Ganesh Utsav 2025 | Ganapati Utsav 2025 | Gharcha Ganapati | Ganesh Chaturthi 2025 | गणेश चतुर्थी २०२५ | Puja | Aarti | Decoration | Darshan| Videos | Photos | Recipes

सध्या देशात गणेशोत्सवाची धामधूम सुरू आहे. दरम्यान कर्नाटकात गणेशोत्सवाला गालबोट लागल्याची घटना घडली आहे. कर्नाटकातील मांड्या येथे गणेश विसर्जनाच्यावेळी दोन समुदायांच्या लोकांमध्ये वाद झाला आणि हिंसाचाराची घटना घडली. यावेळी दगडफेक, तोडफोड, जाळपोळ अशा घटनांमुळे परिस्थिती तणावपूर्ण झाली. समाजकंटकांकडून काही दुकाने आणि वाहने जाळण्यात आली. ही घटना बुधवारी रात्री म्हैसूर रोडवरील दर्ग्याजवळ घडली. गणेश विसर्जनाच्यावेळी दगडफेक आणि हिंसक हाणामारी झाल्यानंतर परिस्थिती नियंत्रणात आणण्यासाठी पोलिसांनी लाठीचार्ज केला. या दगडफेकीनंतर काही लोकांनी हिंसा करणाऱ्यांवर कारवाई करण्याची मागणी करत पोलीस ठाण्याजवळ रात्रभर निदर्शने केली. तसेच, दगडफेक आणि मारामारीत एका पोलिसासह काही जण जखमी झाल्याचं सांगण्यात येत आहे. परिस्थिती नियंत्रणात आणण्यासाठी मोठा पोलीस बंदोबस्त तैनात करण्यात आला आहे. तसेच, पोलिसांनी कलम १४४ लागू केलं असून वरिष्ठ पोलीस अधिकारी देखील घटनास्थाळी दाखल झाले आहेत.नेमकं काय घडलं?बदरिकोप्पलु गावातील तरुण बुधवारी गणपतची विसर्जन मिरवणूक काढत होते. यावेळी मिरवणूक नागमंगलाच्या म्हैसूर रोडवरील दर्ग्याजवळून काढण्यावरून दोन गटातील तरुणांमध्ये बाचाबाची झाली. यामुळे वातावरण बिघडलं आणि वाद वाढला. याचवेळी काही समाजकंटकांनी दुकानांची तोडफोड केली आणि वाहने पेटवली. यानंतर संपूर्ण परिसरात एकच खळबळ उडाली. पोलिसांनी परिस्थिती नियंत्रणात आणण्याचा प्रयत्न केला. तसेच, जमावाला पांगवण्यासाठी पोलिसांना सौम्य बळाचा वापर करावा लागला. तर संतापलेल्या लोकांनी पोलीस ठाण्यात आंदोलन करत या प्रकरणात जबाबदार असलेल्या लोकांना अटक करावी अशी मागणी केली.सूरतमध्येही असाच प्रकार घडला होतागुजरातच्या सूरतमध्येही असाच प्रकार घडला होता. सूरतमध्ये एका गणपती मंडपावर समाजकंटकांनी दगडफेक केली होती. या घटनेनंतर संतापलेले लोक रस्त्यावर उतरले होते. लोकांनी कारवाईची मागणी करत पोलीस ठाण्याला घेराव घातला होता. पोलिसांनी या प्रकरणात सहा जणांना अटक केली होती. त्यानंतर आणखी २७ जणांनाही अटक करण्यात आली होती.

Ganesh Mahotsav 2025 Celebration | गणेशोत्सव 2025 मराठी बातम्याFOLLOW

Ganesh mahotsav, Latest Marathi News

कोल्हापूर :कोल्हापुरातील शिकलगार कुटुंबाकडून ५५ वर्षे श्री गणेश पूजनाचा मान, अध्यक्षपदही मुस्लीम तरुणाकडेच

भक्ती :Gauri Visarjan 2024: दारिद्रयातून मुक्ततेसाठी अदुःख नवमीला देवीपाशी लावा दिवा आणि म्हणा 'हा' पावरफुल मंत्र!

भक्ती :Gauri Visarjan 2024: सौभाग्यप्राप्तीसाठी गौरी विसर्जनाआधी आवर्जून म्हणा 'हे' प्रभावी स्तोत्र!

मुंबई :राजा पंचगंगेचा! बाप्पाच्या पर्यावरणपूरक मूर्ती सोबतच देखावाही ठरतोय आकर्षक

...

मुंबई :फुलांच्या दरांमध्ये ६० % वाढ; सजावट, पूजनासाठी मागणी, हारांचे भावही तोऱ्यात

गौरी-गणपती सणाच्या पार्श्वभूमीवर दादर येथील फूल बाजारात फुलांची मोठ्या प्रमाणावर आवक होऊनही दर चढेच आहेत. ...

मुंबई :माहेरवाशीण आलेल्या गौराईचा थाटमाट; भाजी-भाकरीसह आवडीचा नैवद्य अर्पण

मुंबई :बाप्पा...पुढच्या वर्षी लवकर या! पाच दिवसांच्या गणरायांना निरोप; चौपाट्यांवर भाविकांची गर्दी

राष्ट्रीय :गणेश विसर्जन मिरवणुकीला गालबोट; दोन गटांत राडा, दगडफेक-जाळपोळीच्या घटनेनंतर तणाव