Saudi Arabia Explore Lithium : गेल्या काही वर्षात प्रचंड वेगाने कोणत्या देशाने प्रगती केली असेल, तर तो सौदी अरेबिया आहे. कधीकाळी फक्त वाळवंट असलेले दुबई शहर आज जगातील आर्थिक केंद्र बनलं आहे. तेलाच्या अफाट साठ्यांमुळे हा अरबी देश आर्थिकदृष्ट्या अतिशय समृद्ध आणि संपन्न आहे. या देशाला आपल्या नागरिकांकडून एकही रुपया कर वसूल करण्याची गरज पडत नाही. कारण सरकार तेलातून इतके कमावते की त्याला आयकर वसूल करण्याची गरज नाही. आता बातमी अशी आहे की सौदी अरेबियाच्या हातात आणखी एक नैसर्गिक खजिना लागला आहे.
पाढऱ्या सोन्याचे भांडार
इलेक्ट्रिक वाहनांमुळे लिथियम या धातूला प्रचंड महत्त्व प्राप्त झालं आहे. याला पांढरे सोने देखील म्हणतात. हेच सोने आता सौदी अरेबियाच्या हाती लागले आहे. या देशाने अलीकडेच आपल्या किनारी तेल क्षेत्रांमध्ये लिथियमचे साठे शोधले आहेत. आता कच्च्या तेलाबरोबरच सौदी अरेबिया लिथियमही काढणार असून, त्यामुळे आपल्या अर्थव्यवस्थेला चालना मिळणार हे निश्चित आहे.
लिथियम धातू किती मौल्यवान आहे?
लिथियम धातू आजच्या युगात खूप महत्त्वाचा मानला जातो. कारण तो बॅटरीच्या निर्मितीसाठी आणि ऊर्जा साठवणासाठी खूप उपयुक्त आहे. आजकाल, लॅपटॉपपासून इलेक्ट्रिक वाहनांपर्यंत सर्व गोष्टींमध्ये लिथियम-आयन बॅटरीचा वापर केला जातो. लिथियमचे सर्वात मोठे वैशिष्ट्य म्हणजे ते दीर्घकाळ ऊर्जा साठवू शकते, त्यामुळे लिथियमच्या बॅटरी जास्त काळ टिकतात.
सौदी अरेबिया खाऱ्या पाण्यातून काढणार लिथियम
इंडिया डॉटकॉमच्या वृत्तानुसार, संयुक्त अरब अमिरातीचे खाण व्यवहार उपमंत्री खालिद बिन सालेह अल-मुदैफर यांनी सांगितले की, लिथियमचा शोध घेण्यासाठी व्यावसायिक पायलट प्रकल्प सुरू केला जात आहे. ते म्हणाले की सौदी अरेबियासाठी हे एक मोठे पाऊल आहे. रण ते स्वच्छ ऊर्जा आणि बॅटरी घटकांमध्ये विस्तार करू इच्छित आहे, ज्यामुळे तेलावरील दीर्घकालीन अवलंबित्व कमी होईल.
वाचा - लग्नसराईच्या हंगामापूर्वी सोन्याच्या दरात घसरण; ४ दिवसांत चांदीही ७८७७ रुपयांनी स्वस्त
विशेष म्हणजे सौदी अरेबिया समुद्राच्या खाऱ्या पाण्यातून लिथियम काढण्याचा अनोखा प्रयत्न करत आहे. KAUST येथे विकसित केलेल्या अत्याधुनिक तंत्रज्ञानाचा वापर करून, अभियंत्यांची एक टीम अशा प्रणालीवर काम करत आहे जी तेलाच्या क्षेत्रात तयार होणाऱ्या समुद्रातून थेट लिथियम काढेल. जर सौदी अरेबिया लिथियम खाणकाम करण्याच्या प्रयत्नात यशस्वी झाला तर ते त्यांच्या अर्थव्यवस्थेसाठी एक मोठा गेम-चेंजर असेल.