Sangli Miraj Kupwad Municipal Election Results 2026 Marathi News | सांगली मिरज कुपवाड महापालिका निवडणूक निकाल २०२६ मराठी बातम्या | SMKMC Elections 2026 Latest News & Live Updates in Marathi | SMKMC Election 2026 Winners List | Sangli Miraj Kupwad Mahanagar Palika Nikal 2026 | एसएमकेएमसी निवडणूक निकाल २०२६

संतोष भिसेसांगली : महापालिकेच्या ७८ पैकी फक्त ३३ जागा लढविणाऱ्या राष्ट्रवादी काँग्रेस ( अजित पवार )चे सत्तेच्या निर्णयात किंगमेकर होण्याचे मनसुबे असल्याचे स्पष्ट होत आहे. महायुती किंवा महाविकास आघाडी यांपैकी कोणाच्याही सोबत हातमिळवणी न करता स्वतंत्र लढती द्यायच्या, निकालानंतर सत्तेसाठी निर्णायक प्रसंगी पाठिंबा द्यायचा आणि त्याच्या मोबदल्यात मोक्याची पदे मिळवायची, हे राजकीय गणित असल्याचा अंदाज राजकीय वर्तुळात आहे.राज्यात महायुतीमधील घटकपक्ष असणाऱ्या अजित पवार गटाने सांगलीत महापालिकेच्या निवडणुकीची वाटचाल सुरुवातीपासूनच ‘एकला चलो रे’ अशी ठेवली आहे. किंबहुना, राष्ट्रवादीचे नैसर्गिक सहकारी पक्ष असलेला शरद पवार गट किंवा काँग्रेससोबतही पक्षाने हातमिळवणी केली नाही. ‘युती किंवा आघाडीसाठी कोणालाही प्रस्ताव दिला नव्हता,’ असे पक्षाचे शहर जिल्हाध्यक्ष प्रा. पद्माकर जगदाळे यांनी स्पष्ट केले. त्यामुळे निवडणूक जाहीर झाली, तेव्हापासूनच पक्षाने किंगमेकरची व्यूहरचना आखली असावी, असा अंदाज आहे.वाचा : विरोधकांना ५० उमेदवारही मिळाले नाहीत, मुख्यमंत्री देवेंद्र फडणवीसांनी लगावला टोलावास्तविक या निवडणुकीत पक्षाकडे पुरेसे उमेदवार होते. भाजपपाठोपाठ अजित पवार गटात दुसऱ्या पक्षांतून येणाऱ्यांची संख्या मोठी होती. शिवाय इनकमिंग करणारे अनेक कार्यकर्ते राजकीयदृष्ट्या ताकदवानही होते. त्यामुळे पक्षाला सर्व म्हणजे ७८ जागा स्वबळावर लढविणे मुश्किल नव्हते. तरीही ३३ जागांपर्यंत मजल कायम ठेवत पक्षाने ‘ठंडा करके खाओ’ ही भूमिका कायम ठेवली.युती आणि आघाडीला अप्रत्यक्ष मदतअजित पवार गटाच्या या भूमिकेमुळे उर्वरित ठिकाणी भाजप, काँग्रेस, शरद पवार गट आणि शिंदेसेनेला अप्रत्यक्ष मदत झाली आहे. पक्षाच्या सर्वच म्हणजे ३३ जागा निवडून आल्या तरी पक्ष सत्तेपर्यंत पोहोचू शकत नाही. त्यामुळे १६ जानेवारी रोजी निकालानंतर कोणाच्या पारड्यात जास्त जागा पडतात, हे पाहून पाठिंब्याचा निर्णय घेतला जाऊ शकतो. पाठबळाच्या जोरावर उपमहापौर, सभापतिपदे आणि प्रसंगी महापौर ही हुकमी पदे मिळवली जाऊ शकतात. स्पष्ट बहुमत नसतानाही अजित पवार गट किंगमेकर बनू शकतो. अशा वेळी भाजपला बहुमत मिळते की काँग्रेस आघाडीला याच्याशी मतलब नसेल हे स्पष्ट आहे.उमेदवार नसलेल्या प्रभागांचे काय?अजित पवार गटाने ३३ जागा लढविण्याचे ठरविल्यानंतर उर्वरित ४५ जागा असलेल्या प्रभागांतील कार्यकर्त्यांनी काय करायचे? याचे उत्तर मात्र पक्षाकडे नाही. तब्बल सात वर्षांनी निवडणुका होत असल्याने कार्यकर्त्यांनी मोठी तयारी केली होती; पण पक्षाने तब्बल ४५ जागा रिकाम्याच सोडून दिल्याने तेथील कार्यकर्त्यांनी काय करायचे? हा प्रश्न आहे. ‘अन्य प्रभागांत जाऊन आपल्या ३३ उमेदवारांच्या प्रचाराचे काम करायचे? की तटस्थ राहून घरातच थांबायचे?’ हा प्रश्न या कार्यकर्त्यांपुढे आहे. या कार्यकर्त्यांशी चर्चा करणार असल्याचे प्रा. जगदाळे यांनी सांगितले.

Sangli Miraj Kupwad Municipal Election Results 2026 | सांगली मिरज कुपवड महानगरपालिका निवडणूक निकाल २०२६, मराठी बातम्याFOLLOW

Sangli miraj kupwad municipal corporation election, Latest Marathi News

सांगली :Sangli Municipal Election 2026: सकाळी पदयात्रा, दुपारी बैठका आणि रात्री कोपरासभा; प्रचाराचे रान तापले

भाडोत्री प्रचारकांना भाव ...

सांगली :महापालिकेच्या मैदानात राज्यपातळीवरील नेत्यांच्या सभा, प्रचारात भरणार रंग

मुख्यमंत्र्यांनंतर आता दोन्ही उपमुख्यमंत्र्यांच्या सभेचे नियोजन ...

सांगली :सांगली महापालिकेत सात जागांवर ‘हाय होल्टेज’ सामना, कोण कुणाशी भिडणार... वाचा सविस्तर

भाजपविरुद्ध इतर पक्षातील उमेदवारांमध्ये कांटे की टक्कर ...

सांगली :Sangli Municipal Election 2026: मुंबईत दोस्ती, मात्र सांगलीत प्रेमाची कुस्ती; महायुतीत ‘दोस्ता’वर आरोप जपूनच

प्रचार रंगेल, तशी ही कुस्ती लढाईत रूपांतरित होताना दिसत आहे ...

सांगली :Sangli Municipal Election 2026: वंचित, रासप आणि ओबीसी बहुजनची संयुक्त आघाडी, २२ उमेदवार रिंगणात

महाराष्ट्र :एकनाथ शिंदे यांच्यामुळे राज्यात महायुतीची सत्ता : शंभूराज देसाई

मित्रपक्षाकडून आमची ताकद तोलताना गल्लत ...

सांगली :नेत्यांचा प्रवास खर्च उमेदवारांच्या बोकांडी, हेलिपॅड वापराच्या शक्यतेने आयोगाने जाहीर केले दरपत्रक

सांगली :Sangli Municipal Election 2026: स्वतंत्र लढतीद्वारे राष्ट्रवादी अजित पवार गटाकडून दबावतंत्राची खेळी

उमेदवार नसलेल्या प्रभागांचे काय? ...