Ganesh Chaturthi 2024: Date, Pooja Vidhi, Muhurta, Importance, History In Marathi | गणेश चतुर्थी: मुहूर्त, पूजा विधि, महत्व

पुणे : 'वक्रतुंड', 'एकदंत', 'कृष्णपिंगाश्च', 'गजवक्र', 'लंबोदर' अशा विविध अकरा विशेष नामांनी परिचित असलेल्या श्रीगणरायाचे आज (बुधवारी) आगमन होत आहे. भाद्रपद शुद्ध चतुर्थीच्या दिवशी श्रीगणेश चतुर्थी आहे. या दिवशी ब्रह्ममुहूर्तापासून म्हणजे पहाटे ४:५० ते दुपारी १:५३ वाजेपर्यंत आपल्या आणि गुरुजींच्या सोयीने घरातील गणेशाची स्थापना आणि पूजन करता येईल. त्याकरिता भद्रादी (विष्टि) कोणतेही कुयोग वर्ज्य करण्याची किंवा विशिष्ट मुहूर्ताची आवश्यकता नाही. सार्वजनिक गणेशोत्सव मंडळाच्या गणेशमूर्तीची प्रतिष्ठापना मध्यान्हानंतरदेखील करता येऊ शकते. विशेष म्हणजे, यंदाचा गणेशोत्सव हा दहा नव्हे अकरा दिवसांचा असणार आहे, अशी माहिती दाते पंचांगकर्ते मोहन दाते यांनी दिली.ज्या गणेशाचे आवाहन आपण सुमुहूर्तमस्तु म्हणजे तू स्वताच एक सुमुहूर्त आहेस, असे म्हणून करतो. त्याच्या पूजनासाठी विशिष्ट नक्षत्र, योग, विष्टिकरण तसेच राहूकाल, शिवालिखित आदी कोणतीही कोष्टके पाहण्याची आवश्यकता नाही. प्रातः कालापासून मध्यान्हापर्यंत कोणत्याही वेळी स्थापना व पूजा करता येते. श्रीगणेश चतुर्थीच्या आधी एक दिवस किंवा त्याचदिवशी सकाळी मूर्ती आणावयास पाहिजे असे नाही, तर दुकानातून गणपतीची मूर्ती ८ ते १० दिवस आधीसुद्धा आणून घरामध्ये ठेवता येते. घरातील गणेशमूर्ती जास्तीत जास्त एक वितभर उंचीची आणि आसनस्थ असावी. असे पंचांगकर्ते मोहन दाते यांनी म्हटले आहे. प्रतिष्ठापना केलेल्या गणेशमूर्तीचे विसर्जन होणे आवश्यकपुढील वर्षी ज्येष्ठ अधिकमास असल्याने श्रीगणेशाचे आगमन उशिरा होईल. दि. १४ सप्टेंबर २०२६ रोजी श्रीगणेश चतुर्थी असणार आहे. घरात गर्भवती स्त्री असतानाही गणपती विसर्जन करावे. काही कुटुंबांत दीड दिवस, पाच व सात, तर काही घरांत अनंत चतुर्दशीपर्यंत उत्सव साजरा केला जातो. काही जणांकडे घरामध्ये गर्भवती असताना गणपती विसर्जन न करण्याची पद्धती आहे. पण, ती बरोबर नाही. घरात गर्भवती स्त्री असताना गणपती विसर्जन करता येते. अशा वेळी विसर्जन न करण्याची प्रथा चुकीची आहे. गणेश चतुर्थीच्या दिवशी प्रतिष्ठापना केलेल्या गणेशमूर्तीचे विसर्जन होणे आवश्यक आहे आणि ते वाहत्या पाण्यामध्ये विसर्जन करावे असे नसून, पाण्यात विसर्जन करावे असे आहे, असेही दाते यांनी नमूद केले.

गणेशोत्सव विधीFOLLOW

Ganesh festival rituals, Latest Marathi News

सखी :हार- फुले फ्रिजशिवायही राहतील ताजी! ८ सोप्या ट्रिक्स - फुले न कोमेजता राहतील टवटवीत...

How to Keep Flowers Fresh for a Month Tips : how to keep flowers fresh for a month : tips to make flowers last longer : ways to preserve flowers at home : tricks to keep flowers fresh naturally : flower preservation tips : long lasting flower care ha ...

भक्ती :तुम्हाला तुमचे गोत्र माहीत असेलच, पण गोत्र ज्यांच्या नावे आहे त्या ऋषींबद्दल माहिती आहे का?

Rishi Panchami 2025: आज ऋषिपंचमी आहे, त्यानिमित्त ऋषींचे स्मरण आणि त्यांच्या कार्याची ओळख करून घेऊ. ...

भक्ती :Ganesh Visarjan 2025: बाप्पा दीड दिवसांतच का चालला? असं चिमुकल्यांनी विचारलं, तर द्या 'हे' शास्त्रोक्त उत्तर!

भक्ती :Rishi Panchami 2025: ऋषींनी आपल्यासाठी काय केले? हे जाणून घेण्यासाठी 'हा' एक श्लोक पुरेसा आहे!

भक्ती :बाप्पाला आणताना, नेताना, पूजा करताना मूर्तीचा भाग 'दुभंगला' तर अशुभ? धर्मशास्त्र सांगते...

भक्ती :Ganesh Chaturthi 2025: फक्त गणेश चतुर्थीला बाप्पाला दुर्वा नाही तर तुळस वाहतात; असे का? ते जाणून घ्या

Ganesh Chaturthi 2025 Puja Vidhi Tulsi: गणपती बाप्पाला नेहमी आपण दुर्वा आणि जास्वदांचे फुल वाहतो, पण आज तुळशीला मान का? ते वाचा ...

भक्ती :गणेश चतुर्थी २०२५: गणपतीच्या नावापुढे 'बाप्पा' आणि 'मोरया' हे शब्द का आणि कसे जोडले गेले? वाचा!

पुणे :यंदाचा गणेशोत्सव दहा नव्हे अकरा दिवसांचा; ब्रह्ममुहूर्त पहाटे ४:५० ते दुपारी १:५३ वाजेपर्यंत

प्रतिष्ठापना केलेल्या गणेशमूर्तीचे विसर्जन होणे आवश्यक ...