Ganesh Utsav 2025 | Ganapati Utsav 2025 | Gharcha Ganapati | Ganesh Chaturthi 2025 | गणेश चतुर्थी २०२५ | Puja | Aarti | Decoration | Darshan| Videos | Photos | Recipes

तासगाव: 'मंगलमूर्ती मोरयाऽऽ'च्या जयघोषात निनादलेली तासगाव नगरी, गुलाल, पेढ्यांची उधळण आणि ढोल-ताशांचे लयबद्ध वादन अशा भक्तिमय वातावरणात तासगावचा ऐतिहासिक २४६ वा रथोत्सव सोहळा लाखो भाविकांच्या उपस्थितीत गुरुवारी पार पडला. रथोत्सवातील भाविकांची गर्दी आणि उत्साह नजरेचे पारणे फेडणारा ठरला.पंचायतनचे विश्वस्त श्रीमंत राजेंद्र पटवर्धन आणि डॉ. आदिती पटवर्धन यांच्या मार्गदर्शनाखाली दुपारी पटवर्धन राजवाड्यातून सर्व मानकऱ्यांसह छबिना बाहेर पडली. श्री गणपती मंदिरातील १२१ किलो वजनाची पंचधातूची ‘श्रीं’ची उत्सवमूर्ती पालखीतून मंदिराबाहेर रथापर्यंत आणण्यात आली. उत्सवमूर्ती रथामध्ये विराजमान झाल्यानंतर प्रथेप्रमाणे ‘श्रीं’ची आरती झाली. राष्ट्रगीत झाले आणि एक वाजता रथ ओढायला सुरुवात झाली. लाखो गणेशभक्त ‘मोरयाऽऽ’चा गजर करीत दोरखंड हाती घेऊन रथ ओढत होते. गुलाल, पेढे आणि खोबऱ्यांच्या उधळणीत रथाचा परिसर न्हाऊन निघाला. केळीचे खुंट, नारळाची तोरणे, पताका, फुलांच्या माळा आदींनी रथ सजविण्यात आला होता. नागरिकांनी रस्त्याच्या दुतर्फा रांगोळी काढून रथाचे स्वागत केले. गणेशभक्तांना ठिकठिकाणी प्रसादाचे वाटप करण्यात येत होते. संपूर्ण रथयात्रेदरम्यान रथाभोवती मोठा पोलिस बंदोबस्त तैनात होता.प्रथेप्रमाणे श्री गणपती मंदिरापुढे असलेल्या श्री काशिविश्वेश्वर मंदिरापर्यंत रथ ओढण्यात आला. श्री शंकर व श्री गणपती या पिता-पुत्रांची भेट झाली. ‘श्रीं’ची आरती झाली व रथाचा परतीचा प्रवास सुरू झाला. सायंकाळी दीड दिवसांच्या गणपतीचे विसर्जन करण्यात आले. दरम्यान, सकाळपासून ‘श्रीं’च्या दर्शनासाठी व रथावर नारळाचे तोरण बांधण्यासाठी गणेशभक्तांनी गर्दी केली होती. गणेश मंदिरात भक्तांना दर्शन घेता यावे, यासाठी विशेष व्यवस्था करण्यात आली होती.रथयात्रेच्या मार्गावर तसेच गुरुवार पेठ, बसस्थानक चौकापर्यंतच्या रस्त्यांवर यात्रा भरली होती. परिवहन मंत्री शंभूराज देसाई, आमदार रोहित पाटील, माजी खासदार संजय पाटील, प्रभाकर पाटील, पटवर्धन कुटुंबीय आणि मानकऱ्यांसह लाखो गणेशभक्तांनी रथोत्सवात सहभाग घेतला. सोहळा पार पाडण्यासाठी प्रशासनाने चोख बंदोबस्त ठेवला होता. पोलिस उपअधीक्षक सचिन थोरबोले, निरीक्षक सोमनाथ वाघ, तहसीलदार अतुल पाटोळे, मुख्याधिकारी सुधाकर लेंडवे यांच्यासह अधिकाऱ्यांनी काटेकोर नियोजन केले.गणेशभक्तांच्या उत्साहाने तासगाव नगरी २४६ व्या ऐतिहासिक रथोत्सवाची साक्षीदार झाली.'मंगलमूर्ती मोरया'च्या घोषात रथोत्सवाला सुरुवात.१२१ किलोची पंचधातूची मूर्ती रथात विराजमान.लाखो गणेशभक्तांच्या गर्दीत निनादलेली तासगाव नगरी.रथयात्रेत गुलाल, पेढ्यांची उधळण आणि भक्तिमय वातावरण.

Ganesh Mahotsav 2025 Celebration | गणेशोत्सव 2025 मराठी बातम्याFOLLOW

Ganesh mahotsav, Latest Marathi News

सण-उत्सव :Rangari Badak Chawl Ladka Lambodar Ganesha, Mumbai | Ganpati

Rangari Badak Chawl Ladka Lambodar Ganesha, Mumbai | Ganpati ...

सण-उत्सव :डोळे दिपले! भव्य प्रवेशद्वार, गुहा, उड्डाण करणारा मारुती.. अभिज्ञा भावेचा दिमाखदार बाप्पा

डोळे दिपले! भव्य प्रवेशद्वार, गुहा, उड्डाण करणारा मारुती.. अभिज्ञा भावेचा दिमाखदार बाप्पा ...

रत्नागिरी :पुढच्या वर्षी लवकर या!, रत्नागिरी जिल्ह्यात दीड दिवसाच्या १३,८४१ गणरायांना साश्रू नयनांनी निरोप

श्रद्धा, निसर्गप्रेम आणि पर्यावरण संवर्धनाचा अनोखा संगम ...

सखी :मालपुआ अनेकदा खाल्ला असेल, आता दूधपुआ ट्राय करा; गौराईच्या नैवेद्यासाठी 'हटके' रेसेपी

भक्ती :Ganesh Festival 2025: बाप्पाच्या मूर्तीची 'ही' पाच वैशिष्ट्य तुमच्या लक्षात आली का?

सखी :खाऊन तर पाहा रसमलाई मोदक! फक्त वाटीभर पनीर हवं, १५ मिनिटांत मोदक तयार-पाहा इन्स्टंट रेसिपी

सांगली :Sangli: भक्तीच्या वर्षावात न्हाला तासगावचा ऐतिहासिक रथोत्सव, लाखो भाविकांची उपस्थिती

दीड दिवसांच्या गणपतीचे विसर्जन ...