हूती विद्रोही युद्धात उतरल्याने कच्च्या तेलाचा भडका; बाजारात चहुबाजूंनी घसरण; गुंतवणूकदारांनी 'ही' चूक करू नये

Stock Market : मध्यपूर्वेतील युद्धात आता यमनचे हूती विद्रोही उतरल्याने परिस्थितीत आणखी बिकट झाली आहे. यामुळे कच्चे तेल आणखी महाग होण्याची भिती आहे.

Stock Market : इराण आणि अमेरिका यांच्यातील युद्ध आता पाचव्या आठवड्यात प्रवेश करत असून, जागतिक बाजारपेठेवर मंदीचे सावट गडद झाले आहे. यमनचे हूती विद्रोही प्रत्यक्ष युद्धात उतरल्याने 'स्ट्रेट ऑफ हॉर्मुझ'नंतर आता 'बाब अल-मंदेब' हा दुसरा सागरी पुरवठा मार्गही धोक्यात आला आहे. या भू-राजकीय तणावामुळे ब्रेंट क्रूड ११५ डॉलर प्रति बॅरलवर पोहोचले असून, गुंतवणूकदारांचे लक्ष आता केवळ 'पैसा वाचवण्यावर' केंद्रित झाले आहे.

युद्धाचा विस्तार आणि पुरवठ्यावर दबाव
इराणमधील अमेरिकेचे 'ग्राउंड ऑपरेशन्स' आता हफ्त्यांऐवजी महिने चालण्याची शक्यता वर्तवली जात आहे. ३५०० अतिरिक्त अमेरिकन सैनिक पश्चिम आशियात दाखल झाले असून, मॅक्वेरीच्या इशाऱ्यानुसार, जर कच्चे तेल २०० डॉलर पर्यंत गेले, तर निफ्टीला २०,००० ची पातळी राखणेही कठीण जाईल.

रुपया वाचवण्यासाठी 'आरबीआय'चे मोठे पाऊल
रुपयाची घसरण रोखण्यासाठी भारतीय रिझर्व्ह बँकेने बँकांच्या परकीय चलन व्यवहारांवर १०० दशलक्ष डॉलरची मर्यादा घातली आहे. बँकांना १० एप्रिलपर्यंत त्यांची अतिरिक्त पोझिशन (सुमारे ४० अब्ज डॉलर) कमी करावी लागेल. या निर्णयामुळे बँकांच्या पोझिशन अनवाइंडिंगमुळे रुपयामध्ये ९३ डॉलरपर्यंत तेजीची उसळी येऊ शकते. मात्र, एसबीआय सारख्या बँकांच्या नफ्यावर याचा दबाव वाढू शकतो.

निफ्टी आणि बँक निफ्टीची स्थिती
कोरोनानंतरच्या तेजीतील ही पहिली मोठी 'करेक्शन' मानली जात आहे. निफ्टी सध्या आपल्या उच्चांकी स्तरावरून १३.५% तर बँक निफ्टी १५% खाली आहे.

महत्त्वाच्या पातळ्या

निर्देशांक	पहिला सपोर्ट	मोठे रजिस्टेंस
निफ्टी	२२,५५० - २२,६००	२३,००० - २३,०५०
बँक निफ्टी	५०,००० - ४९,०००	५३,००० - ५३,५००

निफ्टीसाठी २२,४७१ हा अलीकडचा नीचांक आता सर्वात महत्त्वाचा आधार आहे. ही पातळी तुटल्यास घसरण २१,००० पर्यंत वाढू शकते.

गुंतवणूकदारांसाठी सल्ला?

• एव्हरेज करण्याची चूक टाळा: सध्याच्या पडझडीत अडकलेल्या खराब शेअर्समध्ये 'एव्हरेज' करू नका.
• पोर्टफोलिओ स्वच्छता: खराब शेअर्समधून बाहेर पडा आणि चांगले शेअर्स घाबरून विकू नका.
• गुंतवणुकीची पद्धत: जर जोखीम घेण्याची तयारी असेल, तर हळूहळू निफ्टी ईटीएफमध्ये गुंतवणूक सुरू करा.
• ट्रेडिंग धोरण: सध्याचा मोठा ट्रेंड 'शॉर्ट' करण्याचा आहे. प्रत्येक उसळीवर विक्रीचे धोरण ठेवा.

वाचा - किमान शिल्लक ते हिडन चार्जेस; तुमच्या बँक खात्यावर कोणाचे नियंत्रण? काय आहेत ग्राहकाचे अधिकार?

(टीप - यामध्ये सामान्य माहिती देण्यात आलेली आहे. हा गुंतवणूकीचा सल्ला नाही. शेअर बाजारातील गुंतवणूक जोखमीच्या अधीन असते. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)