Sangli Miraj Kupwad Municipal Election Results 2026 Marathi News | सांगली मिरज कुपवाड महापालिका निवडणूक निकाल २०२६ मराठी बातम्या | SMKMC Elections 2026 Latest News & Live Updates in Marathi | SMKMC Election 2026 Winners List | Sangli Miraj Kupwad Mahanagar Palika Nikal 2026 | एसएमकेएमसी निवडणूक निकाल २०२६

सांगली : महापालिकेच्या स्थायी समितीसह विषय समित्यांच्या सभापतींची निवड शुक्रवार १३ मार्च रोजी होणार आहे. स्थायी समिती सभापतिपदासाठी भाजपमध्ये मोठी रस्सीखेच आहे. अतुल माने, ॲड. स्वाती शिंदे, गणेश माळी यांची नावे शर्यतीत आहेत. तर महिला बालकल्याण, चार प्रभाग समिती व समाजकल्याण सभापतीपदी कुणाची वर्णी लागणार याकडे साऱ्यांचेच लक्ष लागले आहे.महापालिकेत भाजप व राष्ट्रवादी (अजित पवार) पक्षाची सत्ता आहे. सध्या महापौरपद भाजपकडे तर उपमहापौरपद राष्ट्रवादीकडे आहे. स्थायी समितीत भाजपचे ८, राष्ट्रवादी (अजित पवार) ३, काँग्रेस ४, राष्ट्रवादी (शरद पवार) १ असे संख्याबळ आहे. महायुतीत पहिली दोन वर्षे स्थायीचे सभापतीपद भाजपकडे तर तिसऱ्या व चौथ्या वर्षी राष्ट्रवादीला सभापतिपद देण्याचा अलिखित निर्णय झाला आहे. त्यानुसार पहिल्या वर्षी भाजपकडे सभापतीपद राहणार आहे. भाजपमधून नव्याने निवडून आलेले अतुल माने, महिला मोर्चाच्या पदाधिकारी ॲड. स्वाती शिंदे, गणेश माळी यांच्या नावाची चर्चा आहे. त्यात आमदार सुधीर गाडगीळ यांनी अतुल माने यांच्या पारड्यात वजन टाकले आहे. तर स्वाती शिंदे यांनी महापौरपदासाठी फिल्डिंग लावली होती. पण आता किमान स्थायी सभापतिपदावर तरी वर्णी लागावी, अशी त्यांच्या समर्थकांची मागणी आहे. तर सांगली -कुपवाडला महत्त्वाची पदे देण्यात आल्याने सभापतिपद मिरजेला द्यावे, अशी मागणीही होत आहे.महिला व बालकल्याण समिती भाजपचे ८, काँग्रेस ५ तर राष्ट्रवादी (अजित पवार) पक्षाचे ३ सदस्य आहेत. समितीवरही भाजपचेच वर्चस्व आहे. सभापतिपदीसाठी विद्या नलवडे, बानू जमादार, योगिता राठोड, लक्ष्मी सरगर यांची नावे चर्चेत आहेत. समाजकल्याण समिती सभापतीत भाजपचे ८ तर शिंदेसेना, काँग्रेस व राष्ट्रवादी (अजित पवार) पक्षाचा प्रत्येकी एक सदस्य आहे. या समितीचे सभापतिपद शिंदेसेनेच्या वाट्याला जाण्याची शक्यता अधिक आहे. पण त्याचे गणित मिरज पंचायत समिती सभापतीवर अवलंबून आहे.प्रभाग समितीवर महायुतीचे वर्चस्वमहापालिकेच्या चार प्रभाग समितीवर भाजप-राष्ट्रवादी (अजित पवार) पक्षाचे वर्चस्व आहे. प्रभाग समिती एकमध्ये भाजपचे १०, काँग्रेस ७, राष्ट्रवादी शरद पवार व शिंदेसेनेचे प्रत्येकी एक सदस्य आहे. प्रभाग समिती दोनमध्ये भाजप ६, काँग्रेस ७, राष्ट्रवादी (अजित पवार) ५, राष्ट्रवादी (शरद पवार) २ असे संख्याबळ आहे. प्रभाग समिती ३ मध्ये भाजपचे १४ तर राष्ट्रवादी (अजित पवार) पक्षाचे दोन तर प्रभाग समिती चारमध्ये भाजपचे ९, काँग्रेस ४ तर राष्ट्रवादी (अजित पवार) पक्षाचे १० सदस्य आहेत.

Sangli Miraj Kupwad Municipal Election Results 2026 | सांगली मिरज कुपवड महानगरपालिका निवडणूक निकाल २०२६, मराठी बातम्याFOLLOW

Sangli miraj kupwad municipal corporation election, Latest Marathi News

आमदार-महापौरांत दुरावा ...

सांगली :सांगली महापालिका प्रशासनाचे बजेट मंगळवारी स्थायीकडे, पहिल्याच सभेत दीड कोटीच्या कामांना मंजुरीचे विषय

सांगलीकरांना कोणत्या नव्या सुविधा मिळणार, याकडे साऱ्यांचे लक्ष ...

सांगली :सांगली महापालिकेत बिनविरोध निवडींसाठी विरोधी काँग्रेसला देणार सभापतिपद, नेत्यांमध्ये चर्चा

पदाधिकाऱ्यांचा विरोध, आज निवडीची सभा ...

सांगली :Sangli: एलईडी प्रकल्पामुळे महापालिकेला ७०० कोटींचा भुर्दंड - पृथ्वीराज पवार

'समुद्रा'चा करार रद्द करून श्वेतपत्रिका काढा ...

सांगली :सांगली महापालिकेत प्रभाग समिती सभापतींचा कार्यकाल केवळ १८ दिवसांचा

महापालिकेच्या इतिहासात असा अभूतपूर्व प्रसंग पहिल्यांदाच उद्भवल्याने प्रशासनाची तारांबळ उडाली ...

पहिल्यांदा नगरसेवक ते थेट सभापती ...

सांगली :सांगली महापालिकेत स्वीकृत नगरसेवक निवडी लांबणीवर पडण्याची शक्यता

महासभा १८ रोजी : ड्रेनेज, पाण्यावर चर्चा, गुंठेवारी समिती गठित होणार ...

प्रभाग समितीवर महायुतीचे वर्चस्व ...