औद्योगिक उत्पादनात ३.८% वाढ

अर्थव्यवस्थेला चैतन्य येण्याच्या आशेने औद्योगिक उत्पादन गेल्या पाच महिन्यांत सर्वाधिक ३.८ टक्के वाढले. उत्पादनात आणि खाण क्षेत्रात सुधारणा झाली

नवी दिल्ली : अर्थव्यवस्थेला चैतन्य येण्याच्या आशेने औद्योगिक उत्पादन गेल्या पाच महिन्यांत सर्वाधिक ३.८ टक्के वाढले. उत्पादनात आणि खाण क्षेत्रात सुधारणा झाली व भांडवली वस्तूंना चांगली मागणी असल्यामुळे नोव्हेंबरमध्ये हा सकारात्मक परिणाम झाला.
कारखान्यातील उत्पादनाचे मोजमाप औद्योगिक उत्पादन निर्देशांकानुसार (आयआयपी) केले जाते. गेल्या वर्षी नोव्हेंबरमध्ये ते १.३ टक्क्यांनी घटले होते. २०१४-२०१५ या आर्थिक वर्षात एप्रिल ते नोव्हेंबर कालावधीत आयआयपी २.२ टक्के वाढला होता. याच कालावधीत तो गेल्या वर्षी ०.१ टक्केच वाढला होता. २२ पैकी १६ उद्योगसमुहांचे उत्पादन नोव्हेंबरमध्ये वाढले.