Ganesh Chaturthi 2024: Date, Pooja Vidhi, Muhurta, Importance, History In Marathi | गणेश चतुर्थी: मुहूर्त, पूजा विधि, महत्व

Vinayak Chaturthi Angarak Yog July 2024: वक्रतुण्ड महाकाय सूर्यकोटि समप्रभ। निर्विघ्नं कुरु मे देव सर्वकार्येषु सर्वदा॥ गणपती बाप्पा हे आबालवृद्धांचे आराध्य दैवत! प्रत्येक मराठी महिन्यातील दोन्ही चतुर्थीला गणपती पूजन, उपासना, नामस्मरण करण्याची प्राचीन परंपरा आहे. मराठी महिन्याच्या शुद्ध पक्षातील चतुर्थी विनायक चतुर्थी म्हणून ओळखली जाते. तर वद्य पक्षातील चतुर्थी संकष्ट चतुर्थी म्हणून ओळखली जाते. गणेश व्रतांमध्ये या दोन्ही चतुर्थींना गणपती पूजन करणे शुभ फलदायी मानले गेले आहे. आषाढ महिन्याच्या शुद्ध पक्षातील विनायक चतुर्थीला अंगारक योग जुळून आला आहे. या दिवसाचे महत्त्व आणि मान्यता यांविषयी जाणून घेऊया...गणपतीचे विनायक नाव हे प्राचीनच आहे. विनायक म्हणजे विशिष्ट शासन करणारा नायक. गणपती समरांगणात अग्रस्थानी लढणारा, आनंदाच्या प्रसंगी मनसोक्त नाचणारा, गोड-धोड आवडीने खाणारा, शिक्षणाची आवड आणि आस्था बाळगणारा असा सर्वांना आदर्श वाटणारा असा देव आहे. विनायक चतुर्थी मंगळवारी आली की तिला ‘अंगारक योग’ असलेली चतुर्थी मानतात. अंगारक म्हणजे मंगळ. विनायक चतुर्थी पुण्यप्रद मानली गेली आहे. मंगळवारी येणाऱ्या अंगारक विनायक चतुर्थीला गणपतीचे विशेष पूजन करावे, असे सांगितले जाते. विनायक चतुर्थी अंगारक योग: ०९ जुलै २०२४आषाढ शुद्ध चतुर्थी प्रारंभ: मंगळवार, ०९ जुलै २०२४ रोजी सकाळी ०६ वाजून १० मिनिटे.आषाढ शुद्ध चतुर्थी समाप्ती: बुधवार, १० जुलै २०२४ रोजी सकाळी ०७ वाजून ५१ मिनिटे.शुभ काळ: मंगळवार, ०९ जुलै २०२४ रोजी सकाळी ७ वाजून ५२ मिनिटे ते सायंकाळी ०६ वाजून ५५ मिनिटे.अंगारकी विनायक चतुर्थी हा योग वारंवार येत नाही. मंगळवारी चतुर्थी आली की, अंगारक योग जुळून येतो. याबाबत मुद्गल पुराणात तसेच गणेश पुराणात संदर्भ आढळून येतात, असे सांगितले जाते. अंगारक म्हणजे मंगळ ग्रह, जो निखाऱ्यासारखा लालभडक दिसतो. त्याने भारद्वाज ऋषींकडून गणेशमंत्र घेतला आणि गणरायाची उपासना केली. त्याच्या उपासनेवर प्रसन्न होऊन बाप्पाने त्याला आशीर्वाद दिला, की 'माझ्या जन्माची तिथी चतुर्थी होती, म्हणून मंगळवारी येणारी चतुर्थी तुझ्या नावाने अर्थात अंगारकी चतुर्थी म्हणून ओळखली जाईल! अमंगळ समजल्या जाणाऱ्या मंगळ ग्रहाला ज्या वरदविनायकाने पावन केले त्या विनायकाने आपलाही उद्धार करावा या हेतूने अंगारकी चतुर्थीचे व्रत केले जाते. वर्षभरातील सर्व चतुर्थी व्रत केल्याचे फळ मिळते, शिवाय मंगळ ग्रहाची आणि खुद्द गणरायाची आपल्यावर कृपादृष्टी होते अशी भाविकांची श्रद्धा आहे. विनायक चतुर्थी गणेश व्रतपूजन विधीअंगारक विनायक चतुर्थीला सकाळी लवकर उठून स्नान करावे. दिवसभर उपवास करावा. गणपती बाप्पाची षोडशोपचार पूजा करावी. शुद्ध पाण्याने गणपतीच्या मूर्तीचा अभिषेक करावा. अभिषेक करतेवेळी अथर्वशीर्ष पाठ असल्यास २१ वेळा आवर्तन करावे, अन्यथा ‘ॐ गं गणपतये नम:’ या मंत्राचा १०८ वेळा जप करावा. यानंतर फुले अर्पण करावीत. धूप, दीप, नेवैद्य अर्पण करून गणेशाचे नामस्मरण करावे. गणपतीला लाडू, मोदक यांचा नैवेद्य दाखवल्यास उत्तम. गणपतीची आरती करून मनोभावे नमस्कार करावा. शक्य असेल तर आवर्जून गणपती मंदिरात जाऊन बाप्पाचे दर्शन घ्यावे.एक दूर्वा अवश्य अर्पण करावीअंगारकी चतुर्थीचे व्रत केल्यास कोणतेही संकट येत नाही अथवा संकट आल्यास त्याचे निवारण होते, अशी मान्यता आहे. गणेशाने मंगळाला वर दिला आणि तुझ्या नावाची ही चतुर्थी लोकांचे कल्याण करणारी होईल असा वर दिला. तेव्हापासून अंगारकी चतुर्थी या दिवसाला विशेष महत्त्व प्राप्त झाले असे मानले जाते. धकाधकीच्या आणि धावपळीच्या काळात मनात असूनही अंगारकी संकष्टी चतुर्थीला गणपती पूजन करणे शक्य झाले नाही, तर एक दुर्वा अवश्य अर्पण करावी. मनोभावे गणपती बाप्पाचे स्मरण, नामस्मरण करावे. असे केल्याने पूर्ण पूजेचे पुण्य प्राप्त होऊ शकते, अशी मान्यता असल्याचे सांगितले जाते.

