Latur Election Results 2026 Marathi News | लातूर महापालिका निवडणूक निकाल २०२६ मराठी बातम्या | Latur Elections 2026 Latest News & Live Updates in Marathi | Latur Election 2026 Winners List | Latur Mahanagar Palika Nikal 2026 | एलएमसी निवडणूक निकाल २०२६

लातूर : महापालिका निवडणुकीची रणधुमाळी आता सुरू झाली असून एकूण १८ प्रभागातून ७० सदस्य निवडले जाणार आहेत. यासाठी एकुण ३ लाख २१ हजार ३५४ मतदार मतदानाचा हक्क बजावतील. निवडणूक विभागाकडून मतदारांची अंतिम यादी जाहिर करण्यात आली आहे. कोणत्या प्रभागात किती मतदार हक्क बजावणार हे निश्चित झाल्याने इच्छुक उमेदवार कामाला लागले आहेत. आचारसंहिता घोषित होताच मनपाकडून शासकीय पोस्टर्स, फलक झाकण्याचे काम हाती घेण्यात आले आहे.अनेक दिवसांपासून निवडणुकीच्या प्रतिक्षेत असलेल्या इच्छुकांनी आता जोरदार मोर्चेबांधणी केली आहे. सण, उत्सव, जयंती, वाढदिवस आदी कार्यक्रमातून निवडणुकीची साखर पेरणी करणाऱ्यांचे लक्ष निवडणूक आयोगाच्या निर्णयाकडे लागले होते. निवडणुकीची घोषणा होताच इच्छुकांनी तातडीने आपापल्या प्रभागात भेटी सुरू केल्या आहेत. प्रमुख राजकीय पक्षांनी अगोदरच इच्छुकांचे अर्ज घेतले आहेत. त्यात भारतीय जनता पक्षाच्या इच्छुक असलेल्या जवळपास ९०० उमेदवारांनी मुलाखतीही दिल्या आहेत. काँग्रेसने अर्ज घेतले असून त्यांच्या मुलाखती काँग्रेस भवन येथे १७ व १८ डिसेंबर रोजी घेतल्या जाणार आहेत. याशिवाय, राष्ट्रवादी काँग्रेस (शरद पवार), राष्ट्रवादी काँग्रेस (अजित पवार), शिवसेना (उद्धव ठाकरे), शिवसेना (एकनाथ शिंदे), वंचित बहुजन आघाडी, एएमआयएमनेही निवडणुकीसाठी मोर्चेबांधणी सुरू केली आहे. इच्छुक कार्यकर्त्यांकडून उमेदवारी मागणीचे अर्जही भरून घेण्यात आले आहेत. काही प्रभागात नवीन इच्छुकांची संख्या वाढली असल्याचे पाहून पक्षांतरही होत आहेत.२० डिसेंबरपूर्वी बूथनिहाय मतदार निश्चित होणार...लातूर शहर महापालिका निवडणुकीत १८ प्रभाग आहेत. येथून ७० सदस्य निवडून येणार आहेत. यासाठी प्रभाग क्रमांक एक, चार, आठ आणि नऊ या चार प्रभागात २० हजारांवर मतदारांचा समावेश आहे. १५ डिसेंबर रोजी अंतिम मतदार यादी प्रसिध्द झाल्याने कोणत्या प्रभागात किती मतदार हक्क बजावणार हे निश्चित झाले आहे. निवडणूक विभागाकडून २० डिसेंबरपूर्वी बुथनिहाय मतदार संख्या निश्चित केली जाणार आहे.जाहिरात फलक हटविण्याचे काम...महापालिका निवडणुकीची आचारसंहिता जाहिर होताच महापालिका प्रशासनाच्या वतीने शहराच्या हद्दीत असलेले शासकीय कामाचे फलक, पोस्टर हटविण्याचे काम हाती घेतले आहे. २४ तासांत तब्बल २३० पेक्षा अधिक फलक, पोस्टर काढण्यात आले आहेत. काही ठिकाणचे फलक झाकण्यात येत असून काही ठिकाणी काढूनच टाकले जात आहेत.सहाय्यक निवडणूक निर्णय अधिकाऱ्यांची बैठक...महापालिका निवडणुकीसाठी निवडणूक निर्णय अधिकारी यांच्यामार्फत अधिकारी, कर्मचारी नियुक्त करण्यात आले आहेत. त्यात चार झोनमध्ये प्रत्येकी एक असे उपजिल्हाधिकारी दर्जाचे ४ अधिकारी सहाय्यक निवडणूक निर्णय अधिकारी म्हणून निश्चित केले आहेत. तसेच त्यांना सहाय्यक म्हणून तहसीलदार, मनपाचे दोन अधिकारी निवडण्यात आले आहेत. मंगळवारी या अधिकाऱ्यांची पहिली बैठक झाली आहे.कोणत्या प्रभागातून किती मतदार...प्रभाग क्रमांक. मतदार१ - २०,३१०२ - १८,६२६३ - १७८२०४ - २०,२४८५ - १६,९८६६ - १७,०८५७ - १७,९८६८ - २०,५९४९ - २०,५५३१०- १९,२४०११ - १७,५४३१२ - १९,३२९१३ - १७,७७११४ - १६८८६१५ - १७,८४११६ - १५,४२७१७ - १४,६३४१८ - १२,४७५एकूण मतदार : ३ लाख २१ हजार ३५४.

