भारत - पाकिस्तान सामन्यासाठी अमिताभदेखील कोलकात्यात

कोलकाता, दि. १९ - टी-20 वर्ल्डकपमध्ये पारंपारिक प्रतिस्पर्धी भारत - पाकिस्तान शनिवारी कोलकात्यात भिडणार आहेत. भारत - पाकिस्तान सामना असला की फक्त भारत आणि पाकिस्तानातीलच नाही तर जगातील क्रिकेटरसिकांचं या सामन्याकडे लक्ष लागलेलं असतं. बॉलिवूडचे शहेनशहा अमिताभ बच्चनदेखील यामध्ये मागे नाहीत. भारत - पाकिस्तान सामन्याचा अनुभव घेण्यासाठी अमिताभ बच्चन कोलकात्यात पोहोचले आहेत. त्यांच्यासोबत अभिषेक बच्चनदेखील आहे. भारत - पाकिस्तान सामना सुरु होण्याआधी अमिताभ बच्चन राष्ट्रगीत गाणार आहेत. अभिषेक बच्चनने सोशल मिडियावर विमान प्रवासातील फोटो शेअर केला आहे.