'हा' त्रास असणाऱ्या लोकांनी लसूण खाणं टाळावं, बघा लसूण खायचाच असल्यास कसा- किती खावा?
Published:March 16, 2024 09:09 AM2024-03-16T09:09:04+5:302024-03-16T09:10:01+5:30
लसूण आरोग्यासाठी गुणकारीच आहे, पण तरीही तब्येतीच्या काही तक्रारी असतील, तर मात्र कच्चा लसूण खाणं टाळलेलं बरं.
कोणत्या प्रकारचा त्रास असेल तर कच्चा लसूण खाणं टाळावं, याविषयीची माहिती lokmat_sakhi या इन्स्टाग्राम पेजवर शेअर करण्यात आली आहे.
यामध्ये असं सांगितलं आहे की ज्या लोकांना वारंवार ॲसिडिटीचा त्रास होतो, अशा लोकांनी कच्चा लसूण खाणं टाळावं.
काही लोकांच्या घामाची खूपच जास्त दुर्गंधी येते. काही लोकांच्या तोंडाचाही कायम वास येतो. अशा लोकांनी लसूण खाऊ नये. कारण त्यामध्ये सल्फरचं प्रमाण खूप जास्त असतं.
ज्यांची पचनशक्ती थोडी कमजोर आहे, अशा लोकांनीही कच्चा लसूण खाणं टाळावं. कारण लसूणामध्ये असणारा फ्रुक्टोज हा घटक तुमच्यासाठी आणखी त्रासदायक ठरू शकतो.
लसूण खाल्ल्याने रक्त पातळ होण्यास मदत होते. जर तुम्ही रक्त पातळ होऊ नये म्हणून औषधोपचार घेत असाल तर लसूण खाणं टाळा.
रक्त पातळ होण्यास लसूण उपयुक्त ठरतो. म्हणून कोणत्याही प्रकारचं ऑपरेशन झाल्यानंतर काही दिवस लसूण खाणं टाळावं.
एका दिवशी १ ते २ पाकळ्या एवढ्याच प्रमाणात लसूण खावा. एखाद्या पदार्थामध्ये परतून किंवा शिजवून घातलेला लसूण खाणे अधिक चांगले.