लग्नसराईसाठी मराठमोळ्या थाटाचे ऑक्सिडाईज दागिने घ्यायचे? मग 'हे' दागिने तुमच्या कलेक्शनमध्ये असायलाच पाहिजेत

ऑक्सिडाईज दागिन्यांची सध्या खूप क्रेझ आहे. हल्ली तर अनेक पारंपरिक साड्यांनाही सिल्व्हर किंवा चंदेरी रंगातले काठ येत आहेत. त्यामुळे त्या साडीवर मग अनेकजणी ऑक्सिडाईज दागिने घालतात.

लग्नसराईसाठी पारंपरिक महाराष्ट्रीयन पद्धतीचे दागिने घेणार असाल तर हे काही मराठमोळे दागिने तुमच्या कलेक्शनमध्ये असायलाच पाहिजेत.

यापैकी सगळ्यात पहिला दागिना म्हणजे नथ. पारंपरिक तसेच अधुनिक ऑक्सिडाईज नथीचे अनेक प्रकार बाजारात मिळतील.

महाराष्ट्राची ओळख सांगणारा दुसरा दागिना म्हणजे कुड्या. काही वर्षांपर्यंत फक्त मोत्याच्याच कुड्या मिळायच्या. पण आता मात्र ऑक्सिडाईज कुड्याही मिळतात.

ऑक्सिडाईज ठुशीचे कित्येक प्रकार तुमच्या शहरातल्या बाजारपेठेत किंवा मग ऑनलाईन शॉपिंग साईटवर मिळतील.

असा ठसठशीत कोल्हापुरी साज लग्नकार्यात शोभून दिसतो. तो एकच दागिना घातला तरी पुरेसा आहे.

प्राजक्ता माळीच्या गळ्यात जो लांब दागिना आहे त्याला एकदाणी असे म्हणतात. तो ही पारंपरिक मराठी दागिना म्हणून ओळखला जातो.

गळ्यातला जो हा दागिना आहे त्याला बोरमाळ म्हणतात. लग्नसराईसाठी साडीवर असे पारंपारिक दागिने खूप खुलून दिसतात.

पारंपरिक लक्ष्मीहाराचा हा एक मॉडर्न प्रकार म्हणता येईल.