सनी लिऑनी साकारणार मीना कुमारींची भूमिका; भूमिकेसाठी सनीच योग्य, दिग्दर्शकाचं मत

गेल्या अनेक दिवसांपासून बॉलिवूडमध्ये प्रसिद्ध अभिनेत्री मीना कुमारी यांच्या जीवनावर सिनेमा तयार होणार असल्याची चर्चा आहे.

ठळक मुद्दे गेल्या अनेक दिवसांपासून बॉलिवूडमध्ये प्रसिद्ध अभिनेत्री मीना कुमारी यांच्या जीवनावर सिनेमा तयार होणार असल्याची चर्चा आहे. दिग्दर्शक करण राजदान मीना कुमारी यांचा जीवनपट रूपेरी पडद्यावर उलगडणार आहेत. अभिनेत्री सनी लिऑनी मीना कुमारी यांची भूमिका साकारणार असल्याची माहिती समोर येते आहे.

मुंबई- गेल्या अनेक दिवसांपासून बॉलिवूडमध्ये प्रसिद्ध अभिनेत्री मीना कुमारी यांच्या जीवनावर सिनेमा तयार होणार असल्याची चर्चा आहे. दिग्दर्शक करण राजदान मीना कुमारी यांचा जीवनपट रूपेरी पडद्यावर उलगडणार आहेत. या सिनेमासाठी अभिनेत्री कोण असणार ? यावरही बरीच चर्चा झाली. आता अभिनेत्री सनी लिऑनी मीना कुमारी यांची भूमिका साकारणार असल्याची माहिती समोर येते आहे. मीना कुमारी यांचं आत्मचरित्र साकारण्यासाठी सनी लिऑनी दिग्दर्शक, निर्मात्यांची पहिली पसंत आहे. 

दिग्दर्शक करण राजदान यांनी मीना कुमारी यांची भूमिका साकारण्यासाठी अभिनेत्री विद्या बालन व माधुरी दिक्षीत यांनाही विचारणा करण्यात आली होती. पण काही कारणांमुळे त्यांनी या भूमिकेस नकार दिला. मीना कुमारी यांची भूमिका साकारण्यासाठी सनी लिऑनीने जास्त उत्साह दाखविल्याचं दिग्दर्शक करण राजदान यांनी सांगितलं आहे. 

मीना कुमारी यांची भूमिका साकारण्याचं सनीने धाडस दाखविलं, सिनेमाचं शूटिंग कधी सुरू करायचं ? याविषयी उत्सुकता दाखविणारी सनी एकचं अभिनेत्री होती, असं सिनेमाचे दिग्दर्शक करण राजदान यांनी इंडियन एक्स्प्रेसची बोलताना सांगितलं आहे. सनीने दाखविलेल्या धैर्याबद्दल तिची प्रशंसा केल्यावर, मीना कुमारी यांच्या भूमिकेला न्याय देण्यासाठी आपण सक्षम आहोत, याची तिला खात्री पटली नसल्याचं, दिग्दर्शक पुढे म्हणाले. 

सनी लिऑनीला मी तिच्या घरी भेटलो होतो.  सिनेमावरून बऱ्याच गप्पा झाल्या. मीना कुमारी यांच्या भूमिकेसाठी सनी लिऑनी योग्य असेल की नाही याबद्दलची माहिती नव्हती. पण एखाद्या भूमिकेसाठी ती अतिशय उत्साही असते. मीना कुमारी यांची भूमिका साकारणं ही मोठी संधी असल्याचं तीचं मत असेल, असं करण यांनी सांगितलं. 
नुकताच सनी लिऑनीचा तेरा इंतेजार सिनेमा प्रेक्षकांच्या भेटीला आला होता. अभिनेता अरबाज खानबरोबर या सिनेमात तिने काम केलं. आता सनीच्या या नव्या प्रोजक्टची सगळ्यांमध्ये उत्सुकता आहे.