दिन, होळी, गुड फ्रायडे, दसरा आणि दिवाळी यांसारख्या प्रमुख सणांचा समावेश आहे.

बँकिंग क्षेत्रावर परिणाम

बँकिंग क्षेत्राबद्दल बोलायचं झालं तर, रामनवमीमुळे २६ मार्च रोजी देशातील अनेक शहरांमध्ये बँका बंद राहतील, तर काही राज्यांमध्ये २७ मार्च रोजीही सुट्टी असेल. मात्र, ऑनलाईन बँकिंग आणि डिजिटल सेवा नेहमीप्रमाणे सुरू राहतील.