Sangli Miraj Kupwad Municipal Election Results 2026 Marathi News | सांगली मिरज कुपवाड महापालिका निवडणूक निकाल २०२६ मराठी बातम्या | SMKMC Elections 2026 Latest News & Live Updates in Marathi | SMKMC Election 2026 Winners List | Sangli Miraj Kupwad Mahanagar Palika Nikal 2026 | एसएमकेएमसी निवडणूक निकाल २०२६

शीतल पाटीलसांगली : महापालिकेच्या निवडणुकीसाठी आरक्षण सोडत जाहीर झाल्यानंतर शहराचे राजकारण तापले आहे. काही प्रभाग राखीव झाल्याने अनेक प्रस्थापित नेत्यांची समीकरणे कोलमडली आहेत, तर नव्या चेहऱ्यांसाठी संधी खुली झाली आहे. त्यामुळे इच्छुकांनी उमेदवारीसाठी नेत्यांच्या कार्यालयात गर्दी केली आहे. इच्छुकांना पहिल्यांदा उमेदवारीसाठी संघर्ष करावा लागणार आहे. त्यानंतर मग प्रभागातील विरोधकांशी सामना होणार आहे. त्यात महायुतीत इच्छुकांची संख्या अधिक असल्याने उमेदवारीसाठी इच्छुकांत मोठी रस्सीखेच आहे. त्यामुळे भाजप - युतीच्या नेत्यांची डोकेदुखी वाढणार आहे.महापालिकेच्या निवडणुकीसाठी आरक्षण सोडत जाहीर झाल्यानंतर अनेक दिग्गजांना धक्का बसला आहे. वर्षभरापासून निवडणुकीची तयारी सुरू केलेल्या इच्छुकांच्या स्वप्नांवर पाणी फेरले आहे. काही इच्छुकांनी शेजारच्या वाॅर्डात चाचपणी सुरू केली आहे, तर राखीव जागांवर घरातील महिला उमेदवार देण्यासाठी धडपड सुरू झाली आहे. महायुतीतील भाजपमध्ये इच्छुकांची संख्या अधिक आहे. एका प्रभागात तीन ते पाच दावेदारांनी जोर लावला आहे.भाजप, शिंदे गट आणि राष्ट्रवादी (अजित पवार) गटात अंतर्गत उमेदवारी, जागा वाटपावरून रस्सीखेच होणार आहे. तिकीट कोणाला मिळणार, यावरून गटबाजी उफाळून येण्याची शक्यता आहे. सध्या इच्छुकांनी मिशन उमेदवारीवर लक्ष केंद्रीत केले आहे. त्यासाठी नेत्यांचे घर, कार्यालयातील चकरा वाढल्या आहेत. कार्यालयातही गर्दी दिसत आहे. प्रभागात चार सदस्यीय पॅनलमधील इतर उमेदवारांची जुळवाजुळव सुरू झाली आहे. सह्याद्रीनगर, खणभाग, गर्व्हमेंट काॅलनी, चांदणी चौक, शामरावनगर, गावभाग यासह अनेक प्रभागात इच्छुकांची संख्या वाढल्याने उमेदवारी कोणाला मिळणार, कोणत्या पक्षाची मिळणार, याचीच चर्चा आहे.गेल्या सहा महिन्यात भाजपमध्ये जोरदार इनकमिंग झाले. जयश्रीताई पाटील, पृथ्वीराज पाटील यांच्या भाजप प्रवेशानंतर त्यांच्या कार्यकर्त्यांनाही जागा वाटपात स्थान द्यावे लागणार आहे. त्यात पाच - दहा वर्षापासून भाजपासाठी काम करणाऱ्या निष्ठावंत कार्यकर्त्यांवर अन्याय होणार नाही, याची दक्षता भाजप नेत्यांना घ्यावी लागेल. त्यामुळे उमेदवारी वाटपात खऱ्या अर्थाने भाजप नेत्यांची कसरत होणार, हे निश्चित.महाआघाडीत अजूनही शांतता आहे. काँग्रेस - राष्ट्रवादी शरद पवार गट व उद्धव ठाकरे शिवसेनेकडून चाचपणी सुरू आहे. भाजपच्या विरोधात समविचारी पक्षांना एकत्र करून निवडणूक लढविण्यावर एकमत झाले आहे. पण, सध्या काँग्रेस , राष्ट्रवादीचे नेते नगरपालिका, नगरपंचायतीच्या निवडणुकीत व्यस्त आहेत. या निवडणुकांनंतरच महाआघाडीचे नेते महापालिका निवडणुकीत लक्ष घालतील, असे कार्यकर्त्यांकडून सांगितले जात आहे. महाआघाडीतही अनेक प्रभागात एकाच जागेसाठी अनेकजण इच्छुक आहेत. त्यामुळे आघाडीच्या नेत्यांना उमेदवारी वाटपावेळी रोषाला सामोरे जावे लागणार आहे.पुढील आठवड्यात पक्षांतर्गत चर्चेला वेगदोन्ही आघाड्यांत सध्या "पहिली लढाई पक्षात, दुसरी विरोधकांशी" अशी स्थिती आहे. तिकीट मिळवण्यासाठी काही जण नेत्यांच्या गाठीभेटी घेत आहेत, तर काही कार्यकर्त्यांचा पाठिंबा दाखवत दबाव तंत्र वापरत आहेत. आगामी आठवड्यात पक्षांतर्गत चर्चांना वेग येणार असून, उमेदवारी जाहीर झाल्यानंतर अनेक ठिकाणी बंडखोरीची शक्यताही नाकारता येत नाही. तिकिटाच्या या लढाईत कोण बाजी मारतो, कोण बाहेर पडतो, याकडे राजकीय पक्षांचे लक्ष लागले आहे.

