Sangli Miraj Kupwad Municipal Election Results 2026 Marathi News | सांगली मिरज कुपवाड महापालिका निवडणूक निकाल २०२६ मराठी बातम्या | SMKMC Elections 2026 Latest News & Live Updates in Marathi | SMKMC Election 2026 Winners List | Sangli Miraj Kupwad Mahanagar Palika Nikal 2026 | एसएमकेएमसी निवडणूक निकाल २०२६

सांगली : काँग्रेसने जिल्ह्यातील आणि महापालिका शहरातील नेत्यांच्या सर्व गरजा पूर्ण केल्या आणि महत्त्वाच्या पदांवर त्यांना नियुक्त केले. मात्र, काही मंडळी सत्ता भोगून स्वार्थासाठी पळून गेली आहेत. त्यांची चिंता करू नका. काँग्रेस कार्यकर्त्यांच्या बळावर आणि मतदारांच्या विश्वासावर महापालिकेची निवडणूक लढविली आणि जिंकली जाईल, असा विश्वास आमदार डॉ. विश्वजीत कदम यांनी व्यक्त केला.सांगलीत मंगळवारी काँग्रेस कमिटीमध्ये पक्षाचे नवे शहर जिल्हाध्यक्ष राजेश नाईक यांच्या पदग्रहण सोहळ्यानिमित्त आयोजित कार्यकर्ता मेळाव्यात डॉ. कदम बोलत होते. यावेळी खासदार विशाल पाटील , जिल्हाध्यक्ष व माजी आमदार विक्रमसिंह सावंत, युवा नेते जितेश कदम, माजी नगरसेवक मंगेश चव्हाण, काँग्रेसचे वरिष्ठ उपाध्यक्ष प्रा. सिकंदर जमादार, अय्याज नायकवडी यांसह इतर प्रमुख उपस्थित होते. डॉ. कदम यांच्या हस्ते राजेश नाईक यांना निवडीचे पत्र देण्यात आले आणि पदग्रहण सोहळा पार पडला.डॉ. विश्वजित कदम म्हणाले, मिरज आणि सांगलीतील अनेक प्रभावशाली काँग्रेस नेत्यांनी पक्षाला सोडून दिल्याने काही फरक पडणार नाही. देश आणि राज्यातील सत्ताधाऱ्यांच्या भीतीने आणि आकर्षणामुळे काही लोक त्यांना जाऊ लागले आहेत. महापालिकेत काँग्रेसकडून ज्यांनी महत्त्वाच्या पदांवर काम केले, त्यांनी पक्षाचा पाठ असताना काळ्या काळात साथ सोडली आहे. त्यांना जाऊ द्या, आपण पूर्ण ताकदीने लढू आणि जिंकलो पाहिजे. सामान्य कार्यकर्त्यांच्या जीवावर आपण निवडणूक लढवणार आहोत.राज्यातील सत्ता बदलाची सुरुवात सांगलीतून करूया : विशाल पाटीलखासदार विशाल पाटील म्हणाले, जातीयवादी शक्तींना थांबवण्यासाठी आम्ही पूर्ण ताकदीने लढणार आहोत. देश आणि राज्यात सत्ता बदलाची सुरुवात सांगलीतूनच करायची आहे. काँग्रेस हा सर्वसमावेशक पक्ष आहे. सांगली हे काँग्रेसचे बालेकिल्ला होते आणि ते पुन्हा जिंकायचे आहे. महापालिकेच्या सत्तेत जाण्यासाठी आपण सर्वांनी एकजुटीने उभे राहायचे आहे, त्यासाठी आमची पूर्ण ताकद तुमच्या सोबत असेल.मंगेश चव्हाण झाले निवडणुकीचे प्रमुखकाँग्रेस शहर जिल्हाध्यक्ष पदासाठी मंगेश चव्हाण इच्छुक होते आणि आमदार डॉ. विश्वजित कदम यांनी त्यांची शिफारस केली होती, मात्र राजेश नाईक यांना संधी मिळाली. म्हणून मंगेश चव्हाण यांना महापालिका निवडणूक प्रमुख व प्रचार प्रमुख पदे देण्यात आली. त्यांनाही डॉ. कदम यांच्या हस्ते नियुक्तीचे पत्र देण्यात आले.कुणी कितीही भांडणं लावली तरी फरक पडणार नाहीकाँग्रेसचे नूतन शहर जिल्हाध्यक्ष राजेश नाईक यांची निवडही डॉ. विश्वजित कदम यांनीच केली असून, आम्ही एकमताने आणि एकदिलाने काम करत आहोत. कुणी कितीही भांडणं लावली किंवा तेल ओतले तरी काही फरक पडणार नाही, असा टोला खासदार विशाल पाटील यांनी विरोधकांना लगावला.

Sangli Miraj Kupwad Municipal Election Results 2026 | सांगली मिरज कुपवड महानगरपालिका निवडणूक निकाल २०२६, मराठी बातम्याFOLLOW

Sangli miraj kupwad municipal corporation election, Latest Marathi News

सांगली :Sangli Municipal election 2026: मिरजेत उमेदवारीवरून भाजपमध्ये रणकंदन, नाराजी; आवटी गटाने आधीच उमेदवार ठरवले

आवटी गटाचा पालकमंत्र्यांना बंडखोरीचा इशारा : दिगंबर जाधव राष्ट्रवादीच्या वाटेवर ...

सांगली :Sangli Municipal Election 2026: सांगलीत फक्त हालचाली, खरी खेळी मुंबई–पुण्यात!

राष्ट्रवादीचे पदाधिकारी अजितदादांच्या भेटीला, भाजपची मुख्यमंत्र्यांसोबत मुंबईत चर्चा ...

शहर पोलिसांनी परिसरातील सीसीटीव्ही फुटेज तपासण्यास सुरुवात केली ...

सांगली :सांगली महापालिका निवडणूक महाविकास आघाडीमार्फतच लढणार, जयंत पाटील, विशाल पाटील यांची घोषणा

गद्दारांना जागा दाखवू; उद्धवसेना, वंचितसोबत चर्चा करणार ...

सांगली :सांगली महापालिकेसाठी दोन दिवसांत विक्रमी ११४६ अर्जांची विक्री; एकही अर्ज दाखल नाही, उरले चारच दिवस

सुट्ट्यांमुळे शेवटच्या दिवसांत होणार गर्दी ...

सांगली :Sangli Municipal Election 2026: भाजपच्या उमेदवारीचा चेंडू मुख्यमंत्र्यांच्या कोर्टात

मुंबईत बैठक : यादीवर होणार शिक्कामोर्तब, इच्छुकांचे लागले लक्ष ...

भाजप उमेदवारांची यादी मुंबईतच निश्चित होणार ...

सांगली :काँग्रेसमध्ये सत्ता भोगलेले आता स्वार्थासाठी पळून गेले, विश्वजीत कदम यांचा हल्लाबोल

राज्यातील सत्ता बदलाची सुरुवात सांगलीतून करूया : विशाल पाटील ...