संत्र्यांच्या साली फेकू नका, कुंडीतल्या रोपांसाठी टॉनिक! ४ जबरदस्त फायदे- बघा कसा करायचा वापर

सध्या बाजारात भरपूर संत्री आलेल्या आहेत. संत्रीमधून व्हिटॅमिन सी भरपूर प्रमाणात मिळते. त्यामुळे तुम्हीही भरपूर संत्री खा आणि त्याची सालं मात्र झाडांसाठी राखून ठेवा.

संत्रीची सालं झाडांसाठी अतिशय फायदेशीर आहेत. त्यामुळे त्या सालींचा उपयोग झाडांसाठी कसा करायचा आणि त्याचे झाडांना नेमके काय फायदे होतात, हे आता पाहूया..

संत्रीच्या सालींचा उपयोग झाडांसाठी करणं अगदी सोपं आहे. त्यासाठी या साली २२ ते २४ तास पाण्यात भिजत ठेवा. त्यानंतर ते पाणी झाडांना द्या. फक्त एवढंच केल्याने झाडांना मात्र ४ जबरदस्त फायदे मिळणार आहेत.

संत्रीच्या सालींमधून झाडांना भरपूर प्रमाणत पोटॅशियम मिळते. ते झाडांच्या वाढीसाठी खूप गरजेचे आहे.

संत्रीच्या सालींमधून मिळणारे नायट्रोजन आणि फॉस्फरस झाडांना भरपूर फुलं येण्यासाठी पोषक ठरतात.

झाडांची पानं कायम हिरवीगार आणि चमकदार रहावीत यासाठी संत्रीच्या सालींचे पाणी झाडांवर शिंपडावे.

मातीला किंवा रोपट्याला मुंग्या होत असतील, बारीक किडे दिसत असतील तर संत्रीचे पाणी झाडांवर, मातीवर फवारावे. संत्रीच्या ॲण्टीबॅक्टेरियल, ॲण्टीफंगल गुणधर्मांमुळे किडे, मुंग्या कमी होतात.