Sangli Miraj Kupwad Municipal Election Results 2026 | सांगली मिरज कुपवड महानगरपालिका निवडणूक निकाल २०२६, मराठी बातम्याFOLLOW

Sangli miraj kupwad municipal corporation election, Latest Marathi News

सांगली :Sangli Municipal Election 2026: किमान ३० जागा द्या, अन्यथा स्वबळावर लढणार; राष्ट्रवादी अजित पवार गटाचा इशारा

महायुतीत लढण्यास प्राधान्य ...

सांगली :महापालिका निवडणुकीत अजितदादा महायुतीबरोबरच : चंद्रकांत पाटील

सोयीच्या आघाड्या नसतील ...

सांगली :Sangli Municipal Election: प्रारूप मतदार यादीचा घोळ, इच्छुक उमेदवारांच्या जीवाला घोर

महापालिका निवडणुका अडीच वर्षे लांबल्या, आता न्यायालयाच्या कचाट्यात अडकण्याची चिंता ...

सांगली :Sangli: भाजप नेते, माजी नगरसेवकांकडून बोगस मतदारांची नोंदणी, नितीन मिरजकर यांचा आरोप

नावे रद्द न केल्यात न्यायालयात जाणार ...

सांगली :Sangli Municipal Election: मतदारवाढ ३० हजाराची, प्रभागात घट दीड हजाराची; मतदार कुठे गेले?

गत निवडणुकीच्या तुलनेत अनेक ठिकाणी कमी मतदार ...

सांगली :Municipal Election: सांगली महापालिकेच्या प्रारूप मतदार यादीवर तब्बल ७०८ हरकती दाखल, ३ डिसेंबरपर्यंत मुदतवाढ

राज्य निवडणूक आयोगाच्या निर्देशानुसार नियमानुसार प्राप्त होणाऱ्या हरकतींचीच दखल घेऊन पडताळणी केली जाणार ...

सांगली :Municipal Election: सांगली महापालिका क्षेत्रात २५ हजार दुबार मतदारांना द्यावे लागणार हमीपत्र

प्रारूप मतदार यादी : निवडणूक विभागाकडून तयारी; एकाच ठिकाणी होणार मतदान ...

सांगली :Sangli Municipal Election: उमेदवारीसाठी पहिली लढाई, मग विरोधकांशी दोन हात

आरक्षणाने बिघडले गणित; तिकीटासाठी इच्छुकांची झुंबड ...