गणेशोत्सव विधी, मराठी बातम्याFOLLOW

Ganesh festival rituals, Latest Marathi News

पुणे :Dagdusheth Ganpati: श्रीमंत दगडूशेठचे बाप्पा विसर्जन मिरवणुकीत यंदाही दुपारी ४ वाजता निघणार

भक्ती :Haritalika Teej 2024: यंदा हरितालिकेचे व्रत कधी व ते नक्की कोणत्या वयोगटातील स्त्रियांनी करावे ते जाणून घ्या!

भक्ती :Ganesh Chaturthi 2024: बाप्पाने पहिल्यांदा मोदक कधी व कुणाकडे खाल्ला? वाचा त्याची गोष्ट!

Ganesh Chaturthi 2024: बाप्पाचे मोदक प्रेम आपल्याला माहीत आहेच, जाणून घेऊया ते कधीपासून जडले त्यामागची गोष्ट! ...

भक्ती :Ganesh Chaturthi 2024: गणेशोत्सवात आरती म्हणून झाल्यावर प्रदक्षिणा का घालतात? जाणून घ्या!

Ganesh Chaturthi 2024: गणेशोत्सवात आरती म्हणण्यापासून प्रदक्षिणा घालण्यापर्यन्त प्रत्येक गोष्टीचा अर्थ माहीत असायला हवा. ...

भक्ती :Ganesh Chaturthi 2024: गणपतीचे विसर्जन कोणत्या दिवशी करणे धर्मशास्त्राला अभिप्रेत आहे? वाचा!

भक्ती :Ganesh Chaturthi 2024: भाद्रपद चतुर्थीच्या दिवशी बाप्पाला दूर्वा नाही तर चक्क तुळस वाहतात; कारण...

भक्ती :Ganesh Chaturthi 2024: यंदा 'श्रीं' चे आगमन कधी? शुभ मुहूर्त कोणता आणि उत्सव समाप्ती कधी? सविस्तर वाचा!

भक्ती :अंगारकी विनायक चतुर्थी: ‘असे’ करा गणपती बाप्पाचे विशेष पूजन; पाहा, शुभ मुहूर्त अन् मान्यता