BHIM App Cash Back Offer : आजच्या काळात जवळपास प्रत्येकजण ऑनलाइन पेमेंट करण्यास प्राधान्य देतो. ऑनलाइन पेमेंटमुळे ATM वरून वारंवार पैसे काढण्याची आणि सुट्ट्या पैशांची समस्या दूर झाली आहे. देशातील बहुतेक लोक पेमेंटसाठी युनिफाइड पेमेंट्स इंटरफेसचा वापर करतात. या पार्श्वभूमीवर, भीम पेमेंट्स ॲपने आपल्या वापरकर्त्यांसाठी एक मोठी आनंदाची बातमी दिली आहे. ॲपने १०० टक्के कॅशबॅकची ऑफर जाहीर केली आहे.
१००% कॅशबॅक कसा मिळवायचा?
भीम ॲपने सोशल मीडिया प्लॅटफॉर्म 'एक्स' (पूर्वीचे ट्विटर) वर एक पोस्ट करून ही माहिती दिली आहे. भीम ॲप लवकरच आपला ९वा वर्धापनदिन साजरा करत आहे, याच निमित्ताने हे खास कॅशबॅक ऑफर देण्यात येत आहे. या ऑफरचा फायदा घेण्यासाठी वापरकर्त्याला किमान २० रुपयाचे व्यवहार करणे आवश्यक आहे. भीम ॲपच्या माध्यमातून व्यवहार करणाऱ्या सर्व वापरकर्त्यांना या १०० टक्के कॅशबॅकचा लाभ घेता येईल.
वीज बिल भरल्यावरही कॅशबॅक
भीम ॲपवर सुरू असलेल्या कॅशबॅक ऑफर अंतर्गत आता वीज बिल भरतानाही ग्राहकांना बचत करण्याची संधी मिळत आहे. ही ऑफर बीएसईएस राजधानी पॉवर या पॉवर सप्लाय कंपनीने (जी रिलायन्स इन्फ्रास्ट्रक्चर आणि दिल्ली सरकारचा संयुक्त उपक्रम आहे) सादर केली आहे. कंपनीच्या अधिकृत वेबसाइटवर दिलेल्या माहितीनुसार, भीम ॲपद्वारे वीज बिल भरल्यास ग्राहकांना इन्स्टंट कॅशबॅक मिळू शकतो आणि ही सुविधा ३१ डिसेंबर २०२५ पर्यंत उपलब्ध असेल. पेमेंट करताना चेकआऊटवर BillDesk पर्याय निवडणे आवश्यक आहे.
कॅशबॅकचे नियम आणि मर्यादा
- मीडिया रिपोर्ट्सनुसार, प्रत्येक ग्राहक या ऑफरचा फायदा घेण्यासाठी काही नियम पाळणे आवश्यक आहे.
- ग्राहक या ऑफरचा फायदा महिन्यातून फक्त एकदाच घेऊ शकतात.
- कॅशबॅक मिळवण्यासाठी किमान ५०० रुपयांचे बिल भरणे आवश्यक आहे.
- ग्राहकांना जास्तीत जास्त ५० रुपयांपर्यंतचा कॅशबॅक मिळू शकतो, जो थेट त्यांच्या भीम ॲपशी लिंक असलेल्या बँक खात्यात जमा होईल.
वाचा - तुमची फ्लाईट लेट किंवा कॅन्सल झाली? मग तुम्हाला 'इतका' मोबदला मिळणे बंधनकारक! काय आहेत नवीन नियम?
भीम ॲपची गौरवशाली यात्रा
डिजिटल इंडियाची ओळख बनलेल्या भीम ॲपची सुरुवात ३० डिसेंबर २०१६ रोजी झाली होती. तेव्हापासून सुरू झालेल्या या प्रवासाने देशात डिजिटल पेमेंटला अत्यंत सोपे आणि विश्वासार्ह बनवले आहे. आपल्या वर्धापनदिनानिमित्त भीम ॲप आता आपल्या वापरकर्त्यांना हा मोठा कॅशबॅकचा लाभ देत आहे.