Latur Municipal Election Results 2026 | लातूर महानगरपालिका निवडणूक निकाल २०२६, मराठी बातम्याFOLLOW

Latur municipal corporation election, Latest Marathi News

लातुर :लातूर मनपासाठी तांत्रिक कारणांमुळे ६३ अर्ज बाद; रिंगणात राहिलेल्या ६९६ उमेदवारांत चुरस

या छाननी प्रक्रियेत प्रभाग १३, १४ आणि १५ च्या समूहात सर्वाधिक म्हणजे २७ उमेदवारी अर्ज अवैध ठरले आहेत. ...

लातुर :लातूरमध्ये काँग्रेस-वंचित बहुजन आघाडीची नवी ‘केमिस्ट्री’; तर महायुतीमध्ये फूट

वंचित बहुजन आघाडीसोबत कोणतीही जाहीर चर्चा समोर येऊ न देता, शेवटच्या क्षणी काँग्रेसने फॉर्म्युला निश्चित केला. ...

लातुर :Latur Municipal Election 2026: लातूर महापालिकेचे तिकीट कुणाला? इच्छुकांच्या गर्दीने भाजप-काँग्रेसच्या चाणक्यांची कसोटी!

Latur Mahanagarpalika Election 2026 इच्छुकांची तुंबळ गर्दी : प्रभाग १२ आणि १३ मध्ये उमेदवारीचा ‘जाम’; एका जागासाठी १५ जणांची स्पर्धा ...

लातुर :लातूरमध्ये राजकारण तापले; काँग्रेस, भाजपमध्ये आयाराम विरुद्ध निष्ठावंत संघर्ष वाढणार

लातुर :लातूरचा 'सहावा' महापौर कोण? आरक्षणाकडे लक्ष, मुंबईतील 'बिग बजेट' उमेदवारांचीही 'एंट्री'!

लातूर महानगरपालिका निवडणूक; १३ वर्षांचा प्रवास, पाच महापौर, सहावा कोण? याची उत्सुकता ...

लातुर :लातूर मनपा निवडणूक: दोन दिवसांत तब्बल ५१३ अर्जांची विक्री, एकही दाखल नाही

अद्याप एकाही उमेदवाराने आपला अर्ज प्रत्यक्ष दाखल केलेला नाही. ...

लातुर :Latur: तिकीट खिशात नाही, तरी प्रचार जोरात; मनपाच्या मैदानात 'भावी' नगरसेवकांची भाऊगर्दी !

बंडखोरीच्या भीतीने बड्या पक्षांनी उमेदवारीचा 'सस्पेन्स' ठेवला कायम ...

लातुर :लातूर मनपासाठी ३ लाख २१ हजार मतदार १८ प्रभागातून ७० सदस्य निवडणार

कोणत्या प्रभागात किती मतदार हक्क बजावणार हे निश्चित झाल्याने इच्छुक उमेदवार कामाला लागले आहेत. ...