Maharashtra Weather Update : राज्यात पुन्हा पावसाने जोर धरला आहे. बंगालच्या उपसागरात निर्माण झालेल्या कमी दाबाच्या क्षेत्रामुळे राज्यभर पावसाला पोषक वातावरण तयार झाले आहे. (Maharashtra Weather Update)
IMD ने दिलेल्या माहितीनुसार, आज (२८ ऑगस्ट) मध्य महाराष्ट्राच्या घाटमाथ्यावर मुसळधार पावसाचा अंदाज असून पुणे, सातारा आणि कोल्हापूर घाटमाथ्यासाठी ऑरेंज अलर्ट जारी करण्यात आला आहे. तर कोकण, मराठवाडा आणि विदर्भातील अनेक जिल्ह्यांत यलो अलर्ट देण्यात आला आहे.(Maharashtra Weather Update)
पावसाची स्थिती
मागील २४ तासांमध्ये पूर्व विदर्भात मुसळधार पाऊस झाला. सिंदेवाही येथे तब्बल १११ मि.मी. पावसाची नोंद झाली. नागपूर येथे राज्यातील उच्चांकी ३२.८ अंश सेल्सिअस तापमान नोंदले गेले. कोकण आणि घाटमाथ्यावर मात्र पावसाच्या सरी सातत्याने सुरू आहेत.
या जिल्ह्यात अलर्ट
ऑरेंज अलर्ट : पुणे घाटमाथा, सातारा घाटमाथा, कोल्हापूर घाटमाथा
यलो अलर्ट : पालघर, ठाणे, मुंबई, रायगड, रत्नागिरी, सिंधुदुर्ग, नाशिक घाटमाथा, जालना, परभणी, नांदेड, भंडारा, गोंदिया, चंद्रपूर, गडचिरोली, नंदूरबार, धुळे, जळगाव, नाशिक, अहमदनगर, छत्रपती संभाजीनगर, बीड, हिंगोली, बुलडाणा, अकोला, अमरावती, यवतमाळ, वर्धा, नागपूर
शेतकऱ्यांना सल्ला
* शेतात पाणी साचू देऊ नका.
* योग्य वेळी कीडनाशक व बुरशीनाशकांची फवारणी करा.
* अनियमित पावसामुळे खरीप पिकांना कीड व रोगांचा मोठा धोका निर्माण झाला आहे. त्यामुळे शेतकऱ्यांनी तज्ज्ञांनी दिलेल्या शिफारशीचा अवलंब करावा, असा सल्ला देण्यात आला आहे.