मुंबईच्या रस्त्यांवर गर्लफ्रेन्डसोबत असा बिनधास्त फिरताना दिसला अर्जुन रामपाल!!

होय, गेल्या काही दिवसांत अर्जुन व त्याची ही गर्लफ्रेन्ड बिनधास्तपणे मुंबईच्या रस्त्यांवर फिरताना दिसत आहे.

बॉलिवूड अभिनेता अर्जुन रामपाल याने याचवर्षी पत्नी मेहर जेसिका हिच्यासोबत घटस्फोट घेतल्याचे जाहिर केले होते. २० वर्षांच्या आनंदी प्रवासानंतर आमचा हा प्रवास दोन वेगवेगळ्या वाटांकडे निघाला आहे. आता दोन वेगवेगळ्या वाटा निवडण्याची योग्य वेळ आलीय, असे अर्जुन व मेहर यांनी संयुक्तपणे म्हटले होते. खरे तर अगदी सुरुवातीला या घटस्फोटासाठी हृतिकची एक्स वाईफ सुजैन खान हिला कारणीभूत ठरवण्यात आले होते. अर्जुनमुळेच सुजैनने हृतिकसोबत घटस्फोट घेतला, अशीही चर्चा होती. पण आता सगळे काही स्पष्ट झाले आहे. अर्जुनच्या आयुष्यात सुजैन नाही तर दुसरीच एक तरूणी आहे. होय, गेल्या काही दिवसांत अर्जुन व त्याची ही गर्लफ्रेन्ड बिनधास्तपणे मुंबईच्या रस्त्यांवर फिरताना दिसत आहे.

अर्जुनच्या या गर्लफ्रेन्डचे नाव आहे गॅबरिला. पेशाने मॉडेल असलेल्या गॅबरिलाच्या पे्रमात अर्जुन आकंठ बुडाला आहे. कालच मुंबईत अर्जुन व गॅबरिला हातात हात घालून फिरताना दिसले.

दोघांवरही कॅमेरे रोखले गेलेत. पण अर्जुन व गॅबरिलाने कॅमेऱ्यांना हसत हसत पोज दिली. यावरून तरी दोघेही आपल्या नात्याबद्दल गंभीर आहेत, असेच दिसतेय.

काही दिवसांपूर्वी अर्जुनच्या आईचे निधन झाले. यावेळी गॅबरिला पूर्णवेळ अर्जुनसोबत त्याला सांभाळताना दिसली. गॅबरिला एक आफ्रिकी मॉडेल आहे. ‘सोनाली केबल’ या चित्रपटातून तिन े बॉलिवूड डेब्यू केला होता. पण बॉक्सआॅफिसवर हा चित्रपट फार कमाल दाखवू शकला नव्हता. याशिवाय काही म्युझिक व्हिडिओमध्येही ती दिसली आहे. अर्जुनबद्दल सांगायचे तर त्याच्या हाताला सध्या फार काम नाहीय. अलीकडे आलेला त्याचा ‘पलटन’ चित्रपट दणकून आपटला. त्यापूर्वीचा ‘डॅडी’ हा चित्रपटही फ्लॉप झाला.