डाएटिंग, व्यायाम... सर्व करुन दमलात पण वजन कमीच होईना; रोजच्या 'या' ६ सवयी जबाबदार

1 / 8

निरोगी आहार घेऊन, डाएटिंग करून, जिममध्ये व्यायाम करून आणि गोड पदार्थ टाळूनही बरेच लोक वजन वाढण्याने त्रस्त असतात. रोजच्या काही सवयी वजन कमी करण्यास अडथळा निर्माण करतात.

2 / 8

लठ्ठपणा कमी करण्यासाठी, अनेक गोष्टींची काळजी घ्यावी लागते, ज्या फक्त आहार आणि व्यायामापेक्षा खूप महत्त्वाच्या आहेत. वजन कमी करताना लोक नकळत कोणत्या चुका करतात ते जाणून घेऊया.

3 / 8

नाश्ता न केल्याने मेटाबॉलिज्म आणि ब्लड शुगर लेव्हल बिघडते, ज्यामुळे भूक वाढवणारे हार्मोन्स वाढतात. यामुळे दिवसाच्या शेवटी कॅलरीयुक्त पदार्थांचे जास्त सेवन होते, जे वजन वाढण्यात महत्त्वाची भूमिका बजावतात.

4 / 8

१० मिनिटांपेक्षा कमी वेळात जेवण पूर्ण केल्याने शरीराला पोट भरल्यासारखं वाटण्यासाठी पुरेसा वेळ (सामान्यतः १५-२० मिनिटे) मिळत नाही. यामुळे पोट भरल्यासारखं वाटण्यापूर्वी जास्त कॅलरीजचं सेवन होते, ज्यामुळे अनवधानाने वजन वाढतं.

5 / 8

सोडा, एनर्जी ड्रिंक्स आणि गोड कॉफीच्या प्रत्येक सर्व्हिंगमध्ये २५-४० ग्रॅम साखर असते. ही साखर इन्सुलिन वाढवते आणि फॅट्स स्टोर करण्यास मदत करते, परंतु प्रत्यक्षात भूक भागवत नाही.

6 / 8

टीव्ही पाहताना किंवा मल्टीटास्किंग करताना स्नॅक्स खाल्ल्याने भूकेची जाणीव कमी होते. या स्नॅक्सिंगमुळे प्रक्रिया केलेले अन्न आणि अनावश्यक कॅलरीजचं प्रमाण वाढतं.

7 / 8

दररोज ७-८ तासांपेक्षा कमी झोप घेतल्याने भूक नियंत्रित करणारे हार्मोन्स ग्रेलिनआणि लेप्टिनमध्ये व्यत्यय येतो. हे असंतुलन साखर आणि रिफईंड कार्ब्सची क्रेव्हिंग वाढवतं.

8 / 8

जास्त ताणामुळे कॉर्टिसोलची पातळी वाढते, ज्यामुळे भूक वाढते आणि विशेषतः पोटाभोवती फॅट्स जमा होतात. यामुळे मेटाबॉलिक डिसऑर्डरचा धोका वाढतो.