रस्त्यावर पाणीपुरीचा स्टॉल लावणारी एक सामान्य मुलगी जेव्हा थायलंडमध्ये भारताचा तिरंगा फडकवते, तेव्हा ती केवळ एक व्यावसायिक राहत नाही, तर लाखो तरुणांसाठी 'इन्स्पिरेशन' बनते. ही गोष्ट आहे २४ वर्षीय तापसी उपाध्याय हिची, जिला जग आज 'B.Tech पाणीपुरी वाली' म्हणून ओळखते.
मेरठ ते थायलंड: एक थक्क करणारा प्रवास
तापसी ही मूळची मेरठची असून ती एका मध्यमवर्गीय कुटुंबातून येते. बी.टेक इंजिनिअरिंग पूर्ण केल्यानंतर बहुराष्ट्रीय कंपनीत नोकरी करण्याऐवजी तिने आपला स्वतःचा व्यवसाय सुरू करण्याचा धाडसी निर्णय घेतला. दिल्लीच्या टिळक नगर मेट्रो स्टेशनजवळ ती तिचा पाणीपुरीचा स्टॉल लावते. पण ही पाणीपुरी साधीसुधी नाही, तर ती आरोग्याची काळजी घेणारी 'हेल्दी पाणीपुरी' आहे.
थायलंडमध्ये मिळवला मान
नुकत्याच थायलंडमध्ये पार पडलेल्या 'युनायटेड वर्ल्ड स्पोर्ट्स अँड फिटनेस फेडरेशन' (UWSFF) च्या वर्ल्ड चॅम्पियनशिपमध्ये तापसीने भारताचे प्रतिनिधित्व केले. या स्पर्धेत जगातील ४० देशांतील खेळाडूंनी भाग घेतला होता. तापसीने तिथे केवळ आपली जिद्द दाखवली नाही, तर 'मिस फिटनेस मॉडेल इंटरनॅशनल' हा किताबही आपल्या नावावर केला. इतकेच नाही तर जागतिक योग स्पर्धेत तिने तिसरा क्रमांक पटकावून भारताची मान उंचावली आहे.
पाणीपुरीमध्ये 'हेल्थ'चा तडका
तापसीच्या पाणीपुरीची चर्चा थायलंडपर्यंत का पोहोचली? त्याचे उत्तर तिच्या कामाच्या पद्धतीत आहे:
एअर फ्रायड पुरी: ती तिच्या पुऱ्या तेलात तळत नाही, तर एअर फ्रायरमध्ये बनवते, ज्यामुळे त्या ऑईल-फ्री राहतात.
नैसर्गिक मसाले: पाणी बनवण्यासाठी ती कोणत्याही कृत्रिम फ्लेवर्सचा वापर न करता ताज्या औषधी वनस्पती आणि मसाल्यांचा वापर करते.
मिशन हेल्दी इंडिया: लोकांना रस्त्यावरील खाद्यपदार्थ (Street Food) खाताना आरोग्याची चिंता वाटू नये, हे तिचे मुख्य ध्येय आहे.
आत्मनिर्भरतेचे जिवंत उदाहरण
तापसीचा प्रवास आपल्याला शिकवतो की, कोणतेही काम छोटे नसते. एकीकडे 'बी.टेक' पदवी असूनही पाणीपुरी विकण्याचा तिचा निर्णय समाजातील अनेकांसाठी आश्चर्यकारक होता, पण आज त्याच निर्णयाने तिला आंतरराष्ट्रीय ओळख मिळवून दिली आहे. ती केवळ पाणीपुरी विकत नाही, तर ती एक फिट एथलीट आणि योगा चॅम्पियन देखील आहे.
Web Summary : Tapasi Upadhyay, a B.Tech graduate, defied expectations by selling healthy Pani Puri. She won 'Miss Fitness Model International' in Thailand and secured third place in a global yoga competition, proving that any work can lead to international recognition.
Web Summary : बी.टेक स्नातक तापसी उपाध्याय ने हेल्दी पानी पुरी बेचकर उम्मीदों को तोड़ा। थाईलैंड में 'मिस फिटनेस मॉडल इंटरनेशनल' जीता और वैश्विक योग प्रतियोगिता में तीसरा स्थान हासिल किया, जिससे साबित हुआ कि कोई भी काम अंतर्राष्ट्रीय पहचान दिला सकता है।