Ganesh Chaturthi 2024: Date, Pooja Vidhi, Muhurta, Importance, History In Marathi | गणेश चतुर्थी: मुहूर्त, पूजा विधि, महत्व

Vaishakh Sankashti Chaturthi May 2025 Vrat Puja Vidhi: हिंदू नववर्ष सुरू झाले असून, दुसरा वैशाख महिना सुरू आहे. मराठी नववर्षातील दुसरी संकष्ट चतुर्थी साजरी होत आहे. काही मान्यतांनुसार, वैशाख महिन्यातील संकष्ट चतुर्थी एकदंत संकष्ट चतुर्थी म्हणून ओळखली जाते. या व्रतात गणपतीच्या एकदंत स्वरुपाचे पूजन केले जाते. गणेशाची शाश्वत भक्ती लाभण्यासाठी गणपती उपासक प्रत्येक महिन्यातील संकष्ट चतुर्थीला गणेशाचे व्रत करतात. गणेश व्रतांमध्ये संकष्ट चतुर्थीचे व्रत सर्वोच्च आणि सर्वश्रेष्ठ मानले जाते. मे महिन्यातील वैशाख संकष्ट चतुर्थीला चंद्रोदयाची वेळ, व्रतपूजनाचा सोपा विधी आणि काही मान्यता जाणून घेऊया...वैशाख संकष्ट चतुर्थीला वरिष्ठ आणि मालव्य राजयोग यांसारखे काही अद्भूत शुभ योग जुळून येत आहेत. गणपती ही वैश्विक देवता आहे. गणपती बुद्धीची देवता आहे. गणेश ही प्रेरणा देणारी देवता आहे. संकष्ट चतुर्थी हे व्रत कोणाही करू शकतो. संकष्ट चतुर्थीचे व्रत एक काम्यव्रत आहे. हे व्रत फार प्राचीन आहे. हजारो वर्षे हे व्रत भारतवर्षात निष्ठेने पाळले जाते. यातूनच या व्रताची थोरवी दिसून येते. प्रत्येक संकष्टीला गणेशभक्त आपापल्या परिने आणि पद्धतीने गणपती बाप्पाला भजत-पूजत असतात. वैशाख संकष्ट चतुर्थी: शुक्रवार, १६ मे २०२५वैशाख संकष्ट चतुर्थी प्रारंभ: शुक्रवार, १६ मे २०२५ रोजी पहाटे ०४ वाजून ०३ मिनिटे.वैशाख संकष्ट चतुर्थी समाप्ती: शनिवार, १७ मे २०२५ रोजी पहाटे ०५ वाजून १३ मिनिटे.संकष्ट चतुर्थीच्या निमित्ताने अडचणी, समस्येतून बाहेर पडण्यासाठी गणपतीचे नामस्मरण, काही विशेष स्तोत्रांचे पठण, मंत्रांचे जप करणे अतिशय शुभ, पुण्यफलदायी, लाभदायी ठरू शकते, असे सांगितले जाते. प्रथमेश गणपती हा सुखकर्ता आणि दुःखहर्ता आहे. संकटातून मार्ग दाखवणारा आणि अपार कृपा करणारा बाप्पा भाविकांच्या हाकेला धावून जाणार आहे, असे म्हटले जाते.वैशाख संकष्ट चतुर्थी व्रत पूजन कसे करावे?संकष्ट चतुर्थीच्या दिवशी दिवसभर उपवास करावा. गणपती बाप्पाची षोडशोपचार किंवा पंचोपचार पूजा करावी. शुद्ध पाण्याने गणपतीच्या मूर्तीचा अभिषेक करावा. अभिषेक करतेवेळी अथर्वशीर्ष पाठ असल्यास २१ वेळा आवर्तन करावे, अन्यथा ‘ॐ गं गणपतये नम:’ या मंत्राचा १०८ वेळा जप करावा. यानंतर फुले अर्पण करावीत. धूप, दीप, नेवैद्य अर्पण करून गणेशाचे नामस्मरण करावे. प्रसाद ग्रहण करून त्याचे वाटप करावे. संकष्ट चतुर्थीला चंद्रदर्शन महत्त्वाचे मानले जाते. रात्री चंद्रोदयाची वेळ पाहावी. धूप, दीप लावून गणपती बाप्पाला नैवेद्य दाखवावा. चंद्रदर्शन घेऊन चंद्राला अर्घ्य द्यावे आणि गणपतीची आरती म्हणून जास्वंदाची फुले आणि दूर्वा वाहून उपवास सोडावा. उपवास सोडताना गणपतीला आवडणारे लाडू, मोदक असे पदार्थ नैवेद्यासाठी केले जातात. गणपतीला दुर्वा अर्पण करणे शुभ फलदायी मानले गेले आहे. या दिवशी २१ दुर्वांची जोडी अर्पण केल्याने गणपती प्रसन्न होतात आणि भक्तांना सुख-समृद्धी आणि बुद्धीप्रदान करतात, असे सांगितले जाते. दुर्वा अर्पण केल्याशिवाय गणपती बाप्पाची पूजा पूर्ण होत नाही आणि पूजेचे पुण्यही लाभत नाही, अशी मान्यता असल्याचे सांगितले जाते. विविध शहरांतील चंद्रोदय वेळशहरांची नावेचंद्रोदयाची वेळमुंबईरात्रौ १० वाजून २९ मिनिटेठाणेरात्रौ १० वाजून २८ मिनिटेपुणेरात्रौ १० वाजून २३ मिनिटेरत्नागिरीरात्रौ १० वाजून २२ मिनिटेकोल्हापूररात्रौ १० वाजून १७ मिनिटेसातारारात्रौ १० वाजून २१ मिनिटेनाशिकरात्रौ १० वाजून २७ मिनिटेअहिल्यानगररात्रौ १० वाजून २१ मिनिटेधुळेरात्रौ १० वाजून २५ मिनिटेजळगावरात्रौ १० वाजून २२ मिनिटेवर्धारात्रौ १० वाजून ०९ मिनिटेयवतमाळरात्रौ १० वाजून १० मिनिटेबीडरात्रौ १० वाजून १६ मिनिटेसांगलीरात्रौ १० वाजून १६ मिनिटेसावंतवाडीरात्रौ १० वाजून १७ मिनिटेसोलापूररात्रौ १० वाजून १३ मिनिटेनागपूररात्रौ १० वाजून ०८ मिनिटेअमरावतीरात्रौ १० वाजून १३ मिनिटेअकोलारात्रौ १० वाजून १६ मिनिटेछत्रपती संभाजीनगररात्रौ १० वाजून २१ मिनिटेभुसावळरात्रौ १० वाजता २२ मिनिटेपरभणीरात्रौ १० वाजून १३ मिनिटेनांदेडरात्रौ १० वाजून १० मिनिटेधाराशीवरात्रौ १० वाजून १३ मिनिटेभंडारारात्रौ १० वाजून ०६ मिनिटेचंद्रपूररात्रौ १० वाजून ०४ मिनिटेबुलढाणारात्रौ १० वाजून १९ मिनिटेमालवणरात्रौ १० वाजून १९ मिनिटेपणजीरात्रौ १० वाजून १६ मिनिटेबेळगावरात्रौ १० वाजून १४ मिनिटेइंदौररात्रौ १० वाजून २६ मिनिटेग्वाल्हेररात्रौ १० वाजून २६ मिनिटे|| गणपती बाप्पा मोरया, मंगलमूर्ती मोरया||

