Ganesh Utsav 2025 | Ganapati Utsav 2025 | Gharcha Ganapati | Ganesh Chaturthi 2025 | गणेश चतुर्थी २०२५ | Puja | Aarti | Decoration | Darshan| Videos | Photos | Recipes

पुणे : यंदा पुण्याच्या सार्वजनिक गणेश विसर्जन मिरवणुकीत पारंपरिक वाद्यांचा झालेला वापर आणि रात्रीच्या वेळेस डीजे सिस्टिम्सवरील नियंत्रणामुळे अनंत चतुर्दशीच्या दिवशी सरासरी आवाजाची पातळी गेल्या काही वर्षांपेक्षा कमी म्हणजे ९२.६ डेसिबल्स एवढीच नोंदविली गेली. मात्र, त्याची कसर रविवारी (दि. ७) डीजेच्या दणदणाटाने भरून काढली. खंडोजी बाबा चौकात दुसऱ्या दिवशी सकाळी ८ वाजता १०९.० डेसिबल्सची नोंद झाली.गेल्या काही वर्षांत सार्वजनिक विसर्जन मिरवणुकीमध्ये मंडळांकडून डीजेचा वापर वाढला आहे. त्यामुळे विसर्जन मिरवणुकीत ध्वनि प्रदूषण किती होते? याबाबत गेल्या २५ वर्षांपासून सीईओपी तंत्रज्ञान विद्यापीठातर्फे लक्ष्मी रस्त्यावरील १० चौकांमध्ये ध्वनी पातळीची नोंद होते. सीईओपीच्या उपयोजित विज्ञान आणि मानव्यविद्या विभागाचे प्रमुख महेश शिंदीकर यांच्या मार्गदर्शनाखाली ही नोंद केली जाते. यात मृणाल खुटेमाटे, सुमेध ब्राह्मणकर, आर्या घाडगे, अदिती तळोकार, श्रावणी शिंदे, क्रिश खोलिया, अथर्व राखोंडे, प्रथमेश पोधाडे, ओम सोनवणे, शंतनु केले, संचिता पाटील, ओम बेहरे, साहिल अग्रवाल, भूमिका अवचट, आदित्य संजीवी, कार्तिक गायखे, सुयोग सावंत, आदर्श चौधरी, उत्कर्षा काकड, अस्मिता गोगटे, स्वराली आवळकर, सिद्धार्थ शिडीद, वेदांत जोशी आणि मेहर रघाटाटे या विद्यार्थ्यांनी सहभाग नोंदविला.बेलबाग चौकात शनिवारी (दि. ६) रात्री ८ वाजता शंभराची पातळी ओलांडली गेली, १०५.६ डेसिबल इतकी आवाजाच्या पातळीची नोंद झाली. त्यानंतर रविवारी (दि. ७) मध्यरात्री १२ नंतर आणि सकाळी ६ वाजता हा आवाज कायम होता. सकाळी ८ वाजता आवाजाच्या पातळीत ९४ पर्यंत घट झाली. खंडूजीबाबा चौकात (दि. ६) दुपारी १२ वाजता ६१.६ इतक्या कमी पातळीची नोंद झाली. मात्र, दुसऱ्या दिवशी सकाळी ८ वाजता १०९.० डेसिबल इतका आवाज वाढला.गेल्या तीन वर्षांतील आवाजाची आकडेवारीवर्ष डेसिबल२०२२ : १०५.२२०२३ : १०१.२२०२४ : ९४.८२०२५ : ९२.६प्रदूषण मंडळाने आखलेली डेसिबलक्षेत्र : दिवसा : रात्रीऔद्योगिक क्षेत्र : ७५ : ७०व्यापारी क्षेत्र : ६५ : ५५निवासी क्षेत्र : ५५ : ४५शांतता क्षेत्र : ५० : ४०प्रदूषण मंडळाकडून २०० ठिकाणी निरीक्षणमहाराष्ट्र प्रदूषण नियंत्रण मंडळानेदेखील शहरातील २०० मंडपांमध्ये ध्वनी निरीक्षण केले. मागील वर्षीच्या तुलनेत काही ठिकाणी ध्वनी पातळी कमी झाली असली तरी काही भागांमध्ये लक्षणीय वाढल्याचे निरीक्षण नोंदवले.

Ganesh Mahotsav 2025 Celebration | गणेशोत्सव 2025 मराठी बातम्या, मराठी बातम्याFOLLOW

Ganesh mahotsav, Latest Marathi News

कोल्हापूर :Kolhapur: महागणपतीसह अनेक मूर्तींचे दुसऱ्या दिवशीही विसर्जन, डीजेचा दणदणाट

वाहतूक विस्कळीत ...

पुणे :मानाच्या गणेश मंडळांनी पाळली वेळ, पावित्र्य अन् शिस्तही! तरीही विसर्जन मिरवणुकीला विलंब, पाेलिसांकडे बाेट

कोल्हापूर :डी.जे.च्या आवाजातही पारंपरिक वाद्यांचा ठसा, कोल्हापुरात सव्वीस तास रंगला विसर्जन सोहळा

इराणी खणीवर १५६१ मोठ्या मूर्तींचे विसर्जन ...

सांगली :पुढच्या वर्षी गणपती बाप्पा लवकर नाही येणार, गणेशभक्तांना १८ दिवस जास्त वाट पाहावी लागणार

यंदा शनिवारी (दि. ६) गणपती बाप्पाला `पुढच्या वर्षी लवकर या`च्या गजरात भाविकांनी साश्रुनयनांनी निरोप दिला ...

सातारा :विसर्जन मिरवणुकीत बीम लाइट गरागरा फिरली; साताऱ्यात आठ जणांवर गुन्हा

पोलिसांकडून तत्काळ दखल ...

सांगली :डीजेचा दणदणाट, टाळ मृदुंग, ढोल-ताशांचा गजर; सांगलीत १२ तास, तर मिरजेत ३० तास विसर्जन मिरवणुका

किरकोळ वादावादाची प्रकार वगळता जिल्ह्यात गणरायाला भावपूर्ण वातावरणात निरोप देण्यात आला ...

सातारा :Satara: फलटणमध्ये विसर्जन मिरवणुकीत दगडफेक; दोन्ही मंडळांच्या १३ कार्यकर्त्यांना अटक

पोलिसांसमोरच सुरु होती दगडफेक ...

पुणे :अनंत चतुर्दशीला आवाज घटला; दुसऱ्या दिवशी सकाळी वाढला, सकाळी १०९.० डेसिबल्सची नोंद