वजन कमी (Weight Loss) करण्याच्या प्रवासात अनेकदा चविष्ट पदार्थांना मुकावे लागते, पण 'खिचडी' हा एक असा पारंपरिक भारतीय आहार आहे, जो पौष्टिक आणि पचनास हलका असल्यामुळे तुमचा वेट लॉस प्लॅन (Weight Loss Plan) यशस्वी करू शकतो. योग्य डाळी आणि धान्य वापरून बनवलेली खिचडी तुम्हाला दीर्घकाळ पोट भरल्याची जाणीव देते आणि वारंवार भूक लागणे नियंत्रित करते. वजन कमी करण्यासाठी सर्वात उपयुक्त ठरणाऱ्या खिचडीच्या प्रकारांमध्ये खालील पर्यायांचा समावेश होतो. (Eat this khichdi for dinner for weight loss)
1) मूग डाळ खिचडी
मूग डाळ खिचडी वजन कमी करण्यासाठी मूग डाळ खिचडी हा सर्वोत्तम पर्याय आहे. मूग डाळ पचायला अतिशय हलकी असते आणि ती प्रथिने आणि फायबरचा उत्तम स्रोत आहे.प्रथिनांमुळे स्नायूंचे आरोग्य चांगले राहते आणि फायबरमुळे पचनक्रिया सुधारते. ही खिचडी कमी कॅलरीमध्ये जास्त पोषण देते, ज्यामुळे शरीराला आवश्यक ऊर्जा मिळते, पण वजन वाढत नाही.
२) दलिया खिचडी
दलिया म्हणजे मोडलेला गहू. गव्हामध्ये नैसर्गिकरित्या भरपूर फायबर असते, ज्यामुळे दलिया खिचडी खाल्ल्याने पोट बराच वेळ भरलेले राहते. यात फायबरचे प्रमाण खूप जास्त असल्यामुळे बद्धकोष्ठतेची समस्या दूर होते आणि मेटाबॉलिज्म (Metabolism) वाढण्यास मदत होते. दलिया खिचडी ही पोट साफ ठेवण्यास अत्यंत उपयुक्त आहे. यामध्ये गाजर, वाटाणे आणि घेवडा अशा भाज्यांचा समावेश केल्यास पोषण मूल्ये आणखी वाढतात.
३) बाजरीची खिचडी
बाजरी हे एक भरड धान्य (Millet) आहे, जे वजन कमी करण्यासाठी खूप फायदेशीर मानले जाते. बाजरीमध्ये कॅलरी कमी आणि फायबर, लोह (Iron), प्रथिने आणि मॅग्नेशियमचे प्रमाण जास्त असते. ती पचनसंस्थेसाठी चांगली आहे आणि भूक नियंत्रित ठेवण्यास मदत करते. हिवाळ्यात ही खिचडी खाणे अधिक फायद्याचे ठरते.