गणेशोत्सव विधी, मराठी बातम्याFOLLOW

Ganesh festival rituals, Latest Marathi News

मुंबई :गणेशोत्सव मंडळांच्या मोठ्या मूर्तीचे विसर्जन समुद्रात करणार; सरकारचे कोर्टात प्रतिज्ञापत्र

Ganeshotsav 2025: मोठ्या गणेशमूर्ती समुद्रात विसर्जन करण्याचा मार्ग खुला होणार आहे. ...

सखी :यंदा गणपतीत डेकोरेशन काय करणार? तयारी सुरु करण्यापूर्वी वाचा ‘या’ ५ महत्त्वाच्या गोष्टी

महाराष्ट्र :गुड न्यूज! चाकरमान्यांना बाप्पा पावला; गणेशोत्सवासाठी कोकणात STच्या जादा ५ हजार बस धावणार

भक्ती :Sankashti Chaturthi 2025: चातुर्मासातील पहिली संकष्ट चतुर्थी: चंद्रोदय वेळ काय? बाप्पा होईल प्रसन्न, ‘असे’ करा पूजन

Gajanana Sankashti Chaturthi 2025 Moonrise Time: चातुर्मासातील पहिल्या संकष्ट चतुर्थीची चंद्रोदय वेळ काय? व्रत पूजन कसे करावे? जाणून घ्या... ...

भक्ती :शनिवारी आषाढी विनायक चतुर्थी: ‘असे’ करा व्रत; पूजनात ‘या’ गोष्टी विसरू नका, कृपा-लाभ होईल!

Ashadhi Vinayak Chaturthi 2025 Puja Vidhi: शनिवारी विनायक चतुर्थी आहे. गणपती पूजनाची सोपी पद्धत, महत्त्व आणि मान्यता जाणून घ्या.. ...

भक्ती :संकष्ट चतुर्थी 2025: असं करा गणपती पूजन; जाणून घ्या, शुभ मुहूर्त, पूजा विधी, मान्यता आणि चंद्रोदयाची वेळ

भक्ती :शुक्रवारी संकष्ट चतुर्थी: बाप्पासह लक्ष्मी देवीचेही पूजन करा; सुख-समृद्धी, अपार कृपा मिळवा

भक्ती :संकष्ट चतुर्थी 2025 व्रत: चंद्रोदयाची वेळ कधी? ‘असे’ करा गणेश पूजन; पाहा, शुभ मुहूर्त अन् मान्यता

Vaishakh Sankashti Chaturthi May 2025: वैशाख संकष्टी चतुर्थीला चंद्रोदय कधी आहे? सोप्या पद्धतीने व्रत पूजन कसे करावे? जाणून घ्